ਦਿਲ ਮੰਗੇ ਗੋਲਡ
ਯੋਗੇਸ਼ਵਰ ਦੱਤ ਦਾ ਓਲੰਪਿਕ ਅਭਿਆਨ ਅੱਜ ਸ਼ਾਮ 5 ਵਜੇ ਸ਼ੁਰੂ ਹੋਵੇਗਾ। ਯੋਗੇਸ਼ਵਰ ਦੱਤ ਦਾ ਪਹਿਲਾ ਮੁਕਾਬਲਾ ਮੰਗੋਲੀਆ ਦੇ ਭਲਵਾਨ ਗੈਨਜ਼ੋਰਿਜਿਨ ਮੰਦਾਖਨਾਰਨ ਨਾਲ ਹੋਵੇਗਾ। ਯੋਗੇਸ਼ਵਰ ਦੱਤ ਲਈ ਇਹ ਵੱਡੀ ਚੁਨੌਤੀ ਨਹੀਂ ਮੰਨੀ ਜਾ ਰਹੀ।
ਪੁਰੁਸ਼ ਕੁਸ਼ਤੀ - ਓਲੰਪਿਕ ਖੇਡਾਂ - Bronze medal – third place 2012 ਲੰਡਨ 60kg ਫ੍ਰੀਸਟਾਈਲ
ਪਰ ਇਸੇ ਵੇਟ ਕੈਟੇਗਰੀ 'ਚ ਇਟਲੀ ਦੇ ਫਰੈਂਕ ਚੈਮਿਜ਼ੋ ਨੂੰ ਸਭ ਤੋਂ ਮਜਬੂਤ ਦਾਵੇਦਾਰ ਮੰਨਿਆ ਜਾ ਰਿਹਾ ਹੈ। ਜੇਕਰ ਯੋਗੇਸ਼ਵਰ ਦੱਤ ਦੀ ਟੱਕਰ ਚੈਮਿਜ਼ੋ ਨਾਲ ਪੈਂਦੀ ਹੈ ਤਾਂ ਮੁਕਾਬਲਾ ਦਿਲਚਸਪ ਹੋ ਸਕਦਾ ਹੈ।
ਮੰਗੋਲੀਆ ਦੇ ਭਲਵਾਨ ਨਾਲ ਪਹਿਲੀ ਟੱਕਰ
ਯੋਗੇਸ਼ਵਰ ਦੱਤ ਇਸ ਵਾਰ ਵੀ ਓਲੰਪਿਕਸ 'ਚ ਜਗ੍ਹਾ ਪੱਕੀ ਕਰ ਚੁੱਕੇ ਹਨ ਅਤੇ ਦੇਸ਼ ਦੇ ਇਸ ਨਾਮਚੀਨ ਭਲਵਾਨ ਤੋਂ ਮੈਡਲ ਦੀ ਉਮੀਦ ਹਰ ਕਿਸੇ ਨੂੰ ਹੈ। ਯੋਗੇਸ਼ਵਰ ਦੱਤ 5 ਅੱਜ 65kg ਭਾਰਵਰਗ 'ਚ ਮੁਕਾਬਲਾ ਲੜਦੇ ਨਜਰ ਆਉਣਗੇ।
ਏਸ਼ੀਅਨ ਖੇਡਾਂ, ਕਾਮਨਵੈਲਥ ਖੇਡਾਂ ਅਤੇ ਓਲੰਪਿਕਸ ਵਰਗੇ ਟੂਰਨਾਮੈਂਟਸ 'ਚ ਲਗਾਤਾਰ ਕਮਾਲ ਕਰਨ ਵਾਲੇ ਯੋਗੇਸ਼ਵਰ ਦੱਤ ਤੋਂ ਦੇਸ਼ ਮੈਡਲ ਦੀ ਉਮੀਦ ਲਗਾ ਕੇ ਬੈਠਾ ਹੈ ਅਤੇ ਯੋਗੇਸ਼ਵਰ ਉਮੀਦਾਂ 'ਤੇ ਖਰਾ ਉਤਰਨ ਲਈ ਤਿਆਰ ਹੈ।
ਯੋਗੇਸ਼ਵਰ ਦੱਤ
ਰੀਓ ਓਲੰਪਿਕਸ 'ਚ ਭਾਰਤ ਨੇ ਆਪਣਾ ਹੁਣ ਤਕ ਦਾ ਸਭ ਤੋਂ ਵੱਡਾ ਓਲੰਪਿਕ ਦਲ ਭੇਜਿਆ ਸੀ। ਰੀਓ 'ਚ ਭਾਰਤ ਦੇ ਜਾਦਾ ਖਿਡਾਰੀਆਂ ਨੇ ਨਿਰਾਸ਼ ਕੀਤਾ। ਭਾਰਤ ਨੂੰ ਓਲੰਪਿਕ ਖਤਮ ਹੁੰਦੇ-ਹੁੰਦੇ 2 ਕਾਮਯਾਬੀਆਂ ਮਿਲੀਆਂ। ਸਾਕਸ਼ੀ ਮਲਿਕ ਨੇ ਭਾਰਤ ਲਈ ਰੈਸਲਿੰਗ 'ਚ ਕਾਂਸੀ ਦਾ ਤਗਮਾ ਅਤੇ ਪੀ.ਵੀ. ਸਿੰਧੂ ਨੇ ਬੈਡਮਿੰਟਨ 'ਚ ਚਾਂਦੀ ਦਾ ਤਗਮਾ ਜਿੱਤਿਆ।
ਰੈਸਲਿੰਗ ਦੀ ਖੇਡ 'ਚ ਭਾਰਤ ਨੂੰ ਲਗਾਤਾਰ 2 ਓਲੰਪਿਕਸ 'ਚ ਕਾਮਯਾਬੀ ਹਾਸਿਲ ਹੋਈ ਹੈ। ਸਾਲ 2008 'ਚ ਸੁਸ਼ੀਲ ਕੁਮਾਰ ਦੇ ਕਾਂਸੀ ਦੇ ਤਗਮੇ ਤੋਂ ਬਾਅਦ ਸਾਲ 2012 'ਚ ਸੁਸ਼ੀਲ ਕੁਮਾਰ ਨੇ ਚਾਂਦੀ ਦਾ ਤਗਮਾ ਜਿੱਤਿਆ ਅਤੇ ਯੋਗੇਸ਼ਵਰ ਦੱਤ ਨੇ ਕਾਂਸੀ ਦਾ ਤਗਮਾ ਆਪਣੇ ਨਾਮ ਕੀਤਾ।
ਪਰ ਹੁਣ ਅੱਜ ਪੂਰਾ ਦੇਸ਼ ਗੋਲਡ ਮੈਡਲ ਮੰਗ ਰਿਹਾ ਹੈ। ਅਤੇ ਦੇਸ਼ ਦੀ ਝੋਲੀ 'ਚ ਗੋਲਡ ਮੈਡਲ ਪਾਉਣ ਦਾ ਮੌਕਾ ਯੋਗੇਸ਼ਵਰ ਦੱਤ ਕੋਲ ਹੈ।