ਅਨੁਸ਼ਕਾ ਨੂੰ ਮਿਲਣ ਪਰਾਗ ਪਹੁੰਚੇ ਵਿਰਾਟ !
ਟੀਮ ਇੰਡੀਆ ਦੇ ਟੈਸਟ ਕਪਤਾਨ ਵਿਰਾਟ ਕੋਹਲੀ ਇਨ੍ਹੀਂ ਦਿਨੀ ਪਰਾਗ 'ਚ ਹਨ। ਕ੍ਰਿਕਟ ਤੋਂ ਮਿਲੇ ਛੋਟੇ ਜਿਹੇ ਬ੍ਰੇਕ 'ਚ ਵਿਰਾਟ ਆਪਣੀ ਗਰਲਫਰੈਂਡ ਅਨੁਸ਼ਕਾ ਸ਼ਰਮਾ ਨਾਲ ਛੁੱਟੀ ਮਨਾਉਣ ਪਹੁੰਚੇ ਹਨ।
ਪਹਿਲਾਂ ਵੈਸਟ ਇੰਡੀਜ਼ 'ਚ ਟੈਸਟ ਸੀਰੀਜ਼ ਅਤੇ ਫਿਰ ਅਮਰੀਕਾ 'ਚ ਵੈਸਟ ਇੰਡੀਜ਼ ਖਿਲਾਫ 2 ਟੀ-20 ਮੈਚ ਖੇਡਣ ਤੋਂ ਬਾਅਦ ਵਿਰਾਟ ਕੋਹਲੀ ਅਨੁਸ਼ਕਾ ਨੂੰ ਮਿਲਣ ਪਰਾਗ ਪਹੁੰਚ ਗਏ।
ਵਿਰਾਟ ਕੋਹਲੀ ਨੂੰ ਵੀ ਕ੍ਰਿਕਟ ਤੋਂ ਛੋਟਾ ਜਿਹਾ ਬ੍ਰੇਕ ਮਿਲਿਆ ਹੈ।
ਉਨ੍ਹਾਂਨੇ ਪਰਾਗ ਦੀਆਂ ਕੁਝ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ।
ਟੀਮ ਇੰਡੀਆ ਨੇ ਹੁਣ ਨਿਊਜ਼ੀਲੈਂਡ ਖਿਲਾਫ 22 ਸਿਤੰਬਰ ਤੋਂ ਘਰੇਲੂ ਟੈਸਟ ਸੀਰੀਜ਼ ਖੇਡਣੀ ਹੈ।
ਮੀਡੀਆ 'ਚ ਆਈਆਂ ਖਬਰਾਂ ਅਨੁਸਾਰ ਵਿਰਾਟ ਕੋਹਲੀ ਨੇ ਪਰਾਗ 'ਚ ਇੱਕ ਫੈਨ ਨਾਲ ਤਸਵੀਰ ਖਿਚਵਾਈ। ਇਸ ਫੈਨ ਨੇ ਤਸਵੀਰ ਨੂੰ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਦੇ ਹੋਏ ਲਿਖਿਆ 'ਨਵੇਂ ਮਾਸਟਰ ਬਲਾਸਟਰ ਦੇ ਨਾਲ, ਧੰਨਵਾਦ #Anushka Sharma ਇਸ ਤਸਵੀਰ ਨੂੰ ਕਲਿਕ ਕਰਨ ਲਈ।'
ਇਹ ਤਸਵੀਰ ਸੋਸ਼ਲ ਮੀਡੀਆ 'ਚ ਵਾਇਰਲ ਹੋ ਗਈ ਹੈ। ਦਰਅਸਲ ਅਨੁਸ਼ਕਾ ਸ਼ਰਮਾ ਇਨ੍ਹੀਂ ਦਿਨੀ ਸ਼ਾਹਰੁਖ ਖਾਨ ਨਾਲ ਫਿਲਮ 'ਦ ਰਿੰਗ' ਦੀ ਸ਼ੂਟਿੰਗ ਲਈ ਪਰਾਗ ਪਹੁੰਚੀ ਹੈ।