ਸਿਲਿਕ 'ਤੇ ਫੈਡਰਰ ਪਿਆ ਭਾਰਾ
ਰਾਜਰ ਫੈਡਰਰ ਨੇ ਕਮਾਲ ਕਰਦਿਆਂ ਨਵਰਤਿਲੋਵਾ ਦਾ ਰਿਕਾਰਡ ਤੋੜੇ ਹੋਏ ਵਿੰਬੈਲਡਨ ਗ੍ਰੈਂਡ ਸਲੈਮ ਦੇ ਸੈਮੀਫਾਈਨਲ 'ਚ ਐਂਟਰੀ ਕਰ ਲਈ। ਫੈਡਰਰ ਲਈ ਇਹ ਜਿੱਤ ਦਰਜ ਕਰਨਾ ਬੇਹਦ ਮੁਸ਼ਕਿਲ ਰਿਹਾ।
ਫੈਡਰਰ ਦੀ ਟੱਕਰ ਹੋਈ ਮਰੀਨ ਸਿਲਿਕ ਨਾਲ ਅਤੇ ਇਸ ਮੈਚ ਦੇ ਸ਼ੁਰੂਆਤੀ 2 ਸੈਟ ਸਿਲਿਕ ਨੇ ਜਿੱਤ ਲਏ ਸਨ। ਪਰ ਫਿਰ ਫੈਡਰਰ ਨੇ ਜਬਰਦਸਤ ਅੰਦਾਜ਼ 'ਚ ਮੈਚ 'ਚ ਵਾਪਸੀ ਕੀਤੀ ਅਤੇ ਲਗਾਤਾਰ 3 ਸੈਟ ਜਿੱਤ ਕੇ ਮੈਚ ਆਪਣੇ ਨਾਮ ਕਰ ਲਿਆ।
ਕਰੋਏਸ਼ੀਆ ਦੇ ਮਰੀਨ ਸਿਲਿਕ ਨੇ ਦੂਜੇ ਸੈਟ 'ਤੇ ਕਬਜਾ ਕਰਨ ਤੋਂ ਬਾਅਦ ਤੀਜਾ ਸੈਟ ਆਸਾਨੀ ਨਾਲ ਗਵਾਇਆ।
ਇਸਦੇ ਨਾਲ ਹੀ ਨਵਰਤਿਲੋਵਾ ਦੀ ਗ੍ਰੈਂਡ ਸਲੈਮ ਮੈਚਾਂ 'ਚ ਦਰਜ ਕੀਤੀ 306 ਜਿੱਤਾਂ ਦੇ ਰਿਕਾਰਡ ਤੋਂ ਫੈਡਰਰ ਅੱਗੇ ਨਿਕਲ ਗਏ। ਇਹ ਫੈਡਰਰ ਦਾ ਗ੍ਰੈਂਡ ਸਲੈਮ ਮੁਕਾਬਲਿਆਂ 'ਚ 40ਵਾਂ ਮੌਕਾ ਹੈ ਜਦ ਇਸ ਦਿੱਗਜ ਖਿਡਾਰੀ ਨੇ ਸੈਮੀਫਾਈਨਲ 'ਚ ਐਂਟਰੀ ਕੀਤੀ ਹੈ। ਫੈਡਰਰ ਦੇ ਮੈਚ ਜਿੱਤਣ ਤੋਂ ਬਾਅਦ ਦਰਸ਼ਕਾਂ ਨੇ ਵੀ ਇਸ ਖਿਡਾਰੀ ਦਾ ਹੌਂਸਲਾ ਵਧਾਉਣ ਲਈ ਖੂਬ ਸ਼ੋਰ ਮਚਾਇਆ।
ਪਰ ਇਹ ਖਿਡਾਰੀ ਚੌਥੇ ਸੈਟ 'ਚ ਬਾਜ਼ੀ ਮਾਰ ਸਕਦਾ ਸੀ ਪਰ ਫੈਡਰਰ ਦੇ ਕਮਾਲ ਸਾਹਮਣੇ ਸਿਲਿਕ ਦੀ ਇੱਕ ਨਾ ਚੱਲੀ। ਫੈਡਰਰ ਨੇ ਮੈਚ 6-7, 4-6, 6-3, 7-6, 6-3 ਦੇ ਫਰਕ ਨਾਲ ਆਪਣੇ ਨਾਮ ਕੀਤਾ।
ਖਾਸ ਗੱਲ ਇਹ ਸੀ ਕਿ ਫੈਡਰਰ ਨੇ ਇਸ ਜਿੱਤ ਦੇ ਨਾਲ ਹੀ ਮਾਰਟੀਨਾ ਨਵਰਤਿਲੋਵਾ ਦਾ ਰਿਕਾਰਡ ਵੀ ਤੋੜ ਦਿੱਤਾ। ਫੈਡਰਰ ਨੇ ਇਹ ਕਿਸੇ ਵੀ ਗ੍ਰੈਂਡ ਸਲੈਮ 'ਚ 307ਵੀਂ ਜਿੱਤ ਦਰਜ ਕੀਤੀ ਹੈ।