ਟੀਮ ਇੰਡੀਆ 'ਚ ਚਮਕਿਆ ਫਿਰੋਜ਼ਪੁਰ ਦਾ ਸਿਤਾਰਾ

ਪੰਜਾਬ ਦੇ ਫਿਰੋਜ਼ਪੁਰ ਦੇ ਰਹਿਣ ਵਾਲੇ ਸ਼ੁਭਮਨ ਗਿੱਲ ਨੇ ਭਾਰਤ ਦੀ ਅੰਡਰ-19 ਕ੍ਰਿਕਟ ਟੀਮ ਲਈ ਕਮਾਲ ਕਰਕੇ ਵਿਖਾਇਆ ਹੈ।

ਵਨਡੇ ਸੀਰੀਜ਼ ਦੇ ਪਹਿਲੇ 2 ਮੈਚਾਂ 'ਚ ਸ਼ੁਭਮਨ ਗਿੱਲ ਨੂੰ ਵਨ-ਡਾਊਨ ਨੰਬਰ (ਤੀਜੇ ਨੰਬਰ) 'ਤੇ ਬੱਲੇਬਾਜ਼ੀ ਕਰਨ ਦਾ ਮੌਕਾ ਮਿਲਿਆ। ਸ਼ੁਭਮਨ ਗਿੱਲ ਨੇ ਪਹਿਲੇ ਮੈਚ 'ਚ 27 ਗੇਂਦਾਂ 'ਤੇ 29 ਰਨ ਦੀ ਪਾਰੀ ਖੇਡੀ। ਦੂਜੇ ਮੈਚ 'ਚ ਸ਼ੁਭਮਨ ਗਿੱਲ ਨੇ 24 ਰਨ ਦਾ ਯੋਗਦਾਨ ਪਾਇਆ।

ਮੁੰਬਈ 'ਚ ਚੌਥੇ ਵਨਡੇ 'ਚ ਵੀ ਸ਼ੁਭਮਨ ਗਿੱਲ ਨੇ ਤੀਜੇ ਵਨਡੇ ਦੇ ਕਮਾਲ ਨੂੰ ਦੋਹਰਾਇਆ ਅਤੇ ਸੈਂਕੜਾ ਠੋਕਿਆ। ਸ਼ੁਭਮਨ ਗਿੱਲ ਨੇ 160 ਰਨ ਦੀ ਪਾਰੀ ਖੇਡੀ। ਸ਼ੁਭਮਨ ਗਿੱਲ ਨੇ 120 ਗੇਂਦਾਂ 'ਤੇ 23 ਚੌਕੇ ਅਤੇ 1 ਛੱਕੇ ਦੀ ਮਦਦ ਨਾਲ 160 ਰਨ ਬਣਾਏ।ਹੁਣ ਸ਼ੁਭਮਨ ਗਿੱਲ ਸੀਰੀਜ਼ 'ਚ 4 ਮੈਚਾਂ 'ਚ ਕੁਲ 351 ਰਨ ਬਣਾ ਚੁੱਕੇ ਹਨ। ਸ਼ੁਭਮਨ ਪਿਛਲੇ ਕੁਝ ਸਮੇਂ ਤੋਂ ਮੋਹਾਲੀ 'ਚ ਅਭਿਆਸ ਕਰਦੇ ਹਨ।

ਸ਼ੁਭਮਨ ਗਿੱਲ ਨੇ ABP ਸਾਂਝਾ ਨਾਲ ਸਾਲ 2014 'ਚ ਕੀਤੇ ਇੱਕ ਇੰਟਰਵਿਊ ਦੌਰਾਨ ਕਿਹਾ ਸੀ ਕਿ ਓਹ ਭਾਰਤ ਲਈ ਅੰਡਰ-19 ਵਿਸ਼ਵ ਕਪ ਖੇਡਣਾ ਹੀ ਉਸਦਾ ਸੁਪਨਾ ਹੈ। ਜਿਸ ਅੰਦਾਜ਼ 'ਚ ਸ਼ੁਭਮਨ ਗਿੱਲ ਬੱਲੇਬਾਜ਼ੀ ਕਰ ਰਹੇ ਹਨ ਉਸਨੂੰ ਵੇਖ ਲਗਦਾ ਹੈ ਕਿ ਉਨ੍ਹਾਂ ਦਾ ਸੁਪਨਾ ਜਲਦੀ ਹੀ ਪੂਰਾ ਹੋ ਜਾਵੇਗਾ।

ਪਰ ਸ਼ੁਭਮਨ ਗਿੱਲ ਦਾ ਅਸਲੀ ਜਲਵਾ ਅਜੇ ਬਾਕੀ ਸੀ। ਤੀਜੇ ਮੈਚ 'ਚ ਗਿੱਲ ਨੇ ਓਪਨਿੰਗ ਕਰਨ ਲਈ ਭੇਜਿਆ ਗਿਆ। 216 ਰਨ ਦਾ ਪਿੱਛਾ ਕਰਨ ਉਤਰੀ ਟੀਮ ਇੰਡੀਆ ਲਈ ਸਲਾਮੀ ਬੱਲੇਬਾਜ ਸ਼ੁਭਮਨ ਗਿੱਲ ਨੇ ਦਮਦਾਰ ਬੱਲੇਬਾਜ਼ੀ ਕੀਤੀ। ਸ਼ੁਭਮਨ ਗਿੱਲ ਨੇ 138 ਰਨ ਦੀ ਨਾਬਾਦ ਪਾਰੀ ਖੇਡ ਟੀਮ ਇੰਡੀਆ ਨੂੰ ਜਿੱਤ ਹਾਸਿਲ ਕਰਵਾਈ। ਸ਼ੁਭਮਨ ਗਿੱਲ ਦੀ ਪਾਰੀ 'ਚ 17 ਚੌਕੇ ਅਤੇ 2 ਛੱਕੇ ਸ਼ਾਮਿਲ ਸਨ।

ਇੰਗਲੈਂਡ ਖਿਲਾਫ ਖੇਡੀ ਜਾ ਰਹੀ ਅੰਡਰ-19 ਵਨਡੇ ਸੀਰੀਜ਼ 'ਚ ਸ਼ੁਭਮਨ ਗਿੱਲ ਨੇ ਲਗਾਤਾਰ 2 ਸੈਂਕੜੇ ਠੋਕ ਸਭ ਦਾ ਧਿਆਨ ਆਪਣੇ ਵਲ ਖਿੱਚਿਆ ਹੈ। ਸੀਰੀਜ਼ ਦੇ ਹੁਣ ਤਕ ਖੇਡੇ ਗਏ ਚਾਰੇ ਮੈਚਾਂ 'ਚ ਸ਼ੁਭਮਨ ਗਿੱਲ ਦੇ ਬੱਲੇ ਤੋਂ ਖੂਬ ਰਨ ਨਿਕਲੇ ਹਨ।