Harbhajan on Babar Azam: ਬਾਬਰ ਆਜ਼ਮ ਦੇ ਕ੍ਰਿਕਟ ਦੇ ਤਿੰਨੋਂ ਫਾਰਮੈਟਾਂ ਵਿੱਚ ਲਗਾਤਾਰ ਪ੍ਰਦਰਸ਼ਨ ਤੇ ਉਨ੍ਹਾਂ ਦੀ ਮੈਚ ਜਿੱਤਣ ਦੀ ਕਾਬਲੀਅਤ ਦੇਖਦੇ ਹੋਏ ਅਕਸਰ ਉਨ੍ਹਾਂ ਨੂੰ ਫੈਬ-4 ਵਿੱਚ ਗਿਣੇ ਜਾਣ ਦੀ ਚਰਚਾ ਹੁੰਦੀ ਰਹਿੰਦੀ ਹੈ। ਵਿਰਾਟ ਕੋਹਲੀ, ਜੋ ਰੂਟ, ਸਟੀਵ ਸਮਿਥ ਤੇ ਕੇਨ ਵਿਲੀਅਮਸਨ ਨੂੰ ਫਿਲਹਾਲ ਇਸ ਸਮੇਂ ਇਸ ਫੇਮਸ ਗਰੁੱਪ ਵਿੱਚ ਰੱਖਿਆ ਗਿਆ ਹੈ। ਇਹ ਚਾਰੇ ਖਿਡਾਰੀ, ਜਿਨ੍ਹਾਂ ਨੇ ਲਗਪਗ ਇਕੱਠੇ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ ਸੀ, ਨੂੰ ਕ੍ਰਿਕਟ ਦੇ ਤਿੰਨਾਂ ਫਾਰਮੈਟਾਂ ਵਿੱਚ ਆਪਣੇ ਦਮਦਾਰ ਪ੍ਰਦਰਸ਼ਨ ਤੇ ਆਪਣੇ ਦਮ 'ਤੇ ਮੈਚ ਜਿੱਤਣ ਦੀ ਸਮਰੱਥਾ ਦੇ ਆਧਾਰ 'ਤੇ ਹੀ ਇਸ ਗਰੁੱਪ ਦਾ ਹਿੱਸਾ ਮੰਨਿਆ ਜਾਂਦਾ ਹੈ।
ਚਾਰਾਂ ਦੀ ਆਪੋ-ਆਪਣੀ ਕਲਾਸ ਹੈ ਅਤੇ ਇਨ੍ਹਾਂ ਨੂੰ ਇਕੱਠੇ 'ਫੈਬ-4' ਕਿਹਾ ਜਾਂਦਾ ਹੈ। ਹੁਣ ਜਦੋਂ ਬਾਬਰ ਆਜ਼ਮ ਦੇ ਵੀ ਇਸ 'ਚ ਸ਼ਾਮਲ ਕਰਨ ਦੀ ਬਹਿਸ ਸ਼ੁਰੂ ਹੋ ਚੁੱਕੀ ਹੈ ਤਾਂ ਸਾਬਕਾ ਕ੍ਰਿਕਟਰ ਇਸ 'ਤੇ ਵੱਖ-ਵੱਖ ਰਾਏ ਦੇ ਰਹੇ ਹਨ। ਫਿਲਹਾਲ ਟੀਮ ਇੰਡੀਆ ਦੇ ਸਾਬਕਾ ਦਿੱਗਜ ਸਪਿਨਰ ਹਰਭਜਨ ਨੇ ਇਸ 'ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
ਜਦੋਂ ਹਰਭਜਨ ਨੂੰ ਪੁੱਛਿਆ ਗਿਆ ਕਿ ਕੀ ਬਾਬਰ ਨੂੰ ਵੀ ਹੁਣ ਇਸ ਵਿਸ਼ੇਸ਼ ਗਰੁੱਪ ਦਾ ਹਿੱਸਾ ਬਣਨਾ ਚਾਹੀਦਾ ਹੈ? ਇਸ 'ਤੇ ਹਰਭਜਨ ਦਾ ਕਹਿਣਾ ਹੈ, 'ਮੈਨੂੰ ਲੱਗਦਾ ਹੈ ਕਿ ਫਿਲਹਾਲ ਉਨ੍ਹਾਂ ਨੂੰ ਫੈਬ-4 'ਚ ਗਿਣਨਾ ਜਲਦਬਾਜ਼ੀ ਹੋਵੇਗੀ। ਬਾਬਰ ਵਿੱਚ ਯਕੀਨੀ ਤੌਰ 'ਤੇ ਗੁਣ ਹੈ। ਉਹ ਇਕ ਸ਼ਾਨਦਾਰ ਬੱਲੇਬਾਜ਼ ਹੈ ਜਿਸ ਕੋਲ ਬਹੁਤ ਜ਼ਿਆਦਾ ਆਤਮਵਿਸ਼ਵਾਸ ਅਤੇ ਤਕਨੀਕ ਹੈ। ਉਨ੍ਹਾਂ ਨੂੰ ਬਾਅਦ ਵਿਚ ਮਹਾਨ ਕ੍ਰਿਕਟਰ ਕਿਹਾ ਜਾਵੇਗਾ। ਪਰ ਫਿਲਹਾਲ ਉਸ ਨੂੰ ਕ੍ਰਿਕਟ ਦੀ ਕਿਸੇ ਖਾਸ ਲੀਗ 'ਚ ਸ਼ਾਮਲ ਕਰਨਾ ਜਲਦਬਾਜ਼ੀ ਹੋਵੇਗੀ। ਹੁਣ ਉਸਨੂੰ ਆਪਣੀ ਟੀਮ ਲਈ ਖੇਡਣ, ਦੌੜਾਂ ਬਣਾਉਣ ਅਤੇ ਮੈਚ ਜਿੱਤਣ ਦਿਓ।
ਬਾਬਰ ਨੇ ਹੁਣ ਤੱਕ ਅੰਤਰਰਾਸ਼ਟਰੀ ਪੱਧਰ 'ਤੇ 40 ਟੈਸਟ, 86 ਵਨਡੇ ਅਤੇ 74 ਟੀ-20 ਮੈਚ ਖੇਡੇ ਹਨ। ਉਨ੍ਹਾਂ ਨੇ ਟੈਸਟ 'ਚ 2851, ਵਨਡੇ 'ਚ 4261 ਅਤੇ ਟੀ-20 'ਚ 2686 ਦੌੜਾਂ ਬਣਾਈਆਂ ਹਨ। ਉਹਨਾਂ ਨੇ ਕ੍ਰਿਕਟ ਦੇ ਤਿੰਨੋਂ ਫਾਰਮੈਟਾਂ ਵਿੱਚ ਕੁੱਲ 23 ਸੈਂਕੜੇ ਅਤੇ 65 ਅਰਧ ਸੈਂਕੜੇ ਲਗਾਏ ਹਨ।