16 ਰਨ ਵਿਚਾਲੇ 7 ਵਿਕਟ ਗਵਾ ਕੇ ਹਾਰਿਆ ਪੰਜਾਬ
ਹਰਿਆਣਾ - 153/7 (20 ਓਵਰ)
ਪੰਜਾਬ - 106 ਆਲ ਆਊਟ (18.5 ਓਵਰ)
ਐਤਵਾਰ ਨੂੰ ਖੇਡੇ ਗਏ ਮੈਚ 'ਚ ਹਰਿਆਣਾ ਨੇ ਪੰਜਾਬ ਨੂੰ 47 ਰਨ ਨਾਲ ਮਾਤ ਦਿੱਤੀ। ਇਸ ਮੈਚ 'ਚ ਪੰਜਾਬ ਦੀ ਟੀਮ ਦੀ ਕਪਤਾਨੀ ਹਰਭਜਨ ਸਿੰਘ ਕਰ ਰਹੇ ਸਨ।
ਪੰਜਾਬ ਅਤੇ ਹਰਿਆਣਾ ਵਿਚਾਲੇ ਖੇਡੇ ਗਏ ਨਾਰਥ ਜ਼ੋਨ ਦੇ ਟੀ-20 ਮੈਚ 'ਚ ਹਰਿਆਣਾ ਦੀ ਟੀਮ ਜੇਤੂ ਰਹੀ।
ਇਸ ਮੈਚ 'ਚ ਹਰਿਆਣਾ ਦੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਨਿਰਧਾਰਿਤ 20 ਓਵਰਾਂ 'ਚ 7 ਵਿਕਟ ਗਵਾ ਕੇ 153 ਰਨ ਬਣਾਏ। ਹਰਿਆਣਾ ਲਈ ਸ਼ੁਭਮ ਰੋਹਿਲਾ ਨੇ 37 ਰਨ ਦੀ ਪਾਰੀ ਖੇਡੀ। ਰਜਤ ਪਾਲੀਵਾਲ ਨੇ 44 ਅਤੇ ਸ਼ਿਵਮ ਚੌਹਾਨ ਨੇ 41 ਰਨ ਦਾ ਯੋਗਦਾਨ ਪਾਇਆ।
ਪੰਜਾਬ ਲਈ ਸੰਦੀਪ ਸ਼ਰਮਾ ਅਤੇ ਮਨਪ੍ਰੀਤ ਗੋਨੀ ਨੇ 2-2 ਵਿਕਟ ਹਾਸਿਲ ਕੀਤੇ। ਸਿਧਾਰਥ ਕੌਲ ਨੇ 1 ਵਿਕਟ ਆਪਣੇ ਨਾਮ ਕੀਤਾ।
154 ਰਨ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਪੰਜਾਬ ਦੀ ਟੀਮ ਨੂੰ ਪਹਿਲਾ ਝਟਕਾ ਜਲਦੀ ਹੀ ਲੱਗਾ। ਮਨਨ ਵੋਹਰਾ (24) ਅਤੇ ਜਸਕਰਨਵੀਰ ਸਿੰਘ (27) ਨੇ ਮਿਲਕੇ ਪੰਜਾਬ ਨੂੰ 64 ਰਨ ਤਕ ਪਹੁੰਚਾਇਆ। ਇੱਕ ਸਮੇਂ 15ਵੇਂ ਓਵਰ 'ਚ ਪੰਜਾਬ ਦੀ ਟੀਮ ਨੇ 3 ਵਿਕਟ ਗਵਾ ਕੇ 90 ਰਨ ਬਣਾ ਲਏ ਸਨ। ਪਰ ਫਿਰ ਪੰਜਾਬ ਦੀ ਟੀਮ ਨੇ ਅਗਲੇ 16 ਰਨ ਵਿਚਾਲੇ 7 ਵਿਕਟ ਗਵਾ ਦਿੱਤੇ। ਪੰਜਾਬ ਦੀ ਟੀਮ 106 ਰਨ 'ਤੇ ਆਲ ਆਊਟ ਹੋ ਗਈ। ਹਰਿਆਣਾ ਲਈ ਸੰਜੈ ਪਾਹਲ ਨੇ 3 ਵਿਕਟ ਝਟਕੇ। ਜੋਗਿੰਦਰ ਸ਼ਰਮਾ ਅਤੇ ਰਾਹੁਲ ਤੇਵਾਤੀਆ ਨੂੰ 2-2 ਵਿਕਟ ਹਾਸਿਲ ਹੋਏ। ਪੰਜਾਬ ਦੇ 7 ਬੱਲੇਬਾਜ ਦਹਾਈ ਦਾ ਅੰਕੜਾ ਪਾਰ ਕਰਨ 'ਚ ਨਾਕਾਮ ਰਹੇ।
ਹਰਭਜਨ ਸਿੰਘ ਨੇ 4 ਓਵਰਾਂ 'ਚ 24 ਰਨ ਦਿੱਤੇ ਪਰ ਭੱਜੀ ਕੋਈ ਵਿਕਟ ਹਾਸਿਲ ਨਹੀਂ ਕਰ ਸਕੇ।