IND vs AUS, Team India Record in Ahmedabad: ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਚਾਰ ਟੈਸਟ ਮੈਚਾਂ ਦੀ ਸੀਰੀਜ਼ (Border Gavaskar Trophy) ਖੇਡੀ ਜਾ ਰਹੀ ਹੈ। ਇਸ ਸੀਰੀਜ਼ ਦੇ ਪਹਿਲੇ ਦੋ ਮੈਚਾਂ 'ਚ ਟੀਮ ਇੰਡੀਆ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਦੋਵੇਂ ਮੈਚ ਜਿੱਤੇ। ਦੂਜੇ ਪਾਸੇ ਇੰਦੌਰ 'ਚ ਖੇਡੇ ਗਏ ਤੀਜੇ ਟੈਸਟ 'ਚ ਕੰਗਾਰੂ ਟੀਮ ਨੇ ਜ਼ਬਰਦਸਤ ਵਾਪਸੀ ਕਰਦੇ ਹੋਏ ਤੀਜਾ ਮੈਚ 9 ਵਿਕਟਾਂ ਨਾਲ ਜਿੱਤ ਲਿਆ। ਹੁਣ ਇਹ ਟੈਸਟ ਸੀਰੀਜ਼ 2-1 ਨਾਲ ਬਰਾਬਰ ਹੋ ਗਈ ਹੈ। ਅਜਿਹੇ 'ਚ ਅਹਿਮਦਾਬਾਦ 'ਚ ਹੋਣ ਵਾਲਾ ਆਖਰੀ ਟੈਸਟ ਕਾਫੀ ਫੈਸਲਾਕੁੰਨ ਹੋ ਗਿਆ। ਅਜਿਹੇ 'ਚ ਅੱਜ ਅਸੀਂ ਤੁਹਾਨੂੰ ਇਸ ਮੈਚ ਤੋਂ ਪਹਿਲਾਂ ਦੱਸਾਂਗੇ ਕਿ ਅਹਿਮਦਾਬਾਦ 'ਚ ਟੀਮ ਇੰਡੀਆ ਦਾ ਰਿਕਾਰਡ ਕਿਵੇਂ ਰਿਹਾ।
ਅਹਿਮਦਾਬਾਦ 'ਚ ਕਿਵੇਂ ਰਿਹਾ ਟੀਮ ਇੰਡੀਆ ਦਾ ਰਿਕਾਰਡ?
ਭਾਰਤੀ ਟੀਮ ਅਹਿਮਦਾਬਾਦ ਵਿੱਚ ਹੁਣ ਤੱਕ 14 ਟੈਸਟ ਮੈਚ ਖੇਡ ਚੁੱਕੀ ਹੈ। ਇਨ੍ਹਾਂ 14 ਮੈਚਾਂ 'ਚ ਟੀਮ ਇੰਡੀਆ ਨੇ 6 ਮੈਚ ਜਿੱਤੇ ਹਨ। ਅਤੇ ਇੱਥੇ 6 ਮੈਚ ਡਰਾਅ ਰਹੇ ਹਨ। ਭਾਰਤੀ ਟੀਮ ਨੂੰ ਇੱਥੇ 2 ਮੈਚਾਂ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਭਾਰਤੀ ਟੀਮ ਆਖਰੀ ਵਾਰ ਮਾਰਚ 2021 'ਚ ਇਸ ਮੈਦਾਨ 'ਤੇ ਉਤਰੀ ਸੀ। ਉਸ ਸਮੇਂ ਟੀਮ ਇੰਡੀਆ ਨੇ ਇੰਗਲੈਂਡ ਨੂੰ 1 ਪਾਰੀ ਅਤੇ 25 ਦੌੜਾਂ ਨਾਲ ਹਰਾਇਆ ਸੀ। ਹਾਲਾਂਕਿ, ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਟੀਮ ਇੰਡੀਆ ਅਤੇ ਆਸਟਰੇਲੀਆ ਹੁਣ ਤੱਕ ਅਹਿਮਦਾਬਾਦ ਵਿੱਚ ਕਦੇ ਵੀ ਕਿਸੇ ਟੈਸਟ ਲਈ ਆਹਮੋ-ਸਾਹਮਣੇ ਨਹੀਂ ਹੋਏ ਹਨ। ਅਜਿਹੇ 'ਚ 9 ਮਾਰਚ ਤੋਂ ਸ਼ੁਰੂ ਹੋਣ ਵਾਲਾ ਇਹ ਮੈਚ ਕਾਫੀ ਰੋਮਾਂਚਕ ਹੋਣ ਦੀ ਉਮੀਦ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਪਹੁੰਚਣ ਲਈ ਟੀਮ ਇੰਡੀਆ ਲਈ ਇਹ ਮੈਚ ਜਿੱਤਣਾ ਬਹੁਤ ਜ਼ਰੂਰੀ ਹੈ।
ਇਹ ਵੀ ਪੜ੍ਹੋ: Cricket Story: ਲਾਈਵ ਮੈਚ ਦੌਰਾਨ ਜਦੋਂ ਸੁਨੀਲ ਗਾਵਸਕਰ ਨੇ ਅੰਪਾਇਰ ਤੋਂ ਕਟਵਾਏ ਵਾਲ਼, ਜਾਣੋ ਪੂਰੀ ਕਹਾਣੀ
ਦੋਵਾਂ ਟੀਮਾਂ ਦੇ ਪਲੇਇੰਗ 11 ਕੀ ਹੋ ਸਕਦੇ ਹਨ
ਭਾਰਤ: ਰੋਹਿਤ ਸ਼ਰਮਾ, ਸ਼ੁਭਮਨ ਗਿੱਲ, ਚੇਤੇਸ਼ਵਰ ਪੁਜਾਰਾ, ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ, ਰਵਿੰਦਰ ਜਡੇਜਾ, ਸ਼੍ਰੀਕਰ ਭਾਰਤ, ਰਵੀਚੰਦਰਨ ਅਸ਼ਵਿਨ, ਅਕਸ਼ਰ ਪਟੇਲ, ਉਮੇਸ਼ ਯਾਦਵ, ਮੁਹੰਮਦ ਸ਼ਮੀ
ਆਸਟ੍ਰੇਲੀਆ: ਖਵਾਜਾ/ਰੇਨਸ਼ਾ, ਹੈਡ, ਲੈਬੁਸ਼ਗਨ, ਸਟੀਵ ਸਮਿਥ, ਹੈਂਡਸਕੋਮ, ਕੈਮਰਨ ਗ੍ਰੀਨ, ਅਲੈਕਸ ਕੈਰੀ, ਕੁਹਨੇਮੈਨ, ਲਿਓਨ, ਸਟਾਰਕ, ਮਰਫੀ
ਇਹ ਵੀ ਪੜ੍ਹੋ: ਰਵਿੰਦਰ ਜਡੇਜਾ ICC ਪਲੇਅਰ ਆਫ ਦਿ ਮੰਥ ਲਈ ਨਾਮਜ਼ਦ, ਇਨ੍ਹਾਂ ਦਿੱਗਜ ਖਿਡਾਰੀਆਂ ਨਾਲ ਹੋਵੇਗਾ ਸਖਤ ਮੁਕਾਬਲਾ