ਹੈਦਰਾਬਾਦ ਟੈਸਟ 'ਚ ਟੀਮ ਇੰਡੀਆ ਹੋਵੇਗੀ ਪਾਸ ?
ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਹੈਦਰਾਬਾਦ 'ਚ ਖੇਡੇ ਜਾ ਰਹੇ ਟੈਸਟ ਮੈਚ 'ਚ ਬੰਗਲਾਦੇਸ਼ ਦੀ ਟੀਮ ਨੂੰ ਜਿੱਤ ਲਈ 459 ਰਨ ਦਾ ਟੀਚਾ ਮਿਲਿਆ ਹੈ।
ਟੀਮ ਇੰਡੀਆ ਨੇ ਹੈਦਰਾਬਾਦ ਟੈਸਟ ਦੇ ਚੌਥੇ ਦਿਨ ਆਪਣੀ ਦੂਜੀ ਪਾਰੀ 4 ਵਿਕਟਾਂ ਦੇ ਨੁਕਸਾਨ 'ਤੇ 159 ਰਨ ਬਣਾ ਕੇ ਐਲਾਨੀ। ਟੀਮ ਇੰਡੀਆ ਨੂੰ ਦੂਜੀ ਪਾਰੀ 'ਚ 2 ਝਟਕੇ ਜਲਦੀ ਹੀ ਲੱਗੇ।
ਮੁਰਲੀ ਵਿਜੈ (7) ਅਤੇ ਲੋਕੇਸ਼ ਰਾਹੁਲ (10) ਕੋਈ ਖਾਸ ਕਮਾਲ ਕੀਤੇ ਬਿਨਾ ਹੀ ਪੈਵਲੀਅਨ ਪਰਤ ਗਏ। ਫਿਰ ਚੇਤੇਸ਼ਵਰ ਪੁਜਾਰਾ ਨੇ ਅਰਧ-ਸੈਂਕੜਾ ਜੜਿਆ ਅਤੇ 54 ਰਨ ਦੀ ਨਾਬਾਦ ਪਾਰੀ ਖੇਡੀ। ਵਿਰਾਟ ਕੋਹਲੀ (38) ਅਤੇ ਅਜਿੰਕਿਆ ਰਹਾਣੇ (28) ਨੇ ਵੀ ਤੇਜ਼ੀ ਨਾਲ ਰਨ ਬਣਾਏ।
ਭਾਰਤ ਨੇ 29 ਓਵਰਾਂ 'ਚ 159 ਰਨ ਬਣਾ ਕੇ ਪਾਰੀ ਐਲਾਨੀ। ਬੰਗਲਾਦੇਸ਼ ਲਈ ਸ਼ਾਕਿਬ ਅਲ ਹਸਨ ਅਤੇ ਟਸਕਿਨ ਅਹਿਮਦ ਨੇ 2-2 ਵਿਕਟ ਹਾਸਿਲ ਕੀਤੇ।
ਦੋਨਾ ਨੇ ਮਿਲਕੇ ਦੂਜੇ ਵਿਕਟ ਲਈ 60 ਰਨ ਦੀ ਪਾਰਟਨਰਸ਼ਿਪ ਕੀਤੀ। ਪਰ ਦਿਨ ਦਾ ਖੇਡ ਖਤਮ ਹੋਣ ਤੋਂ ਪਹਿਲਾਂ ਇਹ ਦੋਨੇ ਬੱਲੇਬਾਜ ਵੀ ਆਪਣੇ ਵਿਕਟ ਗਵਾ ਬੈਠੇ। ਹੁਣ ਟੀਮ ਇੰਡੀਆ ਨੂੰ ਜਿੱਤ ਦਰਜ ਕਰਨ ਲਈ ਮੈਚ ਦੇ ਆਖਰੀ ਦਿਨ 7 ਵਿਕਟ ਹਾਸਿਲ ਕਰਨ ਦੀ ਲੋੜ ਹੈ।
ਵੱਡੇ ਟੀਚੇ ਦਾ ਪਿੱਛਾ ਕਰਦਿਆਂ ਬੰਗਲਾਦੇਸ਼ ਦੀ ਟੀਮ ਨੇ ਚੌਥੇ ਦਿਨ ਦਾ ਖੇਡ ਖਤਮ ਹੋਣ ਤਕ 3 ਵਿਕਟ ਗਵਾ ਕੇ 103 ਰਨ ਬਣਾ ਲਏ ਸਨ।
ਜਵਾਬ 'ਚ ਬੰਗਲਾਦੇਸ਼ ਦੀ ਟੀਮ ਨੇ ਦੂਜੀ ਪਾਰੀ 'ਚ ਪਹਿਲਾ ਵਿਕਟ ਜਲਦੀ ਹੀ ਗਵਾਇਆ ਜਦ ਤਮੀਮ ਇਕਬਾਲ 3 ਰਨ ਬਣਾ ਕੇ ਆਊਟ ਹੋ ਗਏ। ਸੌਮਿਆ ਸਰਕਾਰ (43) ਅਤੇ ਮੋਮੀਨੁਲ ਹੱਕ (27) ਨੇ ਮਿਲਕੇ ਬੰਗਲਾਦੇਸ਼ ਦੀ ਪਾਰੀ ਨੂੰ ਸੰਭਾਲਿਆ।
ਬੰਗਲਾਦੇਸ਼ ਦੀ ਟੀਮ ਅਜੇ ਵੀ ਭਾਰਤ ਤੋਂ 356 ਰਨ ਪਿੱਛੇ ਹੈ। ਭਾਰਤ ਲਈ ਅਸ਼ਵਿਨ ਨੇ 2 ਅਤੇ ਜਡੇਜਾ ਨੇ 1 ਵਿਕਟ ਹਾਸਿਲ ਕੀਤਾ।