ਰਾਂਚੀ - ਟੀਮ ਇੰਡੀਆ ਅਤੇ ਨਿਊਜ਼ੀਲੈਂਡ ਵਿਚਾਲੇ ਖੇਡੇ ਜਾ ਰਹੇ ਚੌਥੇ ਵਨਡੇ 'ਚ ਨਿਊਜ਼ੀਲੈਂਡ ਨੇ ਆਪਣੀ ਪਾਰੀ 260 ਰਨ 'ਤੇ ਖਤਮ ਕੀਤੀ। ਭਾਰਤ ਨੂੰ ਜਿੱਤ ਲਈ 261 ਰਨ ਦਾ ਟੀਚਾ ਮਿਲਿਆ ਹੈ।
ਗਪਟਿਲ ਦਾ ਧਮਾਕਾ
ਨਿਊਜ਼ੀਲੈਂਡ ਦੀ ਟੀਮ ਨੂੰ ਮਾਰਟਿਨ ਗਪਟਿਲ ਅਤੇ ਟੌਮ ਲੈਥਮ ਨੇ ਦਮਦਾਰ ਸ਼ੁਰੂਆਤ ਦਿੱਤੀ। ਦੋਨੇ ਬੱਲੇਬਾਜ਼ਾਂ ਨ ਮਿਲਕੇ ਪਹਿਲੇ ਵਿਕਟ ਲਈ 96 ਰਨ ਜੋੜੇ। ਗਪਟਿਲ ਨੇ 84 ਗੇਂਦਾਂ 'ਤੇ 72 ਰਨ ਦੀ ਪਾਰੀ ਖੇਡੀ। ਲੈਥਮ ਨੇ 39 ਰਨ ਦਾ ਯੋਗਦਾਨ ਪਾਇਆ। ਕਪਤਾਨ ਵਿਲੀਅਮਸਨ 41 ਰਨ ਬਣਾ ਕੇ ਆਊਟ ਹੋਏ। ਨਿਊਜ਼ੀਲੈਂਡ ਦਾ ਮਿਡਲ ਆਰਡਰ ਇੱਕ ਵਾਰ ਫਿਰ ਤੋਂ ਫਲਾਪ ਰਿਹਾ। 200 ਰਨ ਦੇ ਨੇੜੇ ਪਹੁੰਚ ਕੇ ਕੀਵੀ ਟੀਮ ਨੇ ਲਗਾਤਾਰ ਵਿਕਟ ਗਵਾਉਣੇ ਸ਼ੁਰੂ ਕਰ ਦਿੱਤੇ। ਲਗਾਤਾਰ ਡਿਗਦੇ ਵਿਕਟਾਂ ਕਾਰਨ ਟੀਮ ਦੇ ਰਨ ਰੇਟ 'ਚ ਵੀ ਗਿਰਾਵਟ ਆਈ ਅਤੇ ਕੀਵੀ ਟੀਮ ਨਿਰਧਾਰਿਤ 50 ਓਵਰਾਂ 'ਚ 7 ਵਿਕਟਾਂ ਗਵਾ ਕੇ 260 ਰਨ ਹੀ ਬਣਾ ਸਕੀ।
ਭਾਰਤ ਲਈ ਫਿਰਕੀ ਗੇਂਦਬਾਜ਼ ਹਿਟ ਰਹੇ ਅਤੇ ਮਿਸ਼ਰਾ ਨੇ 2 ਅਤੇ ਅਕਸ਼ਰ ਪਟੇਲ ਨੇ 1 ਵਿਕਟ ਹਾਸਿਲ ਕੀਤਾ।