Harbhajan makes bold IPL Playoff prediction: ਲਖਨਊ ਸੁਪਰ ਜਾਇੰਟਸ ਅਤੇ ਗੁਜਰਾਤ ਟਾਈਟਨਜ਼ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ਦੇ 15ਵੇਂ ਸੀਜ਼ਨ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਕੇਐਲ ਰਾਹੁਲ ਲਖਨਊ ਦੀ ਕਪਤਾਨੀ ਕਰ ਰਹੇ ਹਨ। ਜਦਕਿ ਗੁਜਰਾਤ ਦੀ ਕਮਾਨ ਹਾਰਦਿਕ ਪੰਡਯਾ ਦੇ ਹੱਥਾਂ 'ਚ ਹੈ। ਇਸ ਦੇ ਨਾਲ ਹੀ ਹੁਣ ਹਰਭਜਨ ਸਿੰਘ ਨੇ ਗੁਜਰਾਤ ਨੂੰ ਬਹੁਤ ਤਾਕਤਵਰ ਦੱਸਿਆ ਹੈ। ਇਸ ਤੋਂ ਇਲਾਵਾ ਮੈਥਿਊ ਹੇਡਨ ਦਾ ਵੀ ਮੰਨਣਾ ਹੈ ਕਿ ਇਹ ਖ਼ਤਰਨਾਕ ਟੀਮ ਹੈ।
ਪਲੇਆਫ 'ਚ ਥਾਂ ਬਣਾਉਣ ਜਾ ਰਹੀ ਟੀਮ
ਗੁਜਰਾਤ ਟੀਮ ਬਾਰੇ ਗੱਲ ਕਰਦਿਆਂ ਹਰਭਜਨ ਸਿੰਘ ਨੇ ਕਿਹਾ ਕਿ ਗੁਜਰਾਤ ਦੀ ਟੀਮ ਲਖਨਊ ਸੁਪਰ ਜਾਇੰਟਸ ਨੂੰ ਹਰਾ ਕੇ ਪਲੇਆਫ ਵਿੱਚ ਥਾਂ ਬਣਾਉਣ ਵਾਲੀ ਇਸ ਸੀਜ਼ਨ ਦੀ ਪਹਿਲੀ ਟੀਮ ਬਣੇਗੀ। ਹਾਰਦਿਕ ਦੀ ਕਪਤਾਨੀ 'ਚ ਟੀਮ ਜ਼ਿਆਦਾ ਤਾਕਤਵਰ ਹੈ। ਲੈੱਗ ਸਪਿਨਰ ਰਾਸ਼ਿਦ ਖਾਨ ਵੀ ਇਸ ਸਮੇਂ ਫਾਰਮ 'ਚ ਹਨ। ਕੋਚ ਆਸ਼ੀਸ਼ ਨਹਿਰਾ ਨੂੰ ਵੀ ਟੀਮ 'ਤੇ ਭਰੋਸਾ ਹੈ। ਜਿਸ ਕਾਰਨ ਉਨ੍ਹਾਂ ਨੂੰ ਹਰਾਉਣਾ ਮੁਸ਼ਕਿਲ ਹੈ।
ਹੇਡੇਨ ਨੇ ਵੀ ਕੀਤਾ ਸਮਰਥਨ
ਹੇਡੇਨ ਨੇ ਵੀ ਹਰਭਜਨ ਸਿੰਘ ਦੀ ਗੱਲ ਦਾ ਸਮਰਥਨ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਟੀਮ ਦੀ ਬੱਲੇਬਾਜ਼ੀ ਵਿਚ ਗਹਿਰਾਈ ਹੈ। ਉਹ ਆਤਮ-ਵਿਸ਼ਵਾਸ ਨਾਲ ਭਰਿਆ ਹੋਇਆ ਹੈ। ਇਸ ਟੀਮ ਵਿੱਚ ਮੈਚ ਵਿਨਰ ਹਨ। ਟੀਮ ਦਾ ਇਹ ਮੈਚ ਦੇਖਣਾ ਹਮੇਸ਼ਾ ਰੋਮਾਂਚਕ ਹੁੰਦਾ ਹੈ। ਜੇਕਰ ਰਾਹੁਲ ਚੰਗਾ ਨਹੀਂ ਕਰਦੇ ਹਨ ਤਾਂ ਰਾਸ਼ਿਦ ਖ਼ਾਨ ਚੰਗਾ ਪ੍ਰਦਰਸ਼ਨ ਕਰਦੇ ਹਨ। ਜੇ ਉਹ ਚੰਗਾ ਨਹੀਂ ਕਰਦਾ, ਮਿਲਰ ਚੰਗਾ ਕਰਦਾ ਹੈ। ਇਹ ਟੀਮ ਮੈਚ ਜੇਤੂਆਂ ਨਾਲ ਸਜੀ ਹੋਈ ਹੈ। ਇਸ ਕਾਰਨ ਇਹ ਟੀਮ ਜ਼ਿਆਦਾ ਖ਼ਤਰਨਾਕ ਹੈ। ਜਿਸ ਤਰ੍ਹਾਂ ਨਾਲ ਉਹ ਕ੍ਰਿਕਟ ਖੇਡ ਰਹੀ ਹੈ, ਉਹ ਇਸ ਨੂੰ ਹੋਰ ਰੋਮਾਂਚਕ ਬਣਾ ਰਿਹਾ ਹੈ। ਦੱਸ ਦੇਈਏ ਕਿ ਗੁਜਰਾਤ ਦੀ ਟੀਮ ਨੇ ਹੁਣ ਤੱਕ 11 ਮੈਚ ਖੇਡੇ ਹਨ, ਜਿਸ ਵਿੱਚ ਉਸ ਨੇ 8 ਮੈਚ ਜਿੱਤੇ ਹਨ।
ਇਹ ਵੀ ਪੜ੍ਹੋ: Sri Lanka Crisis: ਸ਼੍ਰੀਲੰਕਾ 'ਚ ਖੂਨੀ ਸੰਘਰਸ਼ ਦੌਰਾਨ ਰੱਖਿਆ ਮੰਤਰਾਲੇ ਨੇ ਲਿਆ ਵੱਡਾ ਫੈਸਲਾ, ਹਿੰਸਾ ਕਰਨ ਵਾਲਿਆਂ ਨੂੰ ਦੇਖਦੇ ਹੀ ਗੋਲੀ ਮਾਰਨ ਦੇ ਹੁਕਮ