Mumbai Indians Captain IPL 2025: ਮੁੰਬਈ ਇੰਡੀਅਨਜ਼ ਨੂੰ ਆਈਪੀਐਲ 2025 ਵਿੱਚ ਕਈ ਬਦਲਾਅ ਦੇ ਨਾਲ ਦੇਖਿਆ ਜਾ ਸਕਦਾ ਹੈ। ਇਸ 'ਚ ਸਭ ਤੋਂ ਵੱਡਾ ਬਦਲਾਅ ਕਪਤਾਨੀ ਨੂੰ ਲੈ ਕੇ ਹੋ ਸਕਦਾ ਹੈ। ਹਾਰਦਿਕ ਪਾਂਡਿਆ ਨੂੰ ਕਪਤਾਨੀ ਤੋਂ ਹਟਾਇਆ ਜਾ ਸਕਦਾ ਹੈ। ਉਨ੍ਹਾਂ ਦੀ ਜਗ੍ਹਾ ਸੂਰਿਆਕੁਮਾਰ ਯਾਦਵ ਨਵੇਂ ਕਪਤਾਨ ਬਣ ਸਕਦੇ ਹਨ। ਇਕ ਰਿਪੋਰਟ ਮੁਤਾਬਕ ਰੋਹਿਤ ਸ਼ਰਮਾ ਦੇ ਨਾਲ-ਨਾਲ ਟੀਮ ਦੇ ਕਈ ਖਿਡਾਰੀ ਪਾਂਡਿਆ ਦੀ ਕਪਤਾਨੀ ਤੋਂ ਖੁਸ਼ ਨਹੀਂ ਹਨ। ਇਸ ਦੇ ਨਾਲ ਹੀ ਸਚਿਨ ਤੇਂਦੁਲਕਰ ਵੀ ਸੂਰਿਆ ਨੂੰ ਕਪਤਾਨ ਬਣਾਉਣ ਦੇ ਪੱਖ ਵਿੱਚ ਹਨ। ਹਾਲਾਂਕਿ ਇਸ ਸਬੰਧੀ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਸਪੋਰਟਸਯਾਰੀ ਦੀ ਇੱਕ ਖਬਰ ਮੁਤਾਬਕ ਰੋਹਿਤ ਦੇ ਕੈਂਪ ਨੇ ਮੁੰਬਈ ਇੰਡੀਅਨਜ਼ ਦੀ ਟੀਮ ਪ੍ਰਬੰਧਨ ਨੂੰ ਅਲਟੀਮੇਟਮ ਦਿੱਤਾ ਹੈ। ਰੋਹਿਤ ਅਤੇ ਸਚਿਨ ਸਮੇਤ ਕਈ ਖਿਡਾਰੀ ਨਹੀਂ ਚਾਹੁੰਦੇ ਕਿ ਪਾਂਡਿਆ ਕਪਤਾਨ ਬਣੇ ਰਹਿਣ। ਜੇਕਰ ਮੁੰਬਈ ਅਜੇ ਵੀ ਹਾਰਦਿਕ ਨੂੰ ਕਪਤਾਨ ਬਣਾਏ ਰੱਖਦਾ ਹੈ ਤਾਂ ਰੋਹਿਤ ਅਤੇ ਸੂਰਿਆ ਦੇ ਨਾਲ-ਨਾਲ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਵੀ ਟੀਮ ਨੂੰ ਛੱਡ ਸਕਦੇ ਹਨ। ਫਿਲਹਾਲ ਮੁੰਬਈ ਖੇਮੇ 'ਚ ਇਸ ਨੂੰ ਲੈ ਕੇ ਕਾਫੀ ਹਲਚਲ ਮੱਚੀ ਹੋਈ ਹੈ।
ਮੁੰਬਈ ਨੇ ਰੋਹਿਤ ਨੂੰ ਦੱਸੇ ਬਿਨਾਂ ਲਿਆ ਸੀ ਫੈਸਲਾ
ਮੁੰਬਈ ਆਈਪੀਐਲ 2024 ਵਿੱਚ ਹਾਰਦਿਕ ਪਾਂਡਿਆ ਨੂੰ ਟੀਮ ਵਿੱਚ ਲੈ ਕੇ ਆਇਆ। ਪਾਂਡਿਆ ਗੁਜਰਾਤ ਟਾਇਟਨਸ ਲਈ ਖੇਡਦੇ ਸਨ। ਪਰ ਉਨ੍ਹਾਂ ਨੂੰ ਟ੍ਰੇਂਡ ਕੀਤਾ ਗਿਆ। ਪਾਂਡਿਆ ਦੇ ਆਉਂਦੇ ਹੀ ਰੋਹਿਤ ਤੋਂ ਕਪਤਾਨੀ ਖੋਹ ਲਈ ਗਈ। ਰਿਪੋਰਟ ਮੁਤਾਬਕ ਮੁੰਬਈ ਨੇ ਰੋਹਿਤ ਨੂੰ ਇਸ ਬਾਰੇ 'ਚ ਜਾਣਕਾਰੀ ਨਹੀਂ ਦਿੱਤੀ ਸੀ। ਇਹ ਫੈਸਲਾ ਉਨ੍ਹਾਂ ਨੂੰ ਦੱਸੇ ਬਿਨਾਂ ਲਿਆ ਗਿਆ। ਇਸ ਦਾ ਅਸਰ ਮੁੰਬਈ ਦੇ ਮੈਚਾਂ ਦੌਰਾਨ ਵੀ ਦੇਖਣ ਨੂੰ ਮਿਲਿਆ। ਇਸ ਤੋਂ ਰੋਹਿਤ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਕਾਫੀ ਨਾਰਾਜ਼ ਸਨ।
ਹਾਰਦਿਕ ਦੇ ਹੱਕ ਵਿੱਚ ਰਹੇ ਹਨ ਜੈ ਸ਼ਾਹ
ਹਾਰਦਿਕ ਪਾਂਡਿਆ ਟੀ-20 ਫਾਰਮੈਟ ਵਿੱਚ ਟੀਮ ਇੰਡੀਆ ਦੇ ਕਪਤਾਨ ਬਣਨ ਜਾ ਰਹੇ ਸਨ। ਪਰ ਅਜਿਹਾ ਨਹੀਂ ਹੋ ਸਕਿਆ। ਉਨ੍ਹਾਂ ਦੀ ਜਗ੍ਹਾ ਸੂਰਿਆ ਨੂੰ ਕਪਤਾਨੀ ਸੌਂਪੀ ਗਈ। ਰਿਪੋਰਟ ਮੁਤਾਬਕ ਜੈ ਸ਼ਾਹ ਪਾਂਡਿਆ ਦੇ ਪੱਖ 'ਚ ਸਨ। ਪਰ ਅਜੀਤ ਅਗਰਕਰ ਦੇ ਨਾਲ-ਨਾਲ ਹੋਰ ਅਧਿਕਾਰੀ ਅਤੇ ਰੋਹਿਤ ਇਸ ਦੇ ਹੱਕ ਵਿੱਚ ਨਹੀਂ ਸਨ। ਜੈ ਸ਼ਾਹ ਦੀ ਬਦੌਲਤ ਹੀ ਪਾਂਡਿਆ ਕੁਝ ਸਮਾਂ ਉਪ-ਕਪਤਾਨ ਬਣੇ ਰਹੇ। ਹਾਲਾਂਕਿ ਇਸ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਮਿਲੀ ਹੈ।