ਵੀਡੀਓ ‘ਚ ਭਾਰਤੀ ਗੇਂਦਬਾਜ਼ ਅਤੇ ਮੁੰਬਈ ਟੀਮ ਦੇ ਖਿਡਾਰੀ ਜਸਪ੍ਰੀਤ ਬੁਮਰਾਹ ਨਜ਼ਰ ਆ ਰਹੇ ਹਨ। ਪਰ ਇਸ ਵੀਡੀਓ ਕਰਕੇ ਬੁਮਰਾਹ ਨੂੰ ਕਾਫੀ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਹੁਣ ਤੁਸੀ ਸੋਚ ਰਹੇ ਹੋਣੇ ਹੋ ਕਿ ਉਹ ਕਿਉਂ ਤਾਂ ਤੁਸੀਂ ਪਹਿਲਾਂ ਹੇਠ ਦਿੱਤੀ ਵੀਡੀਓ ਦੇਖੋ।
ਵੀਡੀਓ ‘ਚ ਬੁਮਰਾਹ ਦੀ ਕਾਰ ਦੇ ਰੁਕਦੀ ਹੈ ਤੇ ਹੋਟਲ ਦਾ ਦਰਬਾਨ ਕਾਰ ਦਾ ਦਰਵਾਜ਼ਾ ਖੋਲ੍ਹਦਾ ਹੈ। ਬੁਮਰਾਹ ਬਾਹਰ ਨਿੱਕਲਦੇ ਹਨ ਤੇ ਉਨ੍ਹਾਂ ਨੂੰ ਦੇਖ ਦਰਬਾਨ ਹੱਥ ਜੋੜ ਕੇ ਨਮਸਤੇ ਬੁਲਾਉਂਦਾ ਹੈ ਅਤੇ ਬੁਮਰਾਹ ਨਾਲ ਹੱਥ ਮਿਲਾਉਣ ਲਈ ਆਪਣਾ ਹੱਥ ਅੱਗੇ ਵਧਾਉਂਦਾ ਹੈ। ਪਰ ਬੁਮਰਾਹ ਉਸ ਨਾਲ ਹੱਥ ਨਹੀਂ ਮਿਲਾਉਂਦੇ ਤੇ ਸਿੱਧਾ ਨਿੱਕਲ ਜਾਂਦੇ ਹਨ। ਇਸ ਤੋਂ ਬਾਅਦ ਜਸਪ੍ਰੀਤ ਸੋਸ਼ਲ ਮੀਡੀਆ ‘ਤੇ ਲੋਕਾਂ ਦੇ ਨਿਸ਼ਾਨੇ ‘ਤੇ ਹਨ।
ਲੋਕ ਜਸਪ੍ਰੀਤ ਦੀ ਇਸ ਹਰਕਤ ਨੂੰ ਬੇਹੱਦ ਸ਼ਰਮਨਾਕ ਦੱਸ ਰਹੇ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਬੁਮਰਾਹ ਨੂੰ ਉਸ ਆਦਮੀ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ। ਕੁਝ ਨੇ ਲਿਖੀਆ ਕਿ ਤੁਸੀਂ ਸ਼ਾਨਦਾਰ ਇੰਸਾਨ ਹੋ ਪਰ ਤੁਹਾਡੀ ਇਸ ਹਰਕਤ ਨੇ ਸਾਡੀ ਨਜ਼ਰਾਂ ‘ਚ ਤੁਹਾਡੀ ਇੱਜ਼ਤ ਘਟਾ ਦਿੱਤੀ ਹੈ। ਉੱਧਰ ਕੁਝ ਲੋਕ ਬੁਮਰਾਹ ਦੇ ਪੱਖ ‘ਚ ਵੀ ਖੜ੍ਹੇ ਹਨ। ਪਰ ਸੋਸ਼ਲ ਮੀਡੀਆ 'ਤੇ ਇਹ ਮੁੱਦਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।