ਤਿੰਨ ਬੇਟੀਆਂ ਅਰਸ਼ 'ਤੇ, ਚਾਰ ਬੇਟੀਆਂ ਫਰਸ਼ 'ਤੇ
ਮੀਡੀਆ 'ਚ ਆਈਆਂ ਖਬਰਾਂ ਅਨੁਸਾਰ ਰੀਓ ਓਲੰਪਿਕਸ 'ਚ ਦੇਸ਼ ਲਈ ਹਾਕੀ ਖੇਡਣ ਵਾਲੀਆਂ 4 ਮਹਿਲਾ ਹਾਕੀ ਖਿਡਾਰਨਾ ਨਮਿਤਾ ਟੱਪੋ, ਦੀਪ ਗ੍ਰੇਸ ਇੱਕਾ, ਲਿਲੀਮਾ ਮਿਨਜ਼ ਅਤੇ ਸੁਨੀਤਾ ਲਾਕੜਾ ਨੂੰ ਘਰ ਪਰਤਦੇ ਹੋਏ ਕਾਫੀ ਪਰੇਸ਼ਾਨੀ ਹੋਈ।
ਖੇਡਾਂ ਲਈ ਜੁਨੂਨ ਨਾਲ ਭਰੇ ਭਾਰਤ 'ਚ ਇੱਕ ਪਾਸੇ ਦੇਸ਼ ਦੀ ਬੇਟੀਆਂ ਨੂੰ ਕਰੋੜਾਂ ਰੁਪਏ ਦੇਕੇ ਸਨਮਾਨਿਤ ਕੀਤਾ ਜਾ ਰਿਹਾ ਹੈ। ਅਤੇ ਦੂਜੇ ਪਾਸੇ ਦੇਸ਼ ਦੀਆਂ ਓਲੰਪੀਅਨ ਬੇਟੀਆਂ ਨੂੰ ਟ੍ਰੇਨ 'ਚ ਫਰਸ਼ 'ਤੇ ਬੈਠ ਕੇ ਸਫਰ ਕਰਨਾ ਪਿਆ ਹੈ।
ਪੀ.ਵੀ. ਸਿੰਧੂ, ਸਾਕਸ਼ੀ ਮਲਿਕ ਅਤੇ ਦੀਪਾ ਕਰਮਾਕਰ ਨੂੰ ਪੂਰੇ ਦੇਸ਼ ਨੇ ਮੋਢਿਆਂ 'ਤੇ ਚੁੱਕਿਆ ਅਤੇ ਹਰ ਪਾਸੇ ਇਨ੍ਹਾਂ ਖਿਡਾਰਨਾ ਦਾ ਚਰਚਾ ਹੈ।
ਪਰ 36 ਸਾਲ ਬਾਅਦ ਓਲੰਪਿਕਸ ਲਈ ਕੁਆਲੀਫਾਈ ਕਰਨ ਵਾਲੀ ਮਹਿਲਾ ਹਾਕੀ ਟੀਮ ਦੀ ਕੁਝ ਖਿਡਾਰਨਾ ਨੂੰ ਆਪਣੀ ਪਛਾਣ ਕਰਾਉਣ ਲਈ ਵੀ ਮੁਸ਼ਕਿਲ ਹੋਈ। ਆਪਣੇ ਘਰ ਪਰਤਦੇ ਹੋਏ ਇਨ੍ਹਾਂ ਖਿਡਾਰਨਾ ਨੂੰ ਟ੍ਰੇਨ 'ਚ ਫਰਸ਼ 'ਤੇ ਬੈਠ ਕੇ ਸਫਰ ਕਰਨਾ ਪਿਆ।
ਪਰ ਖਿਡਾਰਨਾ ਦੀ ਦਿੱਤੀ ਜਾਣਕਾਰੀ ਅਧਿਕਾਰੀਆਂ ਦੀ ਜਾਣਕਾਰੀ ਤੋਂ ਅਲਗ ਹੈ।
ਪਰ ਇਸ ਮਾਮਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਰੇਲਵੇ ਦੇ ਅਧਿਕਾਰੀਆਂ ਨੇ ਵੀ ਸਫਾਈ ਦਿੱਤੀ ਹੈ ਅਤੇ ਕਿਹਾ ਕਿ ਪਹਿਲਾਂ ਇਨ੍ਹਾਂ ਖਿਡਾਰਨਾ ਨੂੰ ਪੈਂਟਰੀ ਕਾਰ 'ਚ ਬੈਠਣ ਲਈ ਜਗ੍ਹਾ ਦਿੱਤੀ ਸੀ ਅਤੇ ਫਿਰ ਉਨ੍ਹਾਂ ਨੂੰ ਥਰਡ ਏ.ਸੀ. 'ਚ ਬੈਠਣ ਲਈ ਜਗ੍ਹਾ ਦਿੱਤੀ ਗਈ ਸੀ।
ਪਰ ਜਵਾਬ 'ਚ ਟੀ.ਟੀ. ਨੇ ਅਸਮਰਥਤਾ ਜਾਹਿਰ ਕੀਤੀ। ਫਿਰ ਇਨ੍ਹਾਂ ਖਿਡਾਰਨਾ ਨੂੰ ਫਰਸ਼ 'ਤੇ ਬੈਠ ਕੇ ਸਫਰ ਕਰਨਾ ਪਿਆ। ਹਾਲਾਂਕਿ ਕੁਝ ਦੇਰ ਬਾਅਦ ਕੁਝ ਸਵਾਰੀਆਂ ਨੇ ਇਨ੍ਹਾਂ ਨੂੰ ਬੈਠਣ ਲਈ ਜਗ੍ਹਾ ਦੇ ਦਿੱਤੀ।
ਸੁਨੀਤਾ ਨੇ ਕਿਹਾ 'ਅਸੀਂ ਟੀ.ਟੀ. ਨੂੰ ਆਪਣੀ ਪਛਾਣ ਵੀ ਦੱਸੀ ਅਤੇ ਬੇਨਤੀ ਕੀਤੀ ਕਿ ਪਿਛਲੇ ਕਈ ਦੀਨਾ ਤੋਂ ਲਗਾਤਾਰ ਸਫਰ ਕਰਕੇ ਅਸੀਂ ਥੱਕੇ ਹੋਏ ਹਾਂ, ਇਸ ਕਾਰਨ ਹੋ ਸਕੇ ਤਾਂ ਸਾਨੂੰ 1-2 ਸੀਟਾਂ ਉਪਲਬਧ ਕਰਵਾ ਦਿੱਤੀਆਂ ਜਾਣ।'
ਉਨ੍ਹਾਂ ਨੇ ਟੀ.ਟੀ. ਨੂੰ ਬੇਨਤੀ ਕੀਤੀ ਪਰ ਇਸਦੇ ਬਾਵਜੂਦ ਉਨ੍ਹਾਂ ਨੂੰ ਫਰਸ਼ 'ਤੇ ਬੈਠ ਕੇ ਸਫਰ ਕਰਨਾ ਪਿਆ।
ਇਹ ਖਿਡਾਰਨਾ ਜਦ ਰਾਂਚੀ ਤੋਂ ਰੁਰਕੇਲਾ ਜਾਣ ਵਾਲੀ ਧਨਬਾਦ-ਐਲੇਪੀ ਐਕਸਪ੍ਰੈਸ 'ਚ ਸਫਰ ਕਰ ਰਹੀਆਂ ਸਨ ਤਾਂ ਉਨ੍ਹਾਂ ਨੂੰ ਬੈਠਣ ਲਈ ਸੀਟ ਨਸੀਬ ਨਹੀਂ ਹੋਈ।