ਓਲੰਪਿਕ 'ਚ ਸਿੰਧੂ ਨੂੰ ਹਰਾਉਣ ਵਾਲੀ ਮਰੀਨ ਦੇ ਕਿਉਂ ਉੱਡੇ ਤੋਤੇ ?
ਮਰੀਨ ਪ੍ਰੋ ਬੈਡਮਿੰਟਨ ਲੀਗ ਖੇਡਣ ਲਈ ਭਾਰਤ ਪਹੁੰਚੀ ਹੋਈ ਹੈ। ਮਰੀਨ ਨੇ ਕਿਹਾ ਕਿ ਕਾਸ਼ ਓਹ ਭਾਰਤੀ ਖਿਡਾਰਨ ਹੁੰਦੀ। ਮਰੀਨ ਨੇ ਓਲੰਪਿਕ ਫਾਈਨਲ 'ਚ ਸਿੰਧੂ ਨੂੰ 19-21, 21-12, 21-15 ਨਾਲ ਮਾਤ ਦਿੱਤੀ ਸੀ।
'ਮੈਨੂੰ ਭਾਰਤ 'ਚ ਜਿੰਨੇ ਪ੍ਰਸ਼ੰਸਕ ਮਿਲੇ ਹਨ ਓਹ ਸਪੇਨ 'ਚ ਵੀ ਨਹੀਂ ਮਿਲੇ।'
ਮਰੀਨ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਵੀ ਗੋਲਡ ਮੈਡਲ ਜਿੱਤਣ ਤੋਂ ਬਾਅਦ ਇਨਾਮੀ ਰਾਸ਼ੀ ਮਿਲੀ ਸੀ। ਪਰ ਇਹ ਰਕਮ ਸਿੰਧੂ ਦੀ ਇਨਾਮੀ ਰਾਸ਼ੀ ਤੋਂ ਬਹੁਤ ਘਟ ਹੈ।
ਰੀਓ ਓਲੰਪਿਕਸ 'ਚ ਮਰੀਨ ਨੇ ਸਿੰਧੂ ਨੂੰ ਹਰਾ ਕੇ ਗੋਲਡ ਮੈਡਲ ਆਪਣੇ ਨਾਮ ਕੀਤਾ ਸੀ। ਪਰ ਗੋਲਡ ਜਿੱਤਣ ਵਾਲੀ ਮਰੀਨ ਨੂੰ ਸਿੰਧੂ ਦੇ ਮੁਕਾਬਲੇ ਲਗਭਗ 10% ਇਨਾਮੀ ਰਾਸ਼ੀ ਹੀ ਮਿਲੀ।
ਇਨਾਮੀ ਰਾਸ਼ੀ ਜਾਣ ਹੈਰਾਨ ਹੋਈ ਮਰੀਨ
ਮਰੀਨ ਨੇ ਕਿਹਾ ਕਿ ਸਪੇਨ 'ਚ ਖੇਡਾਂ ਦਾ ਹਾਲ ਭਾਰਤ ਤੋਂ ਬਿਲਕੁਲ ਅਲੱਗ ਹੈ। ਮਰੀਨ ਨੇ ਕਿਹਾ ਉਥੇ ਸਭ ਕੁਝ ਭਾਰਤ ਤੋਂ ਹਟਕੇ ਹੈ। ਪਰ ਮਰੀਨ ਨੇ ਨਾਲ ਹੀ ਇਹ ਵੀ ਕਿਹਾ ਕਿ ਓਹ ਸਿੰਧੂ ਨੂੰ ਮਿਲੀ ਇਨਾਮੀ ਰਾਸ਼ੀ ਬਾਰੇ ਜਾਣ ਕੇ ਹੈਰਾਨ ਹੋ ਗਈ।
ਭਾਰਤ ਦੀ ਬੈਡਮਿੰਟਨ ਸਨਸਨੀ ਪੀ.ਵੀ. ਸਿੰਧੂ ਨੂੰ ਓਲੰਪਿਕਸ ਦੇ ਫਾਈਨਲ 'ਚ ਹਰਾਉਣ ਵਾਲੀ ਸਪੇਨ ਦੀ ਵਿਸ਼ਵ ਚੈਂਪੀਅਨ ਖਿਡਾਰਨ ਕੈਰੋਲੀਨਾ ਮਰੀਨ ਭਾਰਤ ਆਕੇ ਹੈਰਾਨ ਹੋ ਗਈ ਹੈ।
ਮਰੀਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਭਾਰਤ ਆਕੇ ਚੈਂਪੀਅਨ ਹੋਣ ਦਾ ਅਸਲੀ ਅਹਿਸਾਸ ਹੋਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਾਰਤ 'ਚ ਖਿਡਾਰੀਆਂ ਨੂੰ ਬਹੁਤ ਸਨਮਾਨ ਮਿਲਦਾ ਹੈ।
'ਮੈਨੂੰ ਇੰਡੀਅਨ ਹੋਣਾ ਚਾਹੀਦਾ ਸੀ'
ਰੀਓ ਓਲੰਪਿਕਸ 'ਚ ਗੋਲਡ ਮੈਡਲ ਜਿੱਤਣ ਵਾਲੀ ਮਰੀਨ ਨੂੰ 94,000 ਯੂਰੋ (ਲਗਭਗ 68 ਲੱਖ ਰੁਪਏ) ਦੀ ਇਨਾਮੀ ਰਾਸ਼ੀ ਮਿਲੀ ਸੀ। ਜਦਕਿ ਸਿੰਧੂ ਨੂੰ ਤਗਮਾ ਜਿੱਤਣ ਤੋਂ ਬਾਅਦ ਸਭ ਕੁਝ ਮਿਲਾਕੇ ਲਗਭਗ 65 ਕਰੋੜ ਰੁਪਏ ਦੇ ਇਨਾਮ ਮਿਲੇ ਹਨ।