ਮਿਸ਼ਰਾ-ਰਸੂਲ ਦੀ ਟੀਮ ਇੰਡੀਆ 'ਚ ਐਂਟਰੀ
ਜਡੇਜਾ ਅਤੇ ਅਸ਼ਵਿਨ ਦੀ ਜਗ੍ਹਾ ਅਮਿਤ ਮਿਸ਼ਰਾ ਅਤੇ ਪਰਵੇਜ਼ ਰਸੂਲ ਦੀ ਟੀਮ ਇੰਡੀਆ 'ਚ ਐਂਟਰੀ ਹੋਈ ਹੈ।
ਟੀਮ ਦੇ ਚੰਗੇ ਪ੍ਰਦਰਸ਼ਨ 'ਚ ਜਡੇਜਾ ਅਤੇ ਅਸ਼ਵਿਨ ਨੇ ਵੀ ਖਾਸ ਭੂਮਿਕਾ ਨਿਭਾਈ। ਪਰ ਹੁਣ ਦੋਨੇ ਖਿਡਾਰੀਆਂ ਨੂੰ ਟੀ-20 ਸੀਰੀਜ਼ ਲਈ ਆਰਾਮ ਦਿੱਤਾ ਗਿਆ ਹੈ।
ਅਸ਼ਵਿਨ ਨੇ 3 ਹਾਈ ਸਕੋਰਿੰਗ ਮੈਚਾਂ 'ਚ 27 ਓਵਰ ਕਰਵਾਏ ਅਤੇ 188 ਰਨ ਦੇਕੇ 3 ਵਿਕਟ ਆਪਣੇ ਨਾਮ ਕੀਤੇ। ਜਡੇਜਾ ਨੇ 3 ਵਨਡੇ ਮੈਚਾਂ 'ਚ 30 ਓਵਰ ਕਰਵਾਏ ਅਤੇ 157 ਰਨ ਦੇਕੇ 4 ਵਿਕਟ ਹਾਸਿਲ ਕੀਤੇ। ਹੁਣ ਦੋਨੇ ਖਿਡਾਰੀਆਂ ਨੂੰ ਟੀ-20 ਸੀਰੀਜ਼ ਲਈ ਆਰਾਮ ਦੇਣ ਦਾ ਫੈਸਲਾ ਕੀਤਾ ਗਿਆ ਹੈ।
ਅਮਿਤ ਮਿਸ਼ਰਾ ਅਤੇ ਪਰਵੇਜ਼ ਰਸੂਲ ਨੂੰ ਇੰਗਲੈਂਡ ਖਿਲਾਫ ਆਪਣੇ ਜੌਹਰ ਵਿਖਾਉਣ ਦਾ ਮੌਕਾ ਤਾਂ ਮਿਲ ਗਿਆ ਹੈ ਪਰ ਇਨ੍ਹਾਂ ਖਿਡਾਰੀਆਂ 'ਤੇ ਭਾਰਤੀ ਫਿਰਕੀ ਦਾ ਭਾਰ ਰਹੇਗਾ। ਵੇਖਣ ਲਾਇਕ ਰਹੇਗਾ ਕਿ ਦੋਨੇ ਖਿਡਾਰੀ ਟੀਮ ਇੰਡੀਆ ਲਈ ਕਿਵੇਂ ਦਾ ਪ੍ਰਦਰਸ਼ਨ ਕਰਕੇ ਵਿਖਾਉਂਦੇ ਹਨ।
ਅਸ਼ਵਿਨ ਅਤੇ ਜਡੇਜਾ ਪਹਿਲਾਂ ਇੰਗਲੈਂਡ ਖਿਲਾਫ ਟੈਸਟ ਸੀਰੀਜ਼ 'ਚ ਹਿਟ ਰਹੇ ਅਤੇ ਫਿਰ ਦੋਨੇ ਖਿਡਾਰੀਆਂ ਨੇ ਵਨਡੇ ਮੈਚਾਂ 'ਚ ਵੀ ਕਮਾਲ ਕੀਤਾ।
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਵਨਡੇ ਸੀਰੀਜ਼ 'ਚ ਟੀਮ ਇੰਡੀਆ ਨੇ 2-1 ਨਾਲ ਬਾਜ਼ੀ ਮਾਰੀ।