ਟੇਲਰ ਨੇ ਨਿਊਜ਼ੀਲੈਂਡ ਨੂੰ ਸੰਭਾਲਿਆ
ਬੰਗਲਾਦੇਸ਼ - 289 ਆਲ ਆਊਟ
ਬੰਗਲਾਦੇਸ਼ ਦੀ ਟੀਮ ਨੂੰ ਨਿਊਜ਼ੀਲੈਂਡ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਦਾ ਸੱਦਾ ਦਿੱਤਾ। ਬੰਗਲਾਦੇਸ਼ ਦੀ ਟੀਮ ਨੂੰ ਸੌਮਿਆ ਸਰਕਾਰ ਨੇ ਚੰਗੀ ਸ਼ੁਰੂਆਤ ਦਿੱਤੀ। ਸੌਮਿਆ ਸਰਕਾਰ ਨੇ 104 ਗੇਂਦਾਂ 'ਤੇ 86 ਰਨ ਦੀ ਪਾਰੀ ਖੇਡੀ। ਇੱਕ ਸਮੇਂ ਬੰਗਲਾਦੇਸ਼ ਦੀ ਟੀਮ 2 ਵਿਕਟ ਗਵਾ ਕੇ 165 ਰਨ ਬਣਾ ਚੁੱਕੀ ਸੀ। ਪਰ ਫਿਰ 14 ਰਨ ਵਿਚਾਲੇ ਬੰਗਲਾਦੇਸ਼ ਦੀ ਟੀਮ ਨੇ 3 ਵਿਕਟ ਗਵਾ ਦਿੱਤੇ। ਸ਼ਾਕਿਬ ਅਲ ਹਸਨ 59 ਰਨ ਬਣਾ ਕੇ ਆਊਟ ਹੋਏ। ਨੁਰੁਲ ਹਸਨ (47) ਨੇ ਕੁਝ ਦੇਰ ਤਕ ਬੰਗਲਾਦੇਸ਼ ਦੀ ਪਾਰੀ ਨੂੰ ਸੰਭਾਲਿਆ ਪਰ ਫਿਰ ਬੰਗਲਾਦੇਸ਼ ਦੀ ਟੀਮ ਦੇ ਟੇਲਐਂਡਰ ਜਾਦਾ ਸਮਾਂ ਮੈਦਾਨ 'ਤੇ ਨਹੀਂ ਟਿਕ ਸਕੇ ਅਤੇ ਬੰਗਲਾਦੇਸ਼ ਦੀ ਟੀਮ 289 ਰਨ 'ਤੇ ਆਲ ਆਊਟ ਹੋ ਗਈ।
ਸ਼ਾਕਿਬ ਅਲ ਹਸਨ ਨੇ ਦਿਨ ਦਾ ਖੇਡ ਖਤਮ ਹੋਣ ਤੋਂ ਠੀਕ ਪਹਿਲਾਂ ਨਿਊਜ਼ੀਲੈਂਡ ਦੀ ਟੀਮ ਨੂੰ 3 ਝਟਕੇ ਦਿੱਤੇ ਅਤੇ ਮੈਚ ਨੂੰ ਰੋਮਾਂਚਕ ਬਣਾ ਦਿੱਤਾ।
ਨਿਊਜ਼ੀਲੈਂਡ ਅਤੇ ਬੰਗਲਾਦੇਸ਼ ਵਿਚਾਲੇ ਕ੍ਰਾਇਸਟਚਰਚ 'ਚ ਸ਼ੁਰੂ ਹੋਏ ਦੂਜੇ ਟੈਸਟ ਮੈਚ ਦੇ ਦੂਜੇ ਦਿਨ ਦਾ ਖੇਡ ਖਤਮ ਹੋਣ ਤਕ ਕੀਵੀ ਟੀਮ ਨੇ 7 ਵਿਕਟ ਗਵਾ ਕੇ 260 ਰਨ ਬਣਾ ਲਏ ਸਨ।
ਨਿਊਜ਼ੀਲੈਂਡ ਦੀ ਟੀਮ ਲਈ ਟਾਮ ਲੈਥਮ, ਰਾਸ ਟੇਲਰ ਅਤੇ ਹੈਨਰੀ ਨਿਕਲਸ ਨੇ ਅਰਧ-ਸੈਂਕੜੇ ਠੋਕੇ। ਲੈਥਮ ਨੇ 66 ਰਨ ਦੀ ਪਾਰੀ ਖੇਡੀ।
ਟੇਲਰ ਨੇ 103 ਗੇਂਦਾਂ 'ਤੇ 7 ਚੌਕੇ ਅਤੇ 2 ਛੱਕਿਆਂ ਦੀ ਮਦਦ ਨਾਲ 77 ਰਨ ਦੀ ਪਾਰੀ ਖੇਡੀ। ਦਿਨ ਦਾ ਖੇਡ ਖਤਮ ਹੋਣ ਤਕ ਹੈਨਰੀ ਨਿਕਲਸ 56 ਰਨ ਬਣਾ ਕੇ ਨਾਬਾਦ ਸਨ।
ਰਾਸ ਟੇਲਰ ਨੇ 77 ਰਨ ਦੀ ਪਾਰੀ ਖੇਡ ਨਿਊਜ਼ੀਲੈਂਡ ਦੀ ਟੀਮ ਨੂੰ ਸੰਭਾਲਿਆ।
ਨਿਊਜ਼ੀਲੈਂਡ - 260/7