ਜੇ ਅਸੀਂ ਆਕਲੈਂਡ ਦੇ ਮੌਸਮ 'ਤੇ ਨਜ਼ਰ ਮਾਰੀਏ ਤਾਂ ਅੱਜ ਸਵੇਰੇ ਇੱਥੇ ਬਾਰਸ਼ ਹੋਈ, ਪਰ ਉਸ ਤੋਂ ਬਾਅਦ ਸੂਰਜ ਨਿਕਲ ਗਿਆ। ਮੈਚ ਭਾਰਤੀ ਸਮੇਂ ਦੁਪਹਿਰ 12.20 ਵਜੇ (ਸਥਾਨਕ ਸਮੇਂ ਮੁਤਾਬਕ ਸ਼ਾਮ 7.50 ਵਜੇ) ਸ਼ੁਰੂ ਹੋਵੇਗਾ।
ਮੌਸਮ ਦੀ ਜਾਣਕਾਰੀ ਮੁਤਾਬਕ ਮੈਚ ਦੀ ਸ਼ੁਰੂਆਤ ਮੀਂਹ ਦੇ ਕਾਰਨ ਦੇਰੀ ਨਾਲ ਹੋ ਸਕਦੀ ਹੈ, ਪਰ ਭਾਰੀ ਬਾਰਸ਼ ਦੀ ਸੰਭਾਵਨਾ ਨਹੀਂ ਹੈ। ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਟੀ-20 ਸੀਰੀਜ਼ ਦਾ ਪਹਿਲਾ ਮੈਚ ਜਿੱਤ ਕੇ ਸ਼ੁਰੂ ਤੋਂ ਹੀ ਕੀਵੀ ਟੀਮ 'ਤੇ ਦਬਾਅ ਬਣਾਉਦੇ ਨਜ਼ਰ ਆਉਣਗੇ। ਨਿਊਜ਼ੀਲੈਂਡ ਦੇ ਕਪਤਾਨ ਕੇਨ ਵਿਲੀਅਮਸਨ ਵੀ ਜਿੱਤ ਦੇ ਨਾਲ ਸੀਰੀਜ਼ ਦੀ ਸ਼ੁਰੂਆਤ ਕਰਨਾ ਚਾਹੁੰਣਗੇ, ਆਖਰੀ ਵਾਰ ਜਦੋਂ 2019 ਦੀ ਸ਼ੁਰੂਆਤ 'ਚ ਭਾਰਤੀ ਟੀਮ ਨੇ ਨਿਊਜ਼ੀਲੈਂਡ ਦਾ ਦੌਰਾ ਕੀਤਾ ਸੀ। ਟੀਮ ਇੰਡੀਆ ਨੇ ਵਨਡੇ ਸੀਰੀਜ਼ 4-1 ਨਾਲ ਜਿੱਤੀ ਪਰ ਟੀ-20 'ਚ 1-2 ਨਾਲ ਹਾਰ ਦਾ ਸਾਹਮਣਾ ਵੀ ਕੀਤਾ।