ਰਿਕਾਰਡ ਟੀਚੇ ਦਾ ਪਿੱਛਾ ਕਰ ਰਿਹਾ ਪਾਕਿਸਤਾਨ

ਆਸਟ੍ਰੇਲੀਆ ਅਤੇ ਪਾਕਿਸਤਾਨ ਵਿਚਾਲੇ ਸਿਡਨੀ 'ਚ ਖੇਡੇ ਜਾ ਰਹੇ ਟੈਸਟ ਸੀਰੀਜ਼ ਦੇ ਆਖਰੀ ਮੈਚ 'ਚ ਪਾਕਿਸਤਾਨ ਨੂੰ ਜਿੱਤ ਲਈ ਰਿਕਾਰਡ ਟੀਚਾ ਮਿਲਿਆ ਹੈ। ਪਾਕਿਸਤਾਨੀ ਟੀਮ ਨੂੰ ਜਿੱਤ ਲਈ ਰਿਕਾਰਡ ਬਣਾਉਣ ਦੀ ਲੋੜ ਪਵੇਗੀ। ਆਸਟ੍ਰੇਲੀਆ ਨੇ ਪਾਕਿਸਤਾਨ ਨੂੰ ਜਿੱਤ ਲਈ 465 ਰਨ ਦਾ ਟੀਚਾ ਦਿੱਤਾ ਹੈ।

ਆਸਟ੍ਰੇਲੀਆ ਨੇ ਦੂਜੀ ਪਾਰੀ 2 ਵਿਕਟਾਂ 'ਤੇ 241 ਰਨ ਬਣਾ ਕੇ ਐਲਾਨੀ। ਦਿਨ ਦਾ ਖੇਡ ਖਤਮ ਹੋਣ ਤਕ ਪਾਕਿਸਤਾਨੀ ਟੀਮ ਨੇ 1 ਵਿਕਟ ਗਵਾ ਕੇ 55 ਰਨ ਬਣਾ ਲਏ ਸਨ। ਸਿਡਨੀ ਦੇ SCG ਮੈਦਾਨ 'ਤੇ ਚੇਜ਼ ਕੀਤਾ ਸਭ ਤੋਂ ਵੱਡਾ ਸਕੋਰ 287 ਰਨ ਦਾ ਹੈ ਅਤੇ ਜੇਕਰ ਪਾਕਿਸਤਾਨੀ ਟੀਮ ਆਸਟ੍ਰੇਲੀਆ ਦਾ ਦਿੱਤਾ ਟੀਚਾ ਹਾਸਿਲ ਕਰਦੀ ਹੈ ਤਾਂ ਟੀਮ ਰਿਕਾਰਡ ਬਣਾ ਦਵੇਗੀ।

ਆਸਟ੍ਰੇਲੀਆ - 241/2 (ਪਾਰੀ ਐਲਾਨੀ)

ਪਾਕਿਸਤਾਨ - 55/1

ਪਾਕਿਸਤਾਨੀ ਟੀਮ ਨੇ 465 ਰਨ ਦਾ ਪਿੱਛਾ ਕਰਦਿਆਂ ਦਿਨ ਦਾ ਖੇਡ ਖਤਮ ਹੋਣ ਤਕ 1 ਵਿਕਟ ਗਵਾ ਕੇ 55 ਰਨ ਬਣਾਏ। ਪਾਕਿਸਤਾਨੀ ਟੀਮ ਨੂੰ ਸ਼ਰਜੀਲ ਖਾਨ ਨੇ 38 ਗੇਂਦਾਂ 'ਤੇ 40 ਰਨ ਬਣਾ ਕੇ ਦਮਦਾਰ ਸ਼ੁਰੂਆਤ ਦਿੱਤੀ।

ਪਰ ਦਿਨ ਦਾ ਖੇਡ ਖਤਮ ਹੋਣ ਤੋਂ ਪਹਿਲਾਂ ਓਹ ਆਪਣਾ ਵਿਕਟ ਗਵਾ ਬੈਠੇ। ਯਾਸਿਰ ਸ਼ਾਹ ਅਤੇ ਅਜ਼ਹਰ ਅਲੀ ਮੈਦਾਨ 'ਤੇ ਟਿਕੇ ਹੋਏ ਸਨ। ਪਾਕਿਸਤਾਨੀ ਟੀਮ ਅਜੇ ਆਸਟ੍ਰੇਲੀਆ ਤੋਂ 410 ਰਨ ਪਿੱਛੇ ਹੈ।

ਆਸਟ੍ਰੇਲੀਆ ਨੇ ਪਹਿਲੀ ਪਾਰੀ 'ਚ 538 ਰਨ ਬਣਾਉਣ ਤੋਂ ਬਾਅਦ ਦੂਜੀ ਪਾਰੀ 'ਚ 241/2 ਦੇ ਸਕੋਰ 'ਤੇ ਪਾਰੀ ਐਲਾਨੀ। ਦੂਜੀ ਪਾਰੀ 'ਚ ਆਸਟ੍ਰੇਲੀਆ ਲਈ ਵਾਰਨਰ ਨੇ 27 ਗੇਂਦਾਂ 'ਤੇ 55 ਰਨ ਠੋਕੇ।

ਜਦਕਿ ਖਵਾਜਾ 79 ਰਨ ਬਣਾ ਕੇ ਨਾਬਾਦ ਰਹੇ। ਕਪਤਾਨ ਸਮਿਥ ਨੇ 43 ਗੇਂਦਾਂ 'ਤੇ 59 ਰਨ ਦੀ ਪਾਰੀ ਖੇਡੀ। ਹੈਂਡਸਕੋਂਬ 40 ਰਨ ਬਣਾ ਕੇ ਨਾਬਾਦ ਰਹੇ।