ਜਰਮਨੀ 'ਚ (Cologne Boxing World Cup) 'ਚ ਭਾਰਤੀ ਮਹਿਲਾ ਮੁੱਕੇਬਾਜ਼ ਸਿਮਰਨਜੀਤ ਕੌਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ।ਸਿਮਰਨਜੀਤ ਨੇ 60 ਕਿਲੋਗ੍ਰਾਮ ਵਰਗ 'ਚ ਵਿੱਚ ਗੋਲਡ ਮੈਡਲ ਜਿੱਤਿਆ ਹੈ।ਸਿਮਰਨਜੀਤ ਕੌਰ ਲੁਧਿਆਣਾ ਦੀ ਰਹਿਣ ਵਾਲੀ ਹੈ।ਸਿਮਰਨਜੀਤ ਨੇ ਜਰਮਨ ਦੀ ਮੁੱਕੇਬਾਜ਼ ਮਾਇਆ ਕਲਿਹੰਸ ਨੂੰ 4-1 ਨਾਲ ਹਰਾ ਕੇ ਆਪਣੇ ਵਰਗ 'ਚ ਚੋਟੀ 'ਤੇ ਥਾਂ ਬਣਾਈ। ਸਿਮਰਨਜੀਤ ਨੇ ਇਸ ਤੋਂ ਪਹਿਲਾਂ ਵੀ ਚੰਗਾ ਪ੍ਰਦਰਸ਼ਨ ਕੀਤਾ ਸੀ।2021 'ਚ ਹੋਣ ਵਾਲੀ ਟੋਕੀਓ ਓਲੰਪਿਕ 'ਚ ਵੀ ਸਿਮਰਨਜੀਤ ਕੁਆਲੀਫਾਈ ਕਰ ਚੁੱਕੀ ਹੈ ਅਤੇ ਉਹ ਪਹਿਲੀ ਪੰਜਾਬੀ ਮਹਿਲਾ ਮੁੱਕੇਬਾਜ਼ ਹੋਏਗੀ ਜੋ ਓਲੰਪਿਕ ਖੇਡੇਗੀ। ਭਾਰਤ ਨੇ ਇਸ ਵਿਸ਼ਵ ਕੱਪ 'ਚ ਕੁੱਲ੍ਹ ਨੌਂ ਮੈਡਲ ਜਿੱਤੇ ਜਿਸ 'ਚ ਤਿੰਨ ਸੋਨੇ, ਦੋ ਚਾਂਦੀ ਅਤੇ ਚਾਰ ਕਾਂਸੇ ਦੇ ਤਗਮੇ ਜਿੱਤੇ ਹਨ। ਕੁਲ ਮੁਕਾਬਲੇ 'ਚ ਭਾਰਤ ਦੂਜੇ ਸਥਾਨ' ਤੇ ਰਿਹਾ। ਤਜ਼ਰਬੇਕਾਰ ਸਤੀਸ਼ ਕੁਮਾਰ + 91 ਕਿਲੋਗ੍ਰਾਮ ਨੂੰ ਸੱਟ ਲੱਗਣ ਕਾਰਨ ਉਸ ਨੂੰ ਫਾਈਨਲ ਤੋਂ ਬਾਹਰ ਜਾਣ ਲਈ ਮਜਬੂਰ ਹੋਣਾ ਪਿਆ ਅਤੇ ਚਾਂਦੀ ਦੇ ਮੈਡਲ ਨਾਲ ਗੁਜ਼ਾਰਾ ਕਰਨ ਪਿਆ। ਸੋਨੀਆ ਲੈਦਰ (57 ਕਿਲੋ), ਪੂਜਾ ਰਾਣੀ (75 ਕਿੱਲੋ) ਗੌਰਵ ਸੋਲੰਕੀ (57 ਕਿੱਲੋ) ਅਤੇ ਮੁਹੰਮਦ ਹੁਸਾਮੂਦੀਨ (57 ਕਿੱਲੋ) ਨੇ ਆਪੋ ਆਪਣੇ ਵਰਗ ਵਿੱਚ ਕਾਂਸੇ ਦਾ ਤਗਮਾ ਜਿੱਤੇ। ਇਸ ਸਮਾਰੋਹ ਵਿੱਚ ਮੇਜ਼ਬਾਨ ਦੇਸ਼ ਬੈਲਜੀਅਮ, ਕਰੋਸ਼ੀਆ, ਡੈਨਮਾਰਕ, ਫਰਾਂਸ, ਮਾਲਡੋਵਾ, ਨੀਦਰਲੈਂਡਜ਼, ਪੋਲੈਂਡ ਅਤੇ ਯੂਕਰੇਨ ਦੇ ਮੁੱਕੇਬਾਜ਼ ਸ਼ਾਮਲ ਹੋਏ।