ਭਾਰਤੀ ਸ਼ੇਰਾਂ ਨੇ 40 ਓਵਰਾਂ ਤੋਂ ਵੀ ਘੱਟ 'ਚ ਪਾਰ ਕੀਤਾ 283 ਰਨ ਦਾ ਟੀਚਾ
ਪ੍ਰਦੀਪ ਸਾਂਗਵਾਨ, ਅਸ਼ੋਕ ਡਿੰਡਾ ਅਤੇ ਨਦੀਮ ਨੂੰ 2-2 ਵਿਕਟ ਹਾਸਿਲ ਹੋਏ। ਸਿਧਾਰਥ ਕੌਲ ਨੇ 6 ਓਵਰਾਂ 'ਚ 31 ਰਨ ਦੇਕੇ 1 ਵਿਕਟ ਹਾਸਿਲ ਕੀਤਾ।
ਭਾਰਤ 'ਏ' ਦੀ ਟੀਮ ਨੇ 39.4 ਓਵਰਾਂ 'ਚ ਹੀ 283 ਰਨ ਦਾ ਟੀਚਾ ਹਾਸਿਲ ਕਰ ਲਿਆ।
ਭਾਰਤ 'ਏ' ਅਤੇ ਇੰਗਲੈਂਡ ਵਿਚਾਲੇ ਮੁੰਬਈ ਦੇ ਬਰੇਬੌਰਨ ਸਟੇਡੀਅਮ 'ਚ ਖੇਡੇ ਗਏ ਅਭਿਆਸ ਵਨਡੇ ਮੈਚ 'ਚ ਇੰਗਲੈਂਡ ਦੀ ਟੀਮ ਭਾਰਤ 'ਏ' ਹੱਥੋਂ ਹਾਰ ਗਈ।
ਰਹਾਣੇ 83 ਗੇਂਦਾਂ 'ਤੇ 91 ਰਨ ਬਣਾ ਕੇ ਆਊਟ ਹੋਏ। ਰੈਨਾ ਨੇ 34 ਗੇਂਦਾਂ 'ਤੇ 45 ਰਨ ਦੀ ਪਾਰੀ ਖੇਡੀ।
ਪੰਤ ਦੀ ਪਾਰੀ 'ਚ 8 ਚੌਕੇ ਅਤੇ 2 ਛੱਕੇ ਸ਼ਾਮਿਲ ਸਨ।
ਰਸੂਲ ਦੀ ਦਮਦਾਰ ਗੇਂਦਬਾਜ਼ੀ
ਰਹਾਣੇ, ਰਿਸ਼ਬ ਪੰਤ ਅਤੇ ਬਾਕੀ ਦੇ ਬੱਲੇਬਾਜਾਂ ਦੇ ਧਮਾਲ ਸਾਹਮਣੇ ਇੰਗਲੈਂਡ ਦਾ ਕਮਾਲ ਫਿੱਕਾ ਪੈ ਗਿਆ। ਭਾਰਤ 'ਏ' ਦੀ ਟੀਮ ਨੇ ਮੈਚ 6 ਵਿਕਟਾਂ ਨਾਲ 62 ਗੇਂਦਾਂ ਸ਼ੇਸ਼ ਰਹਿੰਦੇ ਹੀ ਜਿੱਤ ਲਿਆ।
ਭਾਰਤ 'ਏ' ਲਈ ਪਰਵੇਜ਼ ਰਸੂਲ ਨੇ ਸਭ ਤੋਂ ਬੇਹਤਰੀਨ ਗੇਂਦਬਾਜ਼ੀ ਕਰਕੇ ਵਿਖਾਈ। ਰਸੂਲ ਨੇ 10 ਓਵਰਾਂ 'ਚ 38 ਰਨ ਦੇਕੇ 3 ਵਿਕਟ ਝਟਕੇ।
ਇੰਗਲੈਂਡ - 282 ਆਲ ਆਊਟ
ਇੰਗਲੈਂਡ ਦੀ ਟੀਮ ਇੱਕ ਸਮੇਂ 211 ਰਨ 'ਤੇ 9 ਵਿਕਟ ਗਵਾ ਚੁੱਕੀ ਸੀ। ਪਰ ਫਿਰ ਆਦਿਲ ਰਾਸ਼ਿਦ (39) ਅਤੇ ਡੇਵਿਡ ਵਿੱਲੀ (38*) ਨੇ ਮਿਲਕੇ 10ਵੇਂ ਵਿਕਟ ਲਈ 71 ਰਨ ਦੀ ਪਾਰਟਨਰਸ਼ਿਪ ਕੀਤੀ ਅਤੇ ਇੰਗਲੈਂਡ ਨੂੰ ਵੱਡੇ ਸਕੋਰ ਤਕ ਪਹੁੰਚਾ ਦਿੱਤਾ।
ਇੰਗਲੈਂਡ ਦੀ ਟੀਮ ਨੇ ਬੱਲੇਬਾਜ਼ੀ ਕਰਦਿਆਂ 282 ਰਨ ਬਣਾਏ। ਸਲਾਮੀ ਬੱਲੇਬਾਜ ਐਲੇਕਸ ਹੇਲਸ ਨੇ 51 ਰਨ ਦੀ ਪਾਰੀ ਖੇਡੀ ਜਦਕਿ ਬੇਅਰਸਟੋ ਨੇ 64 ਰਨ ਦਾ ਯੋਗਦਾਨ ਪਾਇਆ।
ਭਾਰਤ 'ਏ' - 283/4 (39.4 ਓਵਰ)
ਸ਼ੈਲਡਨ ਜੈਕਸਨ ਨੇ 59 ਰਨ ਦੀ ਪਾਰੀ ਖੇਡੀ। ਇਸਤੋਂ ਬਾਅਦ ਰਿਸ਼ਬ ਪੰਤ 36 ਗੇਂਦਾਂ 'ਤੇ 59 ਰਨ ਬਣਾ ਕੇ ਆਊਟ ਹੋਏ।
ਭਾਰਤ 'ਏ' ਦੀ ਟੀਮ ਨੂੰ ਰਹਾਣੇ ਅਤੇ ਜੈਕਸਨ ਨੇ ਮਿਲਕੇ ਦਮਦਾਰ ਸ਼ੁਰੂਆਤ ਦਿੱਤੀ। ਦੋਨਾ ਨੇ ਮਿਲਕੇ ਪਹਿਲੇ ਵਿਕਟ ਲਈ 18.5 ਓਵਰਾਂ 'ਚ 119 ਰਨ ਜੋੜੇ।