ਮੁੰਬਈ - ਨਿਊਜ਼ੀਲੈਂਡ ਅਤੇ ਮੁੰਬਈ ਵਿਚਾਲੇ ਖੇਡਿਆ ਗਿਆ ਅਭਿਆਸ ਮੈਚ ਡਰਾਅ ਰਿਹਾ। ਇਸ ਮੈਚ ਦੇ ਤੀਜੇ 'ਤੇ ਆਖਰੀ ਦਿਨ ਰੌਂਚੀ ਨੇ ਸੈਂਕੜਾ ਜੜਿਆ। ਪਰ ਨਿਊਜ਼ੀਲੈਂਡ ਦੇ ਬਾਕੀ ਬੱਲੇਬਾਜ ਕੋਈ ਖਾਸ ਕਮਾਲ ਨਹੀਂ ਕਰ ਸਕੇ ਅਤੇ ਕੀਵੀ ਟੀਮ 235 ਰਨ 'ਤੇ ਆਲ ਆਊਟ ਹੋ ਗਈ।
ਰੌਂਚੀ ਨੇ ਕੀਤਾ ਪ੍ਰਭਾਵਿਤ
ਕੀਵੀ ਟੀਮ ਨੇ ਆਪਣੀ ਪਹਿਲੀ ਪਾਰੀ 7 ਵਿਕਟਾਂ 'ਤੇ 324 ਰਨ ਬਣਾ ਕੇ ਐਲਾਨੀ ਸੀ। ਪਹਿਲੀ ਪਾਰੀ 'ਚ ਰੌਂਚੀ ਨੂੰ ਬੱਲੇਬਾਜ਼ੀ ਦਾ ਮੌਕਾ ਨਹੀਂ ਮਿਲਿਆ। ਪਰ ਦੂਜੀ ਪਾਰੀ 'ਚ ਰੌਂਚੀ ਨੂੰ ਓਪਨਰ ਦੇ ਤੌਰ 'ਤੇ ਭੇਜਿਆ ਗਿਆ ਅਤੇ ਇਸ ਬੱਲੇਬਾਜ ਨੇ ਚੌਕੇ-ਛੱਕਿਆਂ ਦੀ ਵਰਖਾ ਕਰ ਦਿੱਤੀ। ਰੌਂਚੀ ਨੇ 15 ਚੌਕੇ ਅਤੇ 3 ਛੱਕਿਆਂ ਦੀ ਮਦਦ ਨਾਲ 112 ਗੇਂਦਾਂ 'ਤੇ 107 ਰਨ ਦੀ ਪਾਰੀ ਖੇਡੀ। ਰੌਂਚੀ ਨੂੰ ਛਡ ਬਾਕੀ ਦੇ ਬੱਲੇਬਾਜ ਪ੍ਰਭਾਵਿਤ ਨਹੀਂ ਕਰ ਸਕੇ ਅਤੇ ਟੀਮ ਦੇ 6 ਬੱਲੇਬਾਜ ਦਹਾਈ ਦਾ ਅੰਕੜਾ ਪਾਰ ਕਰਨ 'ਚ ਨਾਕਾਮ ਰਹੇ। ਨਿਊਜ਼ੀਲੈਂਡ ਦੀ ਟੀਮ ਦੂਜੀ ਪਾਰੀ 'ਚ 235 ਰਨ 'ਤੇ ਢੇਰ ਹੋ ਗਈ।
ਯਾਦਵ-ਲਾਡ ਦੇ ਦਮਦਾਰ ਸੈਂਕੜੇ
ਸੂਰਿਆਕੁਮਾਰ ਯਾਦਵ ਨੇ ਨਿਊਜ਼ੀਲੈਂਡ ਖਿਲਾਫ ਧਮਾਕੇਦਾਰ ਸੈਂਕੜਾ ਜੜ ਮੁੰਬਈ ਦੀ ਟੀਮ ਨੂੰ ਪਹਿਲੀ ਪਾਰੀ 'ਚ ਵੱਡੀ ਲੀਡ ਹਾਸਿਲ ਕਰਵਾਈ। ਮੁੰਬਈ ਅਤੇ ਨਿਊਜ਼ੀਲੈਂਡਰਸ ਦਦੀ ਟੀਮ ਵਿਚਾਲੇ ਖੇਡੇ ਜਾ ਰਹੇ ਮੈਚ 'ਚ ਯਾਦਵ ਨੇ 86 ਗੇਂਦਾਂ 'ਤੇ 103 ਰਨ ਦੀ ਪਾਰੀ ਖੇਡੀ। ਮੁੰਬਈ ਦੀ ਟੀਮ ਨੇ ਪਹਿਲੀ ਪਾਰੀ 'ਚ 8 ਵਿਕਟ ਗਵਾ ਕੇ 464 ਰਨ ਬਣਾ ਕੇ ਪਾਰੀ ਐਲਾਨੀ। ਮੁੰਬਈ ਨੂੰ ਪਹਿਲੀ ਪਾਰੀ 'ਚ 140 ਰਨ ਦੀ ਲੀਡ ਹਾਸਿਲ ਹੋ ਗਈ। ਯਾਦਵ ਨੇ 86 ਗੇਂਦਾਂ 'ਤੇ 103 ਰਨ ਬਣਾਏ। ਯਾਦਵ ਦੀ ਪਾਰੀ 'ਚ 9 ਚੌਕੇ ਅਤੇ 8 ਛੱਕੇ ਸ਼ਾਮਿਲ ਸਨ। ਸਿਦੇਸ਼ ਲਾਡ ਨੇ ਵੀ ਦਮਦਾਰ ਬੱਲੇਬਾਜ਼ੀ ਕਰਦਿਆਂ 99 ਗੇਂਦਾਂ 'ਤੇ 100 ਰਨ ਦੀ ਪਾਰੀ ਖੇਡੀ। ਲਾਡ ਦੀ ਪਾਰੀ 'ਚ 8 ਚੌਕੇ ਅਤੇ 7 ਛੱਕੇ ਸ਼ਾਮਿਲ ਸਨ।
ਰੋਹਿਤ ਸ਼ਰਮਾ ਨੇ ਕੀਤਾ ਨਿਰਾਸ਼
ਇਸ ਮੈਚ 'ਚ ਰੋਹਿਤ ਸ਼ਰਮਾ ਨੇ ਨਿਰਾਸ਼ ਕੀਤਾ। ਰੋਹਿਤ ਸ਼ਰਮਾ 18 ਰਨ ਬਣਾ ਕੇ ਆਊਟ ਹੋ ਗਏ।