ਉਸੇ ਸਮੇਂ, ਮਨਦੀਪ ਦੇ ਪਿਤਾ ਦੀ ਸ਼ੁੱਕਰਵਾਰ ਨੂੰ ਮੌਤ ਹੋ ਗਈ ਸੀ, ਪਰ ਇਸ ਸੋਗ ਦੇ ਬਾਵਜੂਦ ਉਸ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਦੇ ਖਿਲਾਫ ਪਾਰੀ ਦੀ ਸ਼ੁਰੂਆਤ ਕੀਤੀ।
ਸਚਿਨ ਨੇ ਟਵਿੱਟਰ 'ਤੇ ਲਿਖਿਆ,"ਅਜ਼ੀਜ਼ਾਂ ਦੇ ਜਾਣ 'ਤੇ ਦੁੱਖ ਤਾਂ ਹੁੰਦਾ ਹੈ, ਇਸ ਤੋਂ ਵੀ ਜ਼ਿਆਦਾ ਦੁੱਖ ਹੁੰਦਾ ਹੈ ਜਦੋਂ ਕਿਸੇ ਨੂੰ ਆਖਰੀ ਵਾਰ ਅਲਵਿਦਾ ਕਹਿਣ ਦਾ ਮੌਕਾ ਵੀ ਨਾ ਮਿਲੇ। ਸੋਗ ਦੀ ਇਸ ਘੜੀ 'ਚ ਮਨਦੀਪ ਸਿੰਘ ਤੇ ਨਿਤੀਸ਼ ਰਾਣਾ ਦੇ ਪਰਿਵਾਰ ਲਈ ਮੈਂ ਪ੍ਰਾਰਥਨਾ ਕਰਦਾ ਹਾਂ। ਤੁਸੀਂ ਦੋਵਾਂ ਨੇ ਵਧੀਆ ਪ੍ਰਦਰਸ਼ਨ ਕੀਤਾ।"
ਇਸ ਮੈਚ ਵਿੱਚ ਰਾਣਾ ਨੇ ਸੁਰਿੰਦਰ ਨਾਮ ਦੀ ਇੱਕ ਜਰਸੀ ਪਾਈ ਤੇ ਉਸ ਉੱਤੇ 63 ਨੰਬਰ ਲਿਖਿਆ ਹੋਇਆ ਸੀ। ਕੋਲਕਾਤਾ ਨੇ ਇਸ ਮੈਚ ਵਿੱਚ ਦਿੱਲੀ ਨੂੰ 59 ਦੌੜਾਂ ਨਾਲ ਹਰਾਇਆ। ਕੋਲਕਾਤਾ ਨੇ ਟਵੀਟ ਕੀਤਾ, "ਨਿਤੀਸ਼ ਰਾਣਾ ਦੀ ਤਰਫੋਂ ਉਸ ਦੇ ਸਹੁਰੇ ਨੂੰ ਸ਼ਰਧਾਂਜਲੀ। ਕੱਲ੍ਹ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਸੁਰਿੰਦਰ ਮਰਵਾਹ ਦੀ ਆਤਮਾ ਨੂੰ ਸ਼ਾਂਤੀ ਮਿਲੇ।"