ਨਿਊਜ਼ੀਲੈਂਡ ਨੇ ਰੋਮਾਂਚਕ ਮੈਚ 'ਚ 6 ਰਨ ਨਾਲ ਮਾਰੀ ਬਾਜ਼ੀ

ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਵਿਚਾਲੇ ਖੇਡੇ ਗਏ ਪਹਿਲੇ ਵਨਡੇ 'ਚ ਨਿਊਜ਼ੀਲੈਂਡ ਦੀ ਟੀਮ ਨੇ 6 ਰਨ ਨਾਲ ਜਿੱਤ ਦਰਜ ਕੀਤੀ। ਰੋਮਾਂਚ ਨਾਲ ਭਰਪੂਰ ਇਸ ਮੈਚ 'ਚ ਮਾਰਕਸ ਸਟੋਇਨਿਸ ਦੀ ਦਮਦਾਰ ਗੇਂਦਬਾਜ਼ੀ ਅਤੇ ਧਾਕੜ ਬੱਲੇਬਾਜ਼ੀ ਵੀ ਆਸਟ੍ਰੇਲੀਆ ਨੂੰ ਜਿੱਤ ਹਾਸਿਲ ਨਹੀਂ ਕਰਵਾ ਸਕੀ। (Pic credits - Google, Getty images and cricinfo)

ਆਸਟ੍ਰੇਲੀਆ ਦੀ ਟੀਮ 226 ਰਨ 'ਤੇ 9ਵਾਂ ਵਿਕਟ ਗਵਾਉਣ ਦੇ ਬਾਵਜੂਦ ਸਟੋਇਨਿਸ ਦੀ ਬੱਲੇਬਾਜ਼ੀ ਸਦਕਾ 280 ਰਨ ਤਕ ਪਹੁੰਚੀ। ਸਟੋਇਨਿਸ ਨੇ 117 ਗੇਂਦਾਂ 'ਤੇ ਨਾਬਾਦ 146 ਰਨ ਬਣਾਏ ਅਤੇ ਆਪਣੀ ਪਾਰੀ ਦੌਰਾਨ 9 ਚੌਕੇ ਅਤੇ 11 ਛੱਕੇ ਠੋਕੇ। ਆਸਟ੍ਰੇਲੀਆ ਦੀ ਟੀਮ ਨੇ ਆਖਰੀ 4 ਵਿਕਟਾਂ ਲਈ 213 ਰਨ ਬਣਾਏ।

ਆਸਟ੍ਰੇਲੀਆ - 280 ਆਲ ਆਊਟ (47 ਓਵਰ)

287 ਰਨ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਆਸਟ੍ਰੇਲੀਆ ਦੀ ਟੀਮ ਇੱਕ ਸਮੇਂ 67 ਰਨ 'ਤੇ 6 ਵਿਕਟ ਗਵਾ ਚੁੱਕੀ ਸੀ। ਪਰ ਫਿਰ ਸਟੋਇਨਿਸ ਨੇ ਮੋਰਚਾ ਸੰਭਾਲਿਆ। ਸਟੋਇਨਿਸ ਨੇ ਚੌਕੇ-ਛੱਕਿਆਂ ਦੀ ਵਰਖਾ ਕਰਦਿਆਂ 146 ਰਨ ਦੀ ਨਾਬਾਦ ਪਾਰੀ ਖੇਡੀ।

ਜਦ ਆਸਟ੍ਰੇਲੀਆ ਦਾ ਆਖਰੀ ਵਿਕਟ ਡਿੱਗਾ ਤਾਂ ਆਸਟ੍ਰੇਲੀਆ ਨੂੰ ਜਿੱਤ ਲਈ 3 ਓਵਰਾਂ 'ਚ 7 ਰਨ ਦੀ ਲੋੜ ਸੀ। ਨਿਊਜ਼ੀਲੈਂਡ ਲਈ ਸੈਂਟਨਰ ਨੇ 3 ਅਤੇ ਫਰਗੂਸਨ ਤੇ ਬੋਲਟ ਨੇ 2-2 ਵਿਕਟ ਹਾਸਿਲ ਕੀਤੇ। ਇਸ ਜਿੱਤ ਦੇ ਨਾਲ ਨਿਊਜ਼ੀਲੈਂਡ ਦੀ ਟੀਮ ਨੇ 3 ਮੈਚਾਂ ਦੀ ਸੀਰੀਜ਼ 'ਚ 1-0 ਦੀ ਲੀਡ ਹਾਸਿਲ ਕਰ ਲਈ ਹੈ।

(Pic credits for pics in gallery - Google, Getty images and cricinfo)

ਸਟੋਇਨਿਸ ਦੇ ਕਮਾਲ ਦਾ ਅੰਦਾਜ਼ਾ ਇਸੇ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਮੈਚ ਹਾਰਨ ਦੇ ਬਾਵਜੂਦ ਉਨ੍ਹਾਂ ਨੂੰ 'ਮੈਨ ਆਫ ਦ ਮੈਚ' ਚੁਣਿਆ ਗਿਆ। (Pic credits - Google, Getty images and cricinfo)

ਜੇਮਸ ਨੀਸ਼ਮ ਨੇ 45 ਗੇਂਦਾਂ 'ਤੇ 48 ਰਨ ਦੀ ਪਾਰੀ ਖੇਡੀ। ਆਸਟ੍ਰੇਲੀਆ ਲਈ ਮਾਰਕਸ ਸਟੋਇਨਿਸ ਸਭ ਤੋਂ ਸਫਲ ਗੇਂਦਬਾਜ਼ ਰਹੇ। ਸਟੋਇਨਿਸ ਨੇ 10 ਓਵਰਾਂ 'ਚ 49 ਰਨ ਦੇਕੇ 3 ਵਿਕਟ ਹਾਸਿਲ ਕੀਤੇ।

ਨਿਊਜ਼ੀਲੈਂਡ - 286/9 (50 ਓਵਰ)

ਨਿਊਜ਼ੀਲੈਂਡ ਦੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਨਿਰਧਾਰਿਤ 50 ਓਵਰਾਂ 'ਚ 9 ਵਿਕਟ ਗਵਾ ਕੇ 286 ਰਨ ਬਣਾਏ।

ਨਿਊਜ਼ੀਲੈਂਡ ਲਈ ਮਾਰਟਿਨ ਗਪਟਿਲ ਨੇ 73 ਗੇਂਦਾਂ 'ਤੇ 61 ਰਨ ਦੀ ਪਾਰੀ ਖੇਡੀ। ਨੀਲ ਬਰੂਮ ਨੇ 75 ਗੇਂਦਾਂ 'ਤੇ 73 ਰਨ ਦੀ ਪਾਰੀ ਖੇਡੀ ਅਤੇ ਟੀਮ ਨੂੰ ਮੁਸ਼ਕਿਲ ਸਥਿਤੀ ਚੋਂ ਕੱਡ ਕੇ ਵੱਡੇ ਸਕੋਰ ਤਕ ਪਹੁੰਚਾਉਣ 'ਚ ਖਾਸ ਯੋਗਦਾਨ ਪਾਇਆ।