ਭੱਜੀ ਨੂੰ ਜਨਮਦਿਨ ਦਾ ਅਨੋਖਾ ਤੋਹਫਾ, ਇੰਦਰਪ੍ਰੀਤ ਸਿੰਘ ਨੇ ਲਲਕਾਰਿਆ
ਟਰਬਨੇਟਰ ਹਰਭਜਨ ਸਿੰਘ ਹਰ ਕੰਮ 'ਚ ਕਮਾਲ ਕਰਦੇ ਹਨ। ਭੱਜੀ ਗੇਂਦਬਾਜ਼ੀ ਅਤੇ ਮੈਦਾਨ 'ਤੇ ਆਪਣੇ ਬਿੰਦਾਸ ਅੰਦਾਜ਼ ਦੇ ਲਈ ਮਸ਼ਹੂਰ ਹਨ। ਪਰ ਹੁਣ ਭੱਜੀ ਦੀ ਭਲਵਾਨੀ ਵੀ ਹਿਟ ਹੋ ਗਈ ਹੈ। ਜਲੰਧਰ 'ਚ ਭੱਜੀ ਨੇ ਗ੍ਰੇਟ ਖਲੀ ਦੀ ਅਕੈਡਮੀ 'ਚ ਖਾਲਸਾ ਨਾਮ ਦੇ ਭਲਵਾਨ ਨੂੰ ਚਿੱਤ ਕਰ ਦਿੱਤਾ। ਖੁਦ ਖਲੀ ਵੀ ਭੱਜੀ ਦਾ ਗੁੱਸਾ ਵੇਖ ਦੰਗ ਰਹਿ ਗਏ।
ਹਰਭਜਨ ਸਿੰਘ ਅਤੇ ਖਲੀ ਦੀ ਦੋਸਤੀ ਇਨ੍ਹੀਂ ਦਿਨੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਕੁਝ ਦਿਨ ਪਹਿਲਾਂ ਖਲੀ ਭੱਜੀ ਦੇ ਘਰ ਡਿਨਰ 'ਤੇ ਗਏ ਸਨ।
ਇਸਤੋਂ ਬਾਅਦ ਖਲੀ ਨਾਲ ਮੁਲਾਕਾਤ ਕਰਨ ਦੀ ਵਾਰੀ ਭੱਜੀ ਦੀ ਸੀ। ਬੀਤੇ ਸ਼ਨੀਵਾਰ ਨੂੰ ਭੱਜੀ ਖਲੀ ਦੀ ਅਕੈਡਮੀ 'ਚ ਫੇਰੀ ਪਾਉਣ ਪੁੱਜੇ। ਮਿਹਮਾਨ ਬਣ ਕੇ ਆਏ ਭੱਜੀ ਨੂੰ ਖਲੀ ਨੇ ਗਦਾ ਦੇਕੇ ਸਨਮਾਨਿਤ ਕੀਤਾ।
ਕੀ ਹੈ ਪੂਰਾ ਮਾਮਲਾ ?
ਪਹਿਲੇ ਮੁਕਾਬਲੇ 'ਚ ਭੱਜੀ ਹੱਥੋਂ ਹਾਰ ਝੱਲਣ ਤੋਂ ਬਾਅਦ ਸੁਪਰ ਖਾਲਸਾ ਨੇ ਦੱਸਿਆ ਕਿ ਹੁਣ ਉਹ ਕਦੀ ਵੀ ਕਿਸੇ ਨੂੰ ਕਮਜ਼ੋਰ ਨਹੀਂ ਸਮਝੇਗਾ ਅਤੇ ਆਉਣ ਵਾਲੇ ਮੈਚਾਂ 'ਚ ਵਿਰੋਧੀ ਨਾਲ ਧਿਆਨ ਨਾਲ ਪੰਗਾ ਲਵੇਗਾ। ਸੁਪਰ ਖਾਲਸਾ 'ਦ ਗ੍ਰੇਟ ਖਲੀ' ਦੀ ਅਕੈਡਮੀ ਦਾ ਭਲਵਾਨ ਹੈ ਅਤੇ ਆਉਣ ਵਾਲੇ ਸਮੇਂ 'ਚ WWE ਚੈਂਪੀਅਨ ਬਣਨਾ ਚਾਹੁੰਦਾ ਹੈ।
ਪਰ ਇਸੇ ਮੌਕੇ ਖਾਲਸਾ ਨਾਮ ਦੇ ਭਲਵਾਨ ਨੇ ਭੱਜੀ ਨੂੰ ਚੈਲੈਂਜ ਕਰ ਦਿੱਤਾ। ਭੱਜੀ ਨੇ ਇਸ ਭਲਵਾਨ ਨੂੰ ਕਾਫੀ ਸਮਝਾਇਆ ਪਰ ਖਾਲਸਾ ਨਹੀਂ ਮੰਨਿਆ ਅਤੇ ਭੱਜੀ ਨੂੰ ਲੜਨ ਲਈ ਉਕਸਾਉਂਦਾ ਰਿਹਾ। ਭੱਜੀ ਨੂੰ ਵੀ ਗੁੱਸਾ ਆ ਗਿਆ ਅਤੇ ਦੋ-ਦੋ ਹਥ ਕਰਨ ਲਈ ਤਿਆਰ ਹੋ ਗਏ। ਫਾਈਟ ਜਾਦਾ ਸਮਾਂ ਨਹੀਂ ਚੱਲੀ ਕਿਉਂਕਿ ਭੱਜੀ ਨੇ ਇੱਕੋ ਦਾਅ 'ਚ ਇਸ ਭਲਵਾਨ ਨੂੰ ਧੂੜ ਚਟਾ ਦਿੱਤੀ। ਖਲੀ ਨੇ ਵੀ ਕਿਹਾ ਕਿ ਫਿਟ ਹੋਣ ਦੇ ਨਾਲ-ਨਾਲ ਭੱਜੀ 'ਚ ਰੈਸਲਿੰਗ ਕਰਨ ਦੀ ਵੀ ਸਮਰਥਾ ਹੈ ਅਤੇ ਉਹ ਲਾਜਵਾਬ ਫਾਈਟ ਕਰ ਸਕਦੇ ਹਨ।
ਭੱਜੀ ਨੂੰ ਕਿਉਂ ਨਾਪਸੰਦ ਕਰਦਾ ਹੈ ਸੁਪਰ ਖਾਲਸਾ ?
ਸੁਪਰ ਖਾਲਸਾ ਦਾ ਕਹਿਣਾ ਹੈ ਕਿ ਭੱਜੀ ਨੇ ਕਈ ਵਾਰ ਟੀਮ ਇੰਡੀਆ ਲਈ ਚੰਗੀ ਖੇਡ ਨਹੀਂ ਵਿਖਾਈ। ਨਾਲ ਹੀ ਸੁਪਰ ਖਾਲਸਾ ਨੇ ਕਿਹਾ ਕਿ ਉਸਦੇ ਮੈਚ ਵੇਖਦੇ ਹੋਏ ਭੱਜੀ ਨੂੰ ਕਈ ਵਾਰ ਚੌਕੇ-ਛੱਕੇ ਪਏ ਹਨ ਜਿਸ ਕਾਰਨ ਟੀਮ ਇੰਡੀਆ ਹਰ ਗਈ ਅਤੇ ਇਸੇ ਕਾਰਨ ਉਸਨੂੰ ਭੱਜੀ ਨਾਪਸੰਦ ਹੈ।
ਪਰ ਉਸ ਹਾਰ ਤੋਂ ਬਾਅਦ ਸੁਪਰ ਖਾਲਸਾ ਬਦਲਾ ਲੈਣ ਲਈ ਬੇਤਾਬ ਹੈ। ਸੁਪਰ ਖਾਲਸਾ ਨੇ ABP ਸਾਂਝਾ ਨਾਲ ਗਲਬਾਤ ਕਰਦਿਆਂ ਕਿਹਾ ਕਿ ਉਹ ਭੱਜੀ ਨੂੰ ਜਿਥੇ ਵੀ ਮਿਲੇਗਾ ਉਸਨੂੰ ਰਿੰਗ 'ਚ ਲੈ ਆਵੇਗਾ ਅਤੇ ਭੱਜੀ ਨਾਲ ਫਾਈਟ ਕਰੇਗਾ।
ਇੰਨਾ ਹੀ ਨਹੀਂ ਜਦ ਸੁਪਰ ਖਾਲਸਾ ਨੂੰ ਪੁੱਛਿਆ ਗਿਆ ਕਿ ਭੱਜੀ ਕਈ ਵਾਰ ਟੀਮ ਇੰਡੀਆ ਦੀ ਜਿੱਤ ਦੇ ਹੀਰੋ ਵੀ ਬਣੇ ਹਨ, ਤਾਂ ਸੁਪਰ ਖਾਲਸਾ ਨੇ ਇਹ ਕਹਿ ਕੇ ਟਾਲ ਦਿੱਤਾ ਕਿ ਜਿੱਤ ਨੂੰ ਨਹੀਂ ਸਗੋਂ ਹਾਰ ਹੀ ਯਾਦ ਹੈ।
ਇੰਦਰਪ੍ਰੀਤ ਸਿੰਘ ਸੁਪਰ ਖਾਲਸਾ ਦੇ ਨਾਮ ਨਾਲ ਮਸ਼ਹੂਰ ਹੈ। ਸੁਪਰ ਖਾਲਸਾ ਪ੍ਰੋਫੈਸ਼ਨਲ ਰੈਸਲਰ ਹੈ ਅਤੇ ਬੀਤੇ ਸ਼ਨੀਵਾਰ ਇਸ ਭਲਵਾਨ ਨੇ ਹਰਭਜਨ ਸਿੰਘ ਨਾਲ ਫਾਈਟ ਕੀਤੀ ਸੀ। ਭੱਜੀ ਨੇ ਉਸ ਮੌਕੇ ਸੁਪਰ ਖਾਲਸਾ ਨੂੰ ਇੱਕੋ ਦਾਅ 'ਚ ਚਿਤ ਕਰ ਦਿੱਤਾ ਸੀ।
ਭਾਰਤ ਦਾ ਟਰਬਨੇਟਰ ਹਰਭਜਨ ਸਿੰਘ ਅੱਜ ਆਪਣਾ 36ਵਾਂ ਜਨਮਦਿਨ ਮਨਾ ਰਿਹਾ ਹੈ। ਜਨਮਦਿਨ ਮੌਕੇ ਭੱਜੀ ਨੂੰ ਬਹੁਤ ਸਾਰੇ ਤੋਹਫੇ ਮਿਲ ਰਹੇ ਹੋਣੇ। ਪਰ ਇਨ੍ਹਾਂ ਤੋਹਫਿਆਂ ਵਿਚਾਲੇ ਭੱਜੀ ਨੂੰ ਇੱਕ ਚੁਨੌਤੀ ਵੀ ਮਿਲ ਗਈ ਹੈ। ਭੱਜੀ ਨੂੰ ਉਨ੍ਹਾਂ ਦੇ ਹੀ ਸ਼ਹਿਰ ਦੇ ਰਹਿਣ ਵਾਲੇ ਇੰਦਰਪ੍ਰੀਤ ਸਿੰਘ ਨੇ ਫਾਈਟ ਲਈ ਲਲਕਾਰਿਆ ਹੈ।