ਸੀਰੀਜ਼ ਜਿੱਤਣ ਤੋਂ ਬਾਅਦ ਵਿਰਾਟ ਨੇ ਪਤਨੀ ਅਨੁਸ਼ਕਾ ਲਈ ਕਹੀ ਇਹ ਵੱਡੀ ਗੱਲ
ਵਿਆਹ ਤੋਂ ਬਾਅਦ ਕੋਹਲੀ ਦੀ ਕਪਤਾਨੀ ਹੇਠ ਜਿੱਥੇ ਭਾਰਤ ਨੇ ਇੱਕ ਟੈਸਟ ਲੜੀ ਹਾਰੀ ਹੈ ਉੱਥੇ ਇੱਕ ਦਿਨਾ ਸੀਰੀਜ਼ ਵਿੱਚ ਲਾਜਵਾਬ ਪ੍ਰਦਰਸ਼ਨ ਕਰਦਿਆਂ ਇਤਿਹਾਸਕ ਜਿੱਤ ਵੀ ਹਾਸਲ ਕੀਤੀ ਹੈ।
ਬੀਤੇ ਸਾਲ ਵਿਰਾਟ ਕੋਹਲੀ 11 ਦਸੰਬਰ ਨੂੰ ਅਨੁਸ਼ਕਾ ਸ਼ਰਮਾ ਨਾਲ ਵਿਆਹ ਕਰ ਲਿਆ ਸੀ।
ਕੋਹਲੀ ਨੇ ਇਸ ਸ਼ਾਨਦਾਰ ਪ੍ਰਦਰਸ਼ਨ ਅਤੇ ਜਿੱਤ ਤੋਂ ਬਾਅਦ ਆਪਣੀ ਪਿਛਲੀ ਜ਼ਿੰਦਗੀ ਬਾਰੇ ਕਿਹਾ- ਵਿਆਹ ਤੋਂ ਪਹਿਲਾਂ ਅਨੁਸ਼ਕਾ ਨੂੰ ਕਾਫੀ ਕੁੱਝ ਕਿਹਾ ਗਿਆ ਪਰ ਉਹ ਇੱਕ ਅਜਿਹੀ ਇਨਸਾਨ ਹੈ ਜਿਸ ਨੇ ਮੇਰੀ ਸਭ ਤੋਂ ਜ਼ਿਆਦਾ ਹੌਸਲਾ ਅਫਜ਼ਾਈ ਕੀਤੀ।
ਵਿਰਾਟ ਨੇ ਖਾਸ ਤੌਰ 'ਤੇ ਅਨੁਸ਼ਕਾ ਦਾ ਨਾਂ ਲੈ ਕੇ ਕਿਹਾ- ਮੇਰੀ ਪਤਨੀ ਲਗਾਤਾਰ ਮੈਨੂੰ ਪ੍ਰੇਰਿਤ ਕਰਦੀ ਹੈ। ਉਸ ਨੇ ਇਸ ਦੌਰੇ ਦੌਰਾਨ ਮੇਰੀ ਹੌਸਲਾ ਅਫਜ਼ਾਈ ਕੀਤੀ।
ਵਿਰਾਟ ਬੋਲੇ- ਇਹ ਸੀਰੀਜ਼ ਕਾਫੀ ਚੰਗੀ ਰਹੀ। ਮੈਦਾਨ ਤੋਂ ਬਾਹਰ ਲੋਕਾਂ ਨੂੰ ਵੀ ਇਸ ਦੀ ਵਾਹਵਾਹੀ ਮਿਲਣੀ ਚਾਹੀਦੀ ਹੈ।
ਵਿਰਾਟ ਨੇ ਮੁਸਕੁਰਾਉਂਦੇ ਹੋਏ ਪਤਨੀ ਅਨੁਸ਼ਕਾ ਸ਼ਰਮਾ ਨੂੰ ਇਸ ਦਾ ਕ੍ਰੈਡਿਟ ਦਿੱਤਾ।
ਸੀਰੀਜ਼ ਵਿੱਚ 500 ਤੋਂ ਜ਼ਿਆਦਾ ਦੌੜਾਂ ਬਨਾਉਣ ਤੋਂ ਬਾਅਦ ਜਦੋਂ ਵਿਰਾਟ ਤੋਂ ਪੁੱਛਿਆ ਗਿਆ ਕਿ ਉਨ੍ਹਾਂ ਦੇ ਇਸ ਪ੍ਰਦਰਸ਼ਨ ਦਾ ਰਾਜ਼ ਕੀ ਹੈ।
ਇਸ ਜਿੱਤ ਵਿੱਚ ਇੱਕ ਵਾਰ ਫਿਰ ਵਿਰਾਟ ਕੋਹਲੀ ਚਮਕੇ ਅਤੇ ਆਪਣੇ ਵਨ ਡੇਅ ਕਰੀਅਰ ਦਾ 35ਵਾਂ ਸੈਕੜਾ ਲਾ ਕੇ ਜਿੱਤ ਵਿੱਚ ਖਾਸ ਭੂਮੀਕਾ ਨਿਭਾਈ।
ਛੇ ਮੈਚਾਂ ਦੀ ਵਨ ਡੇਅ ਸੀਰੀਜ਼ ਦੇ ਆਖਰੀ ਮੁਕਾਬਲੇ ਵਿੱਚ ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 8 ਵਿਕਟਾਂ ਨਾਲ ਹਰਾ ਕੇ ਲੜੀ 5-1 ਨਾਲ ਜਿੱਤ ਲਈ ਹੈ।