ਨਿਊਜ਼ੀਲੈਂਡ 147 ਰਨ 'ਤੇ ਢੇਰ
ਆਸਟ੍ਰੇਲੀਆ ਨੇ ਮੈਲਬਰਨ 'ਚ ਖੇਡੇ ਗਏ ਵਨਡੇ 'ਚ ਨਿਊਜ਼ੀਲੈਂਡ ਨੂੰ 117 ਰਨ ਨਾਲ ਮਾਤ ਦੇ ਦਿੱਤੀ। 265 ਰਨ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਨਿਊਜ਼ੀਲੈਂਡ ਦੀ ਟੀਮ 147 ਰਨ 'ਤੇ ਆਲ ਆਊਟ ਹੋ ਗਈ।
ਵਾਰਨਰ ਨੇ 128 ਗੇਂਦਾਂ 'ਤੇ 156 ਰਨ ਦੀ ਪਾਰੀ ਖੇਡੀ। ਵਾਰਨਰ ਦੀ ਪਾਰੀ 'ਚ 13 ਚੌਕੇ ਅਤੇ 4 ਛੱਕੇ ਸ਼ਾਮਿਲ ਸਨ। ਵਾਰਨਰ ਦੇ ਕਮਾਲ ਦਾ ਅੰਦਾਜ਼ਾ ਇਸੇ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਆਸਟ੍ਰੇਲੀਆ ਦੇ ਬਾਕੀ 8 ਬੱਲੇਬਾਜ਼ਾਂ ਅਤੇ ਐਕਸਟਰਾਸ ਦਾ ਕੁਲ ਸਕੋਰ 108 ਰਨ ਸੀ। ਇਹ ਵਾਰਨਰ ਦਾ ਸਾਲ 2016 ਦਾ 7ਵਾਂ ਸੈਂਕੜਾ ਹੈ।
ਵਾਰਨਰ ਦੇ ਦਮਦਾਰ ਪ੍ਰਦਰਸ਼ਨ ਸਦਕਾ ਆਸਟ੍ਰੇਲੀਆ ਦੀ ਟੀਮ ਜਿੱਤ ਦਰਜ ਕਰਨ 'ਚ ਕਾਮਯਾਬ ਰਹੀ। ਆਸਟ੍ਰੇਲੀਆ ਨੇ ਸੀਰੀਜ਼ 3-0 ਨਾਲ ਆਪਣੇ ਨਾਮ ਕਰ ਲਈ।
ਵਾਰਨਰ ਨੇ ਖੇਡੀ 156 ਰਨ ਦੀ ਪਾਰੀ
ਆਸਟ੍ਰੇਲੀਆ ਦੀ ਟੀਮ ਨੇ 73 ਰਨ ਤਕ ਪਹੁੰਚਦਿਆਂ 19 ਓਵਰਾਂ 'ਚ 4 ਵਿਕਟ ਗਵਾ ਦਿੱਤੇ ਸਨ। ਪਰ ਵਾਰਨਰ ਨੇ ਆਪਣਾ ਵਿਕਟ ਬਚਾ ਕੇ ਰਖਿਆ। ਵਾਰਨਰ ਨੇ ਟ੍ਰੇਵਿਸ ਹੈਡ (37) ਨਾਲ ਮਿਲਕੇ 5ਵੇਂ ਵਿਕਟ ਲਈ 105 ਰਨ ਦੀ ਪਾਰਟਨਰਸ਼ਿਪ ਕੀਤੀ। ਵਾਰਨਰ ਨੇ ਮੈਚ ਦੀ ਆਖਰੀ ਗੇਂਦ ਤਕ ਬੱਲੇਬਾਜ਼ੀ ਕੀਤੀ ਅਤੇ 50ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਰਨ ਆਊਟ ਹੋਏ।
ਨਿਊਜ਼ੀਲੈਂਡ - 147 ਆਲ ਆਊਟ
ਆਸਟ੍ਰੇਲੀਆ ਦੇ ਮਜਬੂਤ ਸਕੋਰ ਦੇ ਜਵਾਬ 'ਚ ਕੀਵੀ ਟੀਮ 147 ਰਨ ਹੀ ਬਣਾ ਸਕੀ। ਨਿਊਜ਼ੀਲੈਂਡ ਦੇ ਸਿਰਫ 3 ਬੱਲੇਬਾਜ ਹੀ 20 ਰਨ ਦਾ ਅੰਕੜਾ ਪਾਰ ਕਰ ਸਕੇ। ਆਸਟ੍ਰੇਲੀਆ ਲਈ ਮਿਚਲ ਸਟਾਰਕ ਨੇ 10 ਓਵਰਾਂ 'ਚ 34 ਰਨ ਦੇਕੇ 3 ਵਿਕਟ ਹਾਸਿਲ ਕੀਤੇ।
ਇਸ ਮੈਚ 'ਚ ਆਸਟ੍ਰੇਲੀਆ ਦੀ ਟੀਮ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਪਰ ਆਸਟ੍ਰੇਲੀਆ ਦੀ ਟੀਮ ਨੂੰ ਜਲਦੀ ਹੀ 2 ਝਟਕੇ ਲੱਗੇ ਅਤੇ ਫਿੰਚ (3) ਅਤੇ ਸਮਿਥ (0) ਬਿਨਾ ਕੋਈ ਕਮਾਲ ਕੀਤੇ ਪੈਵਲੀਅਨ ਪਰਤ ਗਏ।