Oldest Test Cricketer Dies: ਦੁਨੀਆ ਦੀ ਸਭ ਤੋਂ ਬਜ਼ੁਰਗ ਟੈਸਟ ਕ੍ਰਿਕਟਰ ਇਲੀਨ ਐਸ਼ ਦਾ 110 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਇੰਗਲੈਂਡ ਅਤੇ ਵੇਲਜ਼ ਕ੍ਰਿਕਟ ਬੋਰਡ (ਈਸੀਬੀ) ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਐਸ਼ ਨੇ ਦੂਜੇ ਵਿਸ਼ਵ ਯੁੱਧ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਇੰਗਲੈਂਡ ਲਈ ਸੱਤ ਟੈਸਟ ਮੈਚ ਖੇਡੇ। ਉਸ ਨੇ 23 ਦੀ ਔਸਤ ਨਾਲ 10 ਵਿਕਟਾਂ ਲਈਆਂ।
ਐਸ਼ ਨੇ 1937 ਵਿੱਚ ਆਸਟ੍ਰੇਲੀਆ ਦੇ ਖਿਲਾਫ ਆਪਣਾ ਡੈਬਿਊ ਕੀਤਾ ਸੀ ਅਤੇ ਆਪਣੀ ਮੌਤ ਦੇ ਸਮੇਂ ਉਹ ਦੁਨੀਆ ਦੀ ਸਭ ਤੋਂ ਵੱਡੀ ਉਮਰ ਦੀ ਟੈਸਟ ਕ੍ਰਿਕਟਰ ਸੀ। ਉਹ 1949 'ਚ ਐਸ਼ੇਜ਼ ਦੌਰੇ 'ਤੇ ਆਸਟ੍ਰੇਲੀਆ ਗਈ ਟੀਮ ਦਾ ਹਿੱਸਾ ਸੀ। ਇਸ ਤੋਂ ਇਲਾਵਾ ਉਸ ਨੇ ਘਰੇਲੂ ਕ੍ਰਿਕਟ 'ਚ 'ਸਿਵਲ ਸਰਵਿਸ ਵੂਮੈਨ', 'ਮਿਡਲਸੈਕਸ ਵੂਮੈਨ' ਅਤੇ 'ਸਾਊਥ ਵੂਮੈਨ' ਦੀ ਨੁਮਾਇੰਦਗੀ ਕੀਤੀ। ਈਸੀਬੀ ਨੇ ਇਕ ਬਿਆਨ 'ਚ ਕਿਹਾ, ''ਇੰਗਲੈਂਡ ਅਤੇ ਵੇਲਜ਼ ਕ੍ਰਿਕਟ ਬੋਰਡ 110 ਸਾਲ ਦੀ ਉਮਰ 'ਚ ਆਈਲੀਨ ਐਸ਼ੇ ਦੇ ਦਿਹਾਂਤ 'ਤੇ ਬਹੁਤ ਦੁਖੀ ਹੈ।
ਖੁਫੀਆ ਸੇਵਾ 'MI6' ਲਈ ਵੀ ਕੰਮ ਕੀਤਾ
ਲੰਡਨ ਵਿੱਚ ਜਨਮੀ ਇਸ ਖਿਡਾਰਨ ਨੇ 2017 ਦੇ ਮਹਿਲਾ ਵਿਸ਼ਵ ਕੱਪ ਫਾਈਨਲ ਤੋਂ ਪਹਿਲਾਂ ਘੰਟੀ ਵੀ ਵਜਾਈ ਜਿਸ ਵਿੱਚ ਇੰਗਲੈਂਡ ਨੇ ਭਾਰਤ ਨੂੰ ਰੋਮਾਂਚਕ ਮੁਕਾਬਲੇ ਵਿੱਚ ਹਰਾਇਆ ਸੀ। ਆਪਣੇ ਕ੍ਰਿਕਟ ਕਰੀਅਰ ਤੋਂ ਇਲਾਵਾ, ਐਸ਼ ਨੇ ਦੂਜੇ ਵਿਸ਼ਵ ਯੁੱਧ ਦੌਰਾਨ ਗੁਪਤ ਖੁਫੀਆ ਸੇਵਾ 'MI6' ਲਈ ਵੀ ਕੰਮ ਕੀਤਾ। ਇੰਗਲੈਂਡ ਦੀ ਸਾਬਕਾ ਕ੍ਰਿਕਟਰ ਕਲੇਅਰ ਕੋਨਰ, ਜੋ ਕਿ ਈਸੀਬੀ ਦੀ ਮਹਿਲਾ ਕ੍ਰਿਕਟ ਦੀ ਮੈਨੇਜਿੰਗ ਡਾਇਰੈਕਟਰ ਅਤੇ ਮੈਰੀਲੇਬੋਨ ਕ੍ਰਿਕਟ ਕਲੱਬ ਦੀ ਪ੍ਰਧਾਨ ਵੀ ਹੈ, ਨੇ ਉਸ ਦੀ ਮੌਤ 'ਤੇ ਸੋਗ ਪ੍ਰਗਟ ਕੀਤਾ।