Apple: ਫ਼ੋਨ ਨਿਰਮਾਤਾ ਮੋਬਾਈਲ ਦੀ ਸੁਰੱਖਿਆ ਲਈ ਫ਼ੋਨ ਵਿੱਚ ਪਾਸਵਰਡ, ਪਿੰਨ, ਟੱਚ ਆਈਡੀ, ਫਿੰਗਰਪ੍ਰਿੰਟ ਸੈਂਸਰ ਅਤੇ ਫੇਸ ਆਈਡੀ ਵਰਗੇ ਕਈ ਫੀਚਰਸ ਪ੍ਰਦਾਨ ਕਰਦੇ ਹਨ। ਇਨ੍ਹਾਂ ਸੁਰੱਖਿਆ ਵਿਸ਼ੇਸ਼ਤਾਵਾਂ ਕਾਰਨ ਹੀ ਉਪਭੋਗਤਾਵਾਂ ਦੇ ਮੋਬਾਈਲ ਸੇਫ ਹੋ ਜਾਂਦੇ ਹਨ। ਪਰ ਹੁਣ ਐਪਲ ਅਜਿਹੀ ਤਕਨੀਕ 'ਤੇ ਕੰਮ ਕਰ ਰਿਹਾ ਹੈ ਜੋ ਸਮਾਰਟਫੋਨ ਬਾਜ਼ਾਰ 'ਚ ਹਲਚਲ ਮਚਾ ਸਕਦੀ ਹੈ।
ਡਿਵਾਈਸ ਦਿਲ ਦੀ ਧੜਕਣ ਦੁਆਰਾ ਅਨਲੌਕ ਹੋਵੇਗਾ
ਦਰਅਸਲ, ਐਪਲ ਫੋਨ ਨੂੰ ਅਨਲੌਕ ਕਰਨ ਲਈ ਖਾਸ ਕਿਸਮ ਦੀ ਬਾਇਓਮੈਟ੍ਰਿਕ ਤਕਨੀਕ 'ਤੇ ਕੰਮ ਕਰ ਰਿਹਾ ਹੈ। ਰਿਪੋਰਟਸ 'ਚ ਕਿਹਾ ਜਾ ਰਿਹਾ ਹੈ ਕਿ ਐਪਲ ਨੇ ਆਈਫੋਨ, ਮੈਕ ਅਤੇ ਆਈਪੈਡ ਵਰਗੀਆਂ ਡਿਵਾਈਸਾਂ ਲਈ ਬਾਇਓਮੈਟ੍ਰਿਕ ਟੈਕਨਾਲੋਜੀ ਦਾ ਟੈਸਟ ਕੀਤਾ ਹੈ। ਇਸ ਟੈਕਨਾਲੋਜੀ ਦੇ ਕਾਰਨ ਯੂਜ਼ਰ ਆਪਣੇ ਦਿਲ ਦੀ ਧੜਕਣ ਨਾਲ ਹੀ ਡਿਵਾਈਸ ਨੂੰ ਅਨਲੌਕ ਕਰ ਸਕਣਗੇ। ਸਮਾਰਟਫੋਨ ਬਾਜ਼ਾਰ 'ਚ ਅਜੇ ਤੱਕ ਅਜਿਹੀ ਕੋਈ ਤਕਨੀਕ ਨਹੀਂ ਹੈ।
ਤਕਨੀਕ ਇਸ ਤਰ੍ਹਾਂ ਕੰਮ ਕਰੇਗੀ
ਰਿਪੋਰਟਸ 'ਚ ਕਿਹਾ ਜਾ ਰਿਹਾ ਹੈ ਕਿ ਐਪਲ ਈਸੀਜੀ ਯਾਨੀ ਹਾਰਟ ਰੇਟ ਤਕਨੀਕ 'ਤੇ ਆਧਾਰਿਤ ਫੀਚਰ 'ਤੇ ਕੰਮ ਕਰ ਰਿਹਾ ਹੈ। ਇਸ ਫੀਚਰ 'ਚ ਡਿਵਾਈਸ ਬਾਇਓਮੈਟ੍ਰਿਕ ਤਰੀਕੇ ਨਾਲ ਕੰਮ ਕਰੇਗੀ। ਰਿਪੋਰਟਸ 'ਚ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਫੀਚਰ ਜਲਦ ਹੀ ਐਪਲ ਯੂਜ਼ਰਸ ਲਈ ਉਪਲੱਬਧ ਹੋ ਸਕਦਾ ਹੈ। ਇਹ ਟੈਕਨਾਲੋਜੀ ਇਕ ਖਾਸ ਤਰ੍ਹਾਂ ਦੀ ਰਿਦਮ 'ਤੇ ਕੰਮ ਕਰੇਗੀ, ਜਿਸ ਨੂੰ ਯੂਜ਼ਰਸ ਦੇ ਦਿਲ ਦੀ ਧੜਕਣ ਨਾਲ ਜੋੜਿਆ ਜਾਵੇਗਾ।
ਬਾਇਓਮੈਟ੍ਰਿਕ ਤਕਨਾਲੋਜੀ 'ਤੇ ਆਧਾਰਿਤ
ਰਿਪੋਰਟਸ 'ਚ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਐਪਲ ਦੀ ਇਹ ਤਕਨੀਕ ਬਹੁਤ ਖਾਸ ਹੋਵੇਗੀ। ਦਰਅਸਲ, ਹਰ ਵਿਅਕਤੀ ਦੇ ਦਿਲ ਦੀ ਧੜਕਣ ਬਿਲਕੁਲ ਵੱਖਰੀ ਹੁੰਦੀ ਹੈ, ਅਜਿਹੇ ਵਿੱਚ ਐਪਲ ਦੀ ਇਹ ਟੈਕਨਾਲੋਜੀ ਵੱਖ-ਵੱਖ ਲੋਕਾਂ ਦੇ ਹਿਸਾਬ ਨਾਲ ਇੱਕ ਹੀ ਲੈਅ 'ਤੇ ਕੰਮ ਕਰੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਜਿਸ ਤਰ੍ਹਾਂ ਬਾਇਓਮੈਟ੍ਰਿਕ ਫਿੰਗਰਪ੍ਰਿੰਟ ਸੈਂਸਰ 'ਚ ਨਿਸ਼ਾਨ ਵੱਖ-ਵੱਖ ਹੁੰਦੇ ਹਨ, ਉਸੇ ਤਰ੍ਹਾਂ ਦਿਲ ਦੀ ਧੜਕਣ ਨਾਲ ਡਿਵਾਈਸ ਨੂੰ ਅਨਲੌਕ ਕੀਤਾ ਜਾ ਸਕਦਾ ਹੈ।
ਨੋਟ : ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।