WWDC 2024 Roundup: ਐਪਲ ਨੇ ਆਪਣੇ WWDC 2024 ਈਵੈਂਟ ਵਿੱਚ ਕਈ ਨਵੇਂ ਐਲਾਨ ਕੀਤੇ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਅਹਿਮ iOS 18 ਹੈ। ਐਪਲ ਨੇ ਆਈਫੋਨ ਲਈ ਨਵਾਂ ਸਾਫਟਵੇਅਰ ਅਪਡੇਟ iOS 18 ਲਾਂਚ ਕੀਤਾ ਹੈ, ਅਤੇ ਕਿਹਾ ਹੈ ਕਿ ਇਸ ਦੇ ਆਉਣ ਨਾਲ ਡਿਵਾਈਸ 'ਚ ਕਈ ਬਦਲਾਅ ਦੇਖਣ ਨੂੰ ਮਿਲਣਗੇ।
ਇਸ ਨਵੇਂ OS 'ਚ ਨਵੇਂ AI ਫੀਚਰਸ ਅਤੇ ਹੋਮ ਸਕ੍ਰੀਨ ਕਸਟਮਾਈਜ਼ੇਸ਼ਨ ਆਪਸ਼ਨ ਵੀ ਉਪਲੱਬਧ ਹੋਣਗੇ। Apple iOS 18 ਵਿਚ ਪ੍ਰਾਈਵੈਸੀ ਫੀਚਰ ਵਿਚ ਵੀ ਸੁਧਾਰ ਕੀਤਾ ਗਿਆ ਹੈ। ਇਸ ਵਿਚ ਐਪਸ ਨਾਲ ਡੇਟਾ ਸ਼ੇਅਰ ਕਰਨ ਦੀ ਤਰੀਕੇ ਨੂੰ ਕੰਟਰੋਲ ਦੀ ਸਮਰੱਥਾ ਵੀ ਸ਼ਾਮਲ ਹੈ। iOS 18 ਦੇ ਨਾਲ ਉਪਭੋਗਤਾ ਆਪਣੀ ਪੂਰੀ ਸੰਪਰਕ ਲਿਸਟ ਤੱਕ ਪਹੁੰਚ ਦੇਣ ਦੀ ਬਜਾਏ ਕੁਝ ਖਾਸ ਖਾਸ ਸੰਪਰਕਾਂ (Contacts) ਨੂੰ ਐਪਸ ਨਾਲ ਸਾਂਝਾ ਕਰਨ ਦੇ ਯੋਗ ਹੋਣਗੇ।
ਇਸ ਤੋਂ ਇਲਾਵਾ ਨਵੇਂ iOS ਵਿੱਚ ਉਪਭੋਗਤਾ ਆਪਣੀ ਹੋਮ ਸਕ੍ਰੀਨ ਤੋਂ ਕੁਝ ਐਪਸ ਨੂੰ ਵੀ ਲਾਕ ਕਰਨ ਦੇ ਯੋਗ ਹੋਣਗੇ, ਜੋ ਕਿ ਅਣਅਧਿਕਾਰਤ ਉਪਭੋਗਤਾਵਾਂ ਨੂੰ ਬਾਇਓਮੈਟ੍ਰਿਕ ਪ੍ਰਮਾਣਿਕਤਾ ਜਾਂ ਡਿਵਾਈਸ ਪਾਸਕੋਡ ਤੋਂ ਬਿਨਾਂ ਇਹਨਾਂ ਐਪਸ ਨੂੰ ਐਕਸੈਸ ਕਰਨ ਤੋਂ ਰੋਕੇਗਾ।
ਐਪਸ ਨੂੰ ਕਰ ਸਕੋਗੇ ਹਾਈਡ!
iOS 18 ਵਿਚ ਲਾਕ ਸਕ੍ਰੀਨ ਕਸਟਮਾਈਜ਼ੇਸ਼ਨ ਵੀ ਉਪਲਬਧ ਹੈ। ਇਹ ਟਾਰਚ ਅਤੇ ਕੈਮਰਾ ਸ਼ਾਰਟਕੱਟ ਦੇ ਨਾਲ ਉਪਭੋਗਤਾਵਾਂ ਨੂੰ ਆਪਣੇ ਆਈਫੋਨ ਨੂੰ ਅਨਲੌਕ ਕੀਤੇ ਬਿਨਾਂ ਜਾਂ ਇਸ ਦੌਰਾਨ ਐਪਸ ਨੂੰ ਸਿੱਧੇ ਖੋਲ੍ਹਣ ਲਈ ਲੌਕ ਸਕ੍ਰੀਨ ਵਿੱਚ ਹੋਰ ਸ਼ਾਰਟਕੱਟ ਜੋੜਨ ਦਿੰਦਾ ਹੈ। iOS 18 ਉਪਭੋਗਤਾਵਾਂ ਨੂੰ ਡਿਵਾਈਸ 'ਤੇ ਸਾਰੀਆਂ ਐਪਾਂ ਲਈ ਫੇਸਆਈਡੀ ਲਾਕ ਸੈੱਟ ਕਰਨ ਦੀ ਇਜਾਜ਼ਤ ਦੇਵੇਗਾ। ਯੂਜ਼ਰਸ ਕੁਝ ਐਪਸ ਨੂੰ ਹਾਈਡ ਵੀ ਕਰ ਸਕਦੇ ਹਨ।
iOS 18 RCS ਈਮੇਜ਼ ਸਪੋਰਟ ਅਤੇ iMessage ਵਿਚ ਨਵੇਂ ਇਮੋਜੀ ਰਿਐਕਸ਼ਨ ਸਮੇਤ ਬਹੁਤ ਸਾਰੇ ਫੀਚਰ ਲਿਆਉਂਦਾ ਹੈ। ਇਸ ਤੋਂ ਇਲਾਵਾ iMessage 'ਚ ਕੁਝ ਟੈਕਸਟ ਇਫੈਕਟਸ ਜੋੜੇ ਗਏ ਹਨ।
Siri ਵਿਚ ਵੀ ਜੁੜਿਆ ਨਵਾਂ ਫੀਚਰ!
ਨਵੇਂ ਇੰਟਰਫੇਸ ਅਤੇ ਐਪ ਆਈਕਨਾਂ ਦੇ ਨਾਲ ਅਸਿਸਟੈਂਟ ਦੀ ਵਰਤੋਂ ਨੂੰ ਆਸਾਨ ਬਣਾਉਣ ਲਈ Siri ਨੂੰ iOS 18 ਦੇ ਨਾਲ ਇੱਕ ਅੱਪਗ੍ਰੇਡ ਮਿਲ ਰਿਹਾ ਹੈ। ਐਪਲ ਦਾ ਕਹਿਣਾ ਹੈ ਕਿ ਵਰਚੁਅਲ ਅਸਿਸਟੈਂਟ ਉਪਭੋਗਤਾਵਾਂ ਨੂੰ ਵੌਇਸ ਕਮਾਂਡ ਦੀ ਵਰਤੋਂ ਕਰਨ ਦੇ ਨਾਲ-ਨਾਲ Siri ਵਿੱਚ ਟਾਈਪ ਕਰਨ ਦੀ ਆਗਿਆ ਦੇਵੇਗਾ।
Siri ਨੂੰ ਐਪਲ ਇੰਟੈਲੀਜੈਂਸ ਦੁਆਰਾ ਸੰਚਾਲਿਤ ਆਨ-ਸਕ੍ਰੀਨ ਫੀਚਰਸ ਵੀ ਮਿਲਣ ਜਾ ਰਿਹਾ ਹੈ, ਜੋ ਕੰਪਨੀ ਦੀ ਪ੍ਰਾਈਵੈਸੀ ਫੋਕਸ Artificial Intelligence (AI) ਸਿਸਟਮ ਹੈ, ਜਿਸ ਨੂੰ ਇਸ ਸਾਲ ਦੇ ਅੰਤ ਵਿੱਚ ਲਾਂਚ ਕੀਤਾ ਜਾਵੇਗਾ। ਤੁਹਾਨੂੰ ਦੱਸ ਦਈਏ ਕਿ ਐਪਲ ਇੰਟੈਲੀਜੈਂਸ ਇਸ ਸਮੇਂ ਯੂਐਸ ਵਿੱਚ ਬੀਟਾ ਰੂਪ ਵਿੱਚ ਉਪਲਬਧ ਹੋਵੇਗਾ ਅਤੇ ਸਿਰਫ ਦੋ ਸਮਾਰਟਫੋਨਜ਼ - ਆਈਫੋਨ 15 ਪ੍ਰੋ ਅਤੇ ਆਈਫੋਨ 15 ਪ੍ਰੋ ਮੈਕਸ 'ਤੇ ਉਪਲਬਧ ਹੋਵੇਗਾ।