ਨਵੀਂ ਦਿੱਲੀ: ਤਿਉਹਾਰਾਂ ਦੇ ਮੌਸਮ ਵਿੱਚ ਸਮਾਰਟਫੋਨ ਮਾਰਕੀਟ ਵਿੱਚ ਕੁਝ ਨਵੇਂ ਫੋਨ ਲਾਂਚ ਹੋਣ ਜਾ ਰਹੇ ਹਨ, ਜਿਸ ਦਾ ਗਾਹਕ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹਨ। ਜੇ ਤੁਹਾਡੀ ਸਮਾਰਟਫੋਨ ਲੈਣ ਦੀ ਪਲਾਨਿੰਗ ਹੈ, ਤਾਂ ਤੁਸੀਂ ਇਨ੍ਹਾਂ ਆਉਣ ਵਾਲੇ ਫੋਨਾਂ ਚੋਂ ਆਪਣੇ ਬਜਟ ਮੁਤਾਬਕ ਫੋਨ ਚੁਣ ਸਕਦੇ ਹੋ। ਨਵੇਂ ਫੋਨ ਲੇਟੇਸਲ ਤਕਨਾਲੋਜੀ ਦੇ ਨਾਲ-ਨਾਲ ਵਧੀਆ ਫੀਚਰ ਨਾਲ ਲੈਸ ਹਨ।
VIVO V20: VIVO V20 ਫੋਨ ਨੂੰ 13 ਅਕਤੂਬਰ ਨੂੰ ਦੁਪਹਿਰ ਨੂੰ ਲਾਂਚ ਕੀਤਾ ਜਾ ਰਿਹਾ ਹੈ। ਵੀਵੋ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਇਸ ਦੀ ਸ਼ੁਰੂਆਤ ਦੇ ਐਲਾਨ ਕੀਤਾ ਗਿਆ ਹੈ ਤੇ ਈ-ਕਾਮਰਸ ਵੈਬਸਾਈਟ ਫਲਿੱਪਕਾਰਟ 'ਤੇ ਇਸ ਦੀ ਵਿਕਰੀ ਲਈ ਵੱਖਰਾ ਪੇਜ ਬਣਾਇਆ ਗਿਆ ਹੈ। VIVO V20 ਦੀ ਯੂਐਸਪੀ ਇਸ ਦਾ ਕੈਮਰਾ ਹੈ। ਫੋਨ 'ਚ 44 ਮੈਗਾਪਿਕਸਲ ਦਾ ਕੈਮਰਾ ਤੇ ਟ੍ਰਿਪਲ ਰੀਅਰ ਕੈਮਰਾ ਹੈ। ਕੈਮਰੇ ਦਾ ਫੋਕਸ ਸੰਪੂਰਨ ਹੋਵੇਗਾ ਤੇ ਸੁਪਰ ਨਾਈਟ ਮੋਡ ਹੋਵੇਗਾ। ਇਸ ਫੋਨ 'ਚ ਵਾਟਰਪ੍ਰੋਪ-ਨਾਚ ਡਿਜ਼ਾਈਨ ਹੈ ਤੇ ਵੀਵੋ ਦਾ ਸਭ ਤੋਂ ਪਤਲਾ ਫੋਨ ਹੈ।
OnePlus 8T: OnePlus 8T ਫੋਨ 14 ਅਕਤੂਬਰ ਨੂੰ ਲਾਂਚ ਹੋ ਰਿਹਾ ਹੈ ਤੇ ਇਸ ਦੀ ਹਾਈਲਾਈਟ ਵੀ ਐਮਾਜ਼ਾਨ 'ਤੇ ਆ ਰਹੀ ਹੈ। ਇਸ ਫੋਨ ਵਿਚ ਵੀ ਕੈਮਰਾ ਚੰਗੀ ਕੁਆਲਟੀ ਦਾ ਹੈ ਤੇ ਇਸ ਵਿਚ ਨਾਈਟਸਕੇਪ ਮੋਡ ਹੈ। ਫੋਨ 'ਚ 120Hz ਫਲੁਇਡ ਅਮੋਲਡ ਡਿਸਪਲੇਅ ਹੈ। ਫੋਨ ਵਿੱਚ ਅਲਟਰਾ ਫਾਸਟ ਚਾਰਜਿੰਗ ਹੈ।
Xiaomi MI 10T Series: ਤਿਉਹਾਰ ਮੌਕੇ Xiaomi ਕੰਪਨੀ ਵਿਕਰੀ ਵਧਾਉਣ ਵਿੱਚ ਪਿੱਛੇ ਨਹੀਂ ਰਹਿਣਾ ਚਾਹੁੰਦੀ। Xiaomi ਦੀ MI 10T ਸੀਰੀਜ਼ ਦੇ ਫੋਨ ਲਾਂਚ ਕਰਨ ਲਈ 15 ਅਕਤੂਬਰ ਦੀ ਤਰੀਕ Xiaomi ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਆ ਰਹੀ ਹੈ। ਇਸ ਫੋਨ ਦਾ ਵੀ ਕੈਮਰੇ 'ਤੇ ਪੂਰਾ ਧਿਆਨ ਹੈ ਤੇ ਇਸ ਦਾ ਕੈਮਰਾ 108 ਮੈਗਾਪਿਕਸਲ ਦੀ ਹਾਈ ਕੁਐਲਟੀ ਦਾ ਹੈ। ਗੇਮ ਨੂੰ ਮਜ਼ੇਦਾਰ ਬਣਾਉਣ ਲਈ ਫੋਨ ਵਿੱਚ 144 Hz ਦੀ ਟੈਕਨਾਲੋਜੀ ਸਕ੍ਰੀਨ ਹੈ। ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਫੋਨ ਦੀ ਬੈਟਰੀ ਵੀ ਬਹੁਤ ਮਜ਼ਬੂਤ ਹੈ ਤੇ ਕੁਆਲਕਾਮ ਸਨੈਪਡ੍ਰੈਗਨ 865 5ਜੀ ਨਵਾਂ ਪ੍ਰੋਸੈਸਰ ਹੈ।
OPPO A 15: ਸਮਾਰਟਫੋਨ ਦੀ ਸੂਚੀ ਵਿਚ ਇਕ ਹੋਰ ਫੋਨ ਜਲਦ ਹੀ ਲਾਂਚ ਹੋਣ ਜਾ ਰਿਹਾ ਹੈ ਜਿਸਦਾ ਨਾਮ ਹੈ OPPO A 15, ਇਹ ਫੋਨ ਅਮੇਜ਼ਨ 'ਤੇ ਪਾਇਆ ਜਾਵੇਗਾ ਤੇ ਇਸਦਾ ਟੀਜ਼ਰ ਵੀ ਵੈੱਬਸਾਈਟ' ਤੇ ਦਿਖਾਈ ਦੇ ਰਿਹਾ ਹੈ। ਦੂਜੇ ਸਮਾਰਟਫੋਨਸ ਦੀ ਤਰ੍ਹਾਂ ਇਸ ਵਿਚ ਵੀ ਕੈਮਰਾ ਫੀਚਰ 'ਤੇ ਧਿਆਨ ਦਿੱਤਾ ਗਿਆ ਹੈ। ਫੋਨ ਵਿੱਚ ਇੱਕ ਟ੍ਰਿਪਲ ਰਿਅਰ ਕੈਮਰਾ ਹੈ, ਜਿਸ ਵਿੱਚ 13 ਮੈਗਾਪਿਕਸਲ ਦਾ ਮੇਨ ਲੈਂਜ਼, ਇੱਕ 2 ਮੈਗਾਪਿਕਸਲ ਦਾ ਮਾਈਕ੍ਰੋ ਲੈਂਜ਼ ਤੇ ਇੱਕ 2 ਮੈਗਾਪਿਕਸਲ ਦੀ ਡੇਪਥ ਲੈਂਜ਼ ਹੈ। ਇਸ ਫੋਨ 'ਚ 6.52 ਇੰਚ ਦੀ ਵਾਟਰਡ੍ਰੌਪ ਆਈ ਪ੍ਰੋਟੈਕਸ਼ਨ ਸਕ੍ਰੀਨ ਹੈ ਤੇ ਇਹ ਫੋਨ ਕਾਫੀ ਸਲਿਕ ਹੋਣ ਵਾਲਾ ਹੈ।
iPhone 12: ਇਸ ਸਾਲ ਦਾ ਸਭ ਤੋਂ ਜ਼ਿਆਦਾ ਉਡੀਕ ਵਾਲਾ ਆਈਫੋਨ ਵੀ ਅਕਤੂਬਰ ਵਿੱਚ ਲਾਂਚ ਹੋਣ ਜਾ ਰਿਹਾ ਹੈ। ਇਸ ਲੜੀ ਵਿੱਚ ਆਈਫੋਨ 12, ਆਈਫੋਨ 12 ਮਿੰਨੀ, ਆਈਫੋਨ 12 ਪ੍ਰੋ ਤੇ ਆਈਫੋਨ 12 ਮੈਕਸ ਦੇ ਮਾਡਲਾਂ ਦੇ ਆਉਣ ਦੀ ਸੰਭਾਵਨਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904