ਸ਼ਿਓਮੀ ਨੇ ਲਾਈ 1 ਰੁਪਏ 'ਚ ਸਮਾਰਟਫ਼ੋਨ ਦੀ ਸੇਲ, ਤਿੰਨ ਦਿਨ ਚੱਲੇਗੀ ਸੇਲ

ਨਵੀਂ ਦਿੱਲੀ : ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਚੀਨੀ ਕੰਪਨੀ ਸ਼ਿਓਮੀ ਆਪਣੇ ਭਾਰਤੀ ਗਾਹਕਾਂ ਦੇ ਲਈ ਦੀਵਾਲੀ ਦਾ ਗਿਫ਼ਟ ਲੈ ਕੇ ਆਈ ਹੈ। ਕੰਪਨੀ ਨੇ ਇਸ ਸੇਲ 'ਚ 1 ਰੁਪਏ ਦੀ ਫਲੈਸ਼ ਡੀਲ, ਕੀਮਤਾਂ 'ਚ ਕਟੌਤੀ, ਕੂਪਨ ਅਤੇ ਕਈ ਦੂਜੇ ਆਫਰ ਦੇਣ ਦਾ ਵਾਅਦਾ ਕੀਤਾ ਹੈ। ਕੰਪਨੀ ਮੁਤਾਬਕ ਇਕ ਰੁਪਏ ਵਾਲੀ ਫਲੈਸ਼ ਡੀਲ ਹਰ ਰੋਜ਼ ਦੁਪਹਿਰ ਨੂੰ 2 ਵਜੇ ਸ਼ੁਰੂ ਕੀਤੀ ਜਾਵੇਗੀ। ਇਹ ਸੇਲ ਅੱਜ ਯਾਨਿ 17 ਅਕਤੂਬਰ ਤੋਂ 19 ਅਕਤੂਬਰ ਤੱਕ ਚੱਲੇਗੀ। 1 ਰੁਪਏ ਦੀ ਫਲੈਸ਼ ਸੇਲ ਵਿੱਚ ਕੰਪਨੀ ਨੇ ਰੈਡਮੀ 3S ਪ੍ਰਾਈਮ, ਰੇਡਮੀ 3 ਤੇ Mi 4 ਨੂੰ 1 ਰੁਪਏ ਦੀ ਸੇਲ ਵਿੱਚ ਉਤਾਰੇਗੀ। ਇਸ ਦੇ ਨਾਲ ਹੀ Mi ਬਲ਼ੂ ਟੁੱਥ ਸਪੀਕਰ, ਫਿਟਨੈੱਸ ਬੈਂਡ ਤੇ 2000mAh ਦਾ ਪਾਵਰ ਬੈਂਕ ਵੀ 1 ਰੁਪਏ ਦੀ ਫਲੈਸ਼ ਸੇਲ ਵਿੱਚ ਉਪਲਬਧ ਹੋਵੇਗਾ। ਇਸ ਫਲੈਸ਼ ਸੇਲ ਨੂੰ ਦੁਪਹਿਰ 1 ਵਜੇ ਤੋਂ 2 ਵਜੇ ਦੇ ਵਿਚਾਲੇ ਰੱਖਿਆ ਜਾਏਗਾ। ਪਹਿਲੇ ਦਿਨ 17 ਅਕਤੂਬਰ ਨੂੰ ਰੇਡਮੀ 3S ਪ੍ਰਾਈਮ, 18 ਅਕਤੂਬਰ ਨੂੰ ਰੈਂਡਮ 3 ਤੇ 19 ਨੂੰ Mi4 1 ਰੁਪਏ ਵਿੱਚ ਮਿਲਣਗੇ। 1 ਰੁਪਏ ਦੀ ਫਲੈਸ਼ ਸੇਲ ਦਾ ਐਲਾਨ Mi ਕਮਯੂਨਿਟੀ ‘ਤੇ ਹੋਵੇਗਾ। ਜੋ ਵੀ ਯੂਜ਼ਰ 1 ਰੁਪਏ ਦੀ ਸੇਲ ਦਾ ਵਾਲਾ ਪ੍ਰੋਡਕਟ ਆਪਣੇ ਕਾਰਟ ਵਿੱਚ ਐਡ ਕਰ ਚੁੱਕਿਆ ਹੋਵੇਗਾ, ਉਸ ਨੂੰ 2 ਘੰਟੇ ਦੇ ਅੰਦਰ ਹੀ ਪੇਮੈਂਟ ਕਰਨੀ ਹੋਵੇਗੀ। ਕੰਪਨੀ ਤੁਹਾਨੂੰ ਇਅਰਫੋਨ 10000mAh ਵਾਲੇ ਪਾਵਰ ਬੈਂਕ ਤੇ mi ਪ੍ਰੋਡਕਟ ‘ਤੇ ਵੀ ਆਫ਼ਰ ਦੇ ਰਹੀ ਹੈ।