Mobile Number Starting Digit: ਲਗਪਗ ਦੋ ਦਹਾਕਿਆਂ ਬਾਅਦ ਅਸੀਂ ਕੁਝ ਸਕਿੰਟਾਂ 'ਚ ਦੁਨੀਆਂ ਭਰ 'ਚ ਕਿਸੇ ਨਾਲ ਵੀ ਗੱਲ ਕਰਨ ਦੇ ਕਾਬਲ ਹੋ ਗਏ, ਕਿਉਂਕਿ ਮੋਬਾਈਲ ਨੇ ਪੂਰੀ ਦੁਨੀਆਂ 'ਚ ਕ੍ਰਾਂਤੀ ਲਿਆ ਦਿੱਤੀ। ਕਨੈਕਟੀਵਿਟੀ 'ਚ ਸੁਧਾਰ ਮੋਬਾਈਲ ਫ਼ੋਨਾਂ ਕਾਰਨ ਸੰਭਵ ਹੋਇਆ ਹੈ, ਜੋ ਸਿਮ ਕਾਰਡਾਂ ਦੁਆਰਾ ਸੰਚਾਲਿਤ ਹੁੰਦੇ ਹਨ। ਸਿਮ ਕਾਰਡ ਨੂੰ ਐਕਟੀਵੇਟ ਕਰਨ ਨਾਲ ਤੁਹਾਨੂੰ ਇੱਕ ਮੋਬਾਈਲ ਨੰਬਰ ਮਿਲਦਾ ਹੈ ਤੇ ਇਹ ਕਿਸੇ ਵੀ ਵਿਅਕਤੀ ਵੱਲੋਂ ਵਰਤਿਆ ਜਾ ਸਕਦਾ ਹੈ ਜੋ ਤੁਹਾਡੇ ਨਾਲ ਸੰਪਰਕ ਕਰਨ ਲਈ ਫ਼ੋਨ ਕਾਲ ਕਰਨਾ ਚਾਹੁੰਦਾ ਹੈ। ਭਾਰਤ 'ਚ ਮੋਬਾਈਲ ਨੰਬਰ 10 ਅੰਕਾਂ ਦਾ ਹੁੰਦਾ ਹੈ।
ਇਸੇ ਤਰ੍ਹਾਂ ਜੇਕਰ ਤੁਸੀਂ ਭਾਰਤ ਤੋਂ ਹੋ ਤਾਂ ਤੁਸੀਂ ਕਿਸੇ ਸਮੇਂ ਆਪਣੇ ਮੋਬਾਈਲ ਨੰਬਰ ਦੇ ਸ਼ੁਰੂਆਤੀ ਅੰਕਾਂ ਬਾਰੇ ਸੋਚਿਆ ਹੋਵੇਗਾ। ਤੁਹਾਡਾ ਮੋਬਾਈਲ ਨੰਬਰ +91 (ਜੋ ਭਾਰਤ ਦੇਸ਼ ਦਾ ਕੋਡ ਹੈ) ਨਾਲ ਸ਼ੁਰੂ ਹੁੰਦਾ ਹੈ ਤੇ ਇਸ ਦੇ ਬਾਅਦ 6, 7, 8 ਜਾਂ 9 ਵਰਗੇ ਅੰਕ ਆਉਂਦੇ ਹਨ। ਇਸ 'ਚ ਤੁਸੀਂ ਇਹ ਵੀ ਸੋਚਿਆ ਹੋਵੇਗਾ ਕਿ ਸ਼ੁਰੂਆਤੀ ਨੰਬਰ 0, 1 ਨਾਲ ਹੀ ਕਿਉਂ ਸ਼ੁਰੂ ਹੁੰਦਾ ਹੈ ਜਾਂ ਸ਼ੁਰੂ 'ਚ 2, 3, 4 ਜਾਂ 5 ਕਿਉਂ ਨਹੀਂ ਹਨ? ਅਸੀਂ ਇੱਥੇ ਕੁਝ ਕਾਰਨ ਦੱਸੇ ਹਾਂ ਕਿ ਕਿਉਂ ਭਾਰਤ 'ਚ ਮੋਬਾਈਲ ਨੰਬਰ ਸਿਰਫ਼ 6, 7, 8, ਤੇ 9 ਦੇ ਅੰਕਾਂ ਨਾਲ ਸ਼ੁਰੂ ਹੁੰਦੇ ਹਨ।
1 ਨਾਲ ਸ਼ੁਰੂ ਹੋਣ ਵਾਲੇ ਅੰਕਾਂ ਵਾਲੇ ਟੈਲੀਫੋਨ ਨੰਬਰ ਆਮ ਤੌਰ 'ਤੇ ਸਰਕਾਰੀ ਸੇਵਾਵਾਂ ਨਾਲ ਜੁੜੇ ਹੁੰਦੇ ਹਨ। ਸਰਕਾਰੀ ਸੇਵਾਵਾਂ 'ਚ ਪੁਲਿਸ, ਫ਼ਾਇਰ ਸਰਵਿਸਿਜ਼, ਐਂਬੂਲੈਂਸ ਆਦਿ ਸ਼ਾਮਲ ਹਨ। ਇਸ ਕਾਰਨ ਭਾਰਤ 'ਚ ਵਿਅਕਤੀਗਤ ਨੰਬਰ-1 ਨਾਲ ਸ਼ੁਰੂ ਨਹੀਂ ਹੋ ਸਕਦੇ।
ਇਹ ਨੰਬਰ ਲੈਂਡਲਾਈਨਾਂ 'ਚ ਵਰਤੇ ਜਾਂਦੇ
ਜੇਕਰ ਤੁਸੀਂ ਕੋਈ ਸਰਕਾਰੀ ਸੇਵਾ ਲੈਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ 1 ਤੋਂ ਸ਼ੁਰੂ ਹੋਣ ਵਾਲਾ ਨੰਬਰ ਡਾਇਲ ਕਰਨਾ ਹੋਵੇਗਾ। ਦੂਜੇ ਪਾਸੇ 2, 3, 4 ਤੇ 5 ਨਾਲ ਸ਼ੁਰੂ ਹੋਣ ਵਾਲੇ ਨੰਬਰ ਹਨ। ਜ਼ਿਕਰਯੋਗ ਹੈ ਕਿ 2, 3, 4 ਤੇ 5 ਨਾਲ ਸ਼ੁਰੂ ਹੋਣ ਵਾਲੇ ਨੰਬਰਾਂ ਦੀ ਵਰਤੋਂ ਲੈਂਡਲਾਈਨ ਫ਼ੋਨਾਂ 'ਚ ਕੀਤੀ ਜਾਂਦੀ ਹੈ। ਇਹੀ ਕਾਰਨ ਹੈ ਕਿ ਇਨ੍ਹਾਂ ਅੰਕਾਂ ਵਾਲੇ ਨੰਬਰਾਂ ਨੂੰ ਮੋਬਾਈਲ ਨੰਬਰਾਂ ਵਜੋਂ ਨਹੀਂ ਵਰਤਿਆ ਜਾ ਸਕਦਾ।
0 ਦੀ ਇੱਥੇ ਹੁੰਦੀ ਹੈ ਵਰਤੋਂ
ਨੰਬਰ 0 ਦੀ ਵਰਦੋਂ ਲੈਂਡਲਾਈਨ ਨੰਬਰਾਂ ਲਈ STD ਕੋਡ ਵਜੋਂ ਵਰਤਿਆ ਜਾਂਦਾ ਹੈ। ਇਸ ਲਈ ਇਸ ਨੂੰ ਭਾਰਤ 'ਚ ਮੋਬਾਈਲ ਨੰਬਰਾਂ ਲਈ ਨਹੀਂ ਵਰਤਿਆ ਜਾ ਸਕਦਾ ਹੈ। ਇਸ ਲਈ ਉਮੀਦ ਹੈ ਕਿ ਤੁਹਾਨੂੰ ਹੁਣ ਇਸ ਬਾਰੇ ਜਾਣਕਾਰੀ ਮਿਲ ਗਈ ਹੋਵੇਗੀ ਕਿ ਭਾਰਤ 'ਚ 0, 1, 2, 3, 4 ਤੇ 5 ਦੇ ਨਾਲ ਮੋਬਾਈਲ ਨੰਬਰ ਕਿਉਂ ਹਨ?
ਹਾਲਾਂਕਿ ਇਹ ਜਾਣਕਾਰੀ ਅਧਿਕਾਰਤ ਨਹੀਂ, ਪਰ ਇਨ੍ਹਾਂ ਕਾਰਨਾਂ ਕਰਕੇ ਅਸੀਂ ਇਹ ਮੰਨ ਸਕਦੇ ਹਾਂ ਕਿ ਭਾਰਤ 'ਚ ਮੋਬਾਈਲ ਨੰਬਰ ਦੇ ਸ਼ੁਰੂਆਤ 'ਚ 0 ਤੋਂ 5 ਤੱਕ ਦੀ ਗਿਣਤੀ ਨਹੀਂ ਹੁੰਦੀ, ਸਗੋਂ 6 ਤੋਂ 9 ਤਕ ਦੇ ਨੰਬਰ ਹੁੰਦੇ ਹੈ। ਪਰ ਇਸ ਤੋਂ ਇਲਾਵਾ ਕੋਈ ਹੋਰ ਕਾਰਨ ਨਹੀਂ ਨਜ਼ਰ ਆਉਂਦਾ।