ਨਵੀਂ ਦਿੱਲੀ: ਵੀਡੀਓ ਕਾਲਾਂ ਲਈ ਦਿੱਗਜ਼ ਮੰਨੇ ਜਾਂਦੇ ਸਕਾਈਪ ਨੇ ਆਪਣੇ ਆਪ ਨੂੰ ਅਪਡੇਟ ਕੀਤਾ ਹੈ। ਇਸ ਅਪਡੇਟ ਤੋਂ ਬਾਅਦ ਮੀਟ ਨਾਓ ਫੀਚਰ ਹੁਣ ਸਕਾਈਪ 'ਤੇ ਉਪਲਬਧ ਹੈ। ਇਸ ਵਿਸ਼ੇਸ਼ਤਾ ਦੇ ਨਾਲ ਤੁਸੀਂ ਹੁਣ ਸਾਈਨ ਅਪ ਕੀਤੇ ਬਿਨਾਂ ਸਕਾਈਪ ਕਾਲ ਦਾ ਹਿੱਸਾ ਹੋ ਸਕਦੇ ਹੋ। ਇਸ ਫੀਚਰ ਦੇ ਲਾਂਚ ਹੋਣ ਤੋਂ ਬਾਅਦ ਮੰਨਿਆ ਜਾ ਰਿਹਾ ਹੈ ਕਿ ਜ਼ੂਮ ਐਪ ਦਾ ਸਖਤ ਮੁਕਾਬਲਾ ਹੋਏਗਾ।


ਗੌਰਤਲਬ ਹੈ ਕਿ ਭਾਰਤ ਦੇ ਨਾਲ-ਨਾਲ ਵਿਸ਼ਵ ਦੇ ਵੱਖ-ਵੱਖ ਦੇਸ਼ਾਂ ਵਿਚ ਲੌਕਡਾਊਨ ਚੱਲ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ ਲੋਕ ਘਰਾਂ ਤੋਂ ਕੰਮ ਕਰ ਰਹੇ ਹਨ। ਇਸ ਦੌਰਾਨ ਘਰ ਤੋਂ ਕੰਮ ਕਰ ਰਹੇ ਲੋਕਾਂ ਵਿੱਚ ਜ਼ੂਮ ਬਹੁਤ ਜ਼ਿਆਦਾ ਪਹੁੰਚ ਬਣਾ ਚੁੱਕਿਆ ਸੀ ਪਰ ਤਾਜ਼ਾ ਖਬਰਾਂ ਅਨੁਸਾਰ, ਜ਼ੂਮ ਐਪ ਨਾਲ ਡਾਟਾ ਲੀਕ ਹੋਣ ਵਰਗਾ ਵਿਵਾਦ ਜੁੜ ਗਿਆ। ਇਸ ਤੋਂ ਬਾਅਦ ਹੀ ਸਕਾਈਪ ਨੇ ਮੀਟ ਨਾਓ ਫੀਚਰ ਜਾਰੀ ਕੀਤਾ ਹੈ। ਉਮੀਦ ਹੈ ਕਿ ਲੋਕ ਇਸ ਨੂੰ ਪਸੰਦ ਕਰਨਗੇ।


ਜਾਣੋਂ Meet Now ‘ਚ ਕੀ ਹੈ ਖਾਸ?

ਮੀਟ ਨਾਓ ਸਕਾਈਪ ਦੀ ਇਕ ਅਜਿਹੀ ਵਿਸ਼ੇਸ਼ਤਾ ਹੈ ਜੋ ਤੁਹਾਨੂੰ ਸਾਈਨ ਅਪ ਕੀਤੇ ਬਿਨਾਂ ਵੀਡੀਓ ਕਾਲ ਦਾ ਹਿੱਸਾ ਬਣਨ ਦਿੰਦੀ ਹੈ। ਇਸ ਲਈ ਇੱਕ ਸਕਾਈਪ ਯੂਜ਼ਰ ਨੂੰ ਮੀਟ ਨਾਓ ਦੀ ਵਰਤੋਂ ਕਰਨੀ ਪਏਗੀ। ਇਸ ਤੋਂ ਬਾਅਦ ਮੀਟ ਨਾਓ ਵਿੰਡੋ ਉਸ ਯੂਜ਼ਰ ਲਈ ਖੁੱਲ੍ਹੇਗੀ। ਤੁਸੀਂ ਇਸ ‘ਤੇ ਤਿਆਰ ਲਿੰਕ ਨੂੰ ਆਪਣੇ ਸਾਥੀ ਨਾਲ ਸਾਂਝਾ ਕਰ ਸਕਦੇ ਹੋ। ਇਸ ਲਿੰਕ ਦੇ ਜ਼ਰੀਏ, ਤੁਹਾਡੇ ਸਾਥੀ ਵੀਡੀਓ ਕਾਲ ਵਿੱਚ ਸ਼ਾਮਲ ਹੋ ਸਕਦੇ ਹਨ।


ਇਹ ਵੀ ਪੜ੍ਹੋ :

14 ਅਪ੍ਰੈਲ ਤੋਂ ਬਾਅਦ ਵੀ ਘਰਾਂ ‘ਚ ਡੱਕੇ ਰਹਿਣਗੇ ਲੋਕ, ਵਧੇਗਾ ਲੌਕਡਾਊਨ


ਜੇ ਸਕੂਲ ਕਰਦੇ ਫੀਸਾਂ ਦੀ ਮੰਗ ਤਾਂ ਇੱਥੇ ਕਰੋ ਸ਼ਿਕਾਇਤ, ਤੁਰੰਤ ਹੋਏਗੀ ਕਾਰਵਾਈ