ਟੈਲੀਕਾਮ ਕੰਪਨੀਆਂ ਵੱਲੋਂ 1 ਅਕਤੂਬਰ ਤੋਂ ਲਾਗੂ ਕੀਤੇ ਜਾਣ ਵਾਲੇ ਨਿਯਮਾਂ 'ਚ ਵੱਡਾ ਬਦਲਾਅ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਨਿਯਮਾਂ ਦੇ ਅਨੁਸਾਰ, ਹੁਣ ਗਾਹਕ ਆਸਾਨੀ ਨਾਲ ਜਾਣ ਸਕਣਗੇ ਕਿ ਉਨ੍ਹਾਂ ਦੇ ਖੇਤਰ ਵਿੱਚ ਕਿਹੜੀ ਮੋਬਾਈਲ ਸੇਵਾ (2ਜੀ, 3ਜੀ, 4ਜੀ ਜਾਂ 5ਜੀ) ਉਪਲਬਧ ਹੈ।
ਟਰਾਈ ਨੇ ਕੰਪਨੀਆਂ ਲਈ ਉਪਰੋਕਤ ਜਾਣਕਾਰੀ ਨੂੰ ਆਪਣੀ ਵੈੱਬਸਾਈਟ 'ਤੇ ਦਿਖਾਉਣਾ ਲਾਜ਼ਮੀ ਕਰ ਦਿੱਤਾ ਹੈ।
TRAI ਨੇ 4G ਅਤੇ 5G ਨੈੱਟਵਰਕ ਨੂੰ ਬਿਹਤਰ ਬਣਾਉਣ ਲਈ ਟੈਲੀਕਾਮ ਕੰਪਨੀਆਂ ਲਈ ਸਖਤ ਗੁਣਵੱਤਾ ਮਾਪਦੰਡ ਬਣਾਏ ਹਨ। ਇਨ੍ਹਾਂ ਦੀ ਉਲੰਘਣਾ ਕਰਨ 'ਤੇ ਕੰਪਨੀਆਂ 'ਤੇ ਭਾਰੀ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਟੈਲੀਕਾਮ ਆਪਰੇਟਰਾਂ ਨੂੰ ਫਰਜ਼ੀ ਐਸਐਮਐਸ ਅਤੇ ਕਾਲਾਂ 'ਤੇ ਰੋਕ ਲਗਾਉਣ ਲਈ ਸਖ਼ਤ ਹਦਾਇਤਾਂ ਦਿੱਤੀਆਂ ਗਈਆਂ ਹਨ। ਟਰਾਈ ਦਾ ਇਹ ਨਿਯਮ 1 ਸਤੰਬਰ ਤੋਂ ਲਾਗੂ ਹੋਣਾ ਸੀ।
ਦੂਰਸੰਚਾਰ ਕੰਪਨੀਆਂ ਵੱਖ-ਵੱਖ ਸ਼ਹਿਰਾਂ ਵਿੱਚ ਵੱਖ-ਵੱਖ ਤਰ੍ਹਾਂ ਦੇ ਡੇਟਾ ਸਿਗਨਲ ਪ੍ਰਦਾਨ ਕਰਦੀਆਂ ਹਨ। ਕੁਝ ਥਾਵਾਂ 'ਤੇ 5ਜੀ ਵਧੀਆ ਹੈ ਅਤੇ ਕੁਝ ਥਾਵਾਂ 'ਤੇ 2ਜੀ ਬਿਹਤਰ ਹੈ। ਇਹ ਨਵਾਂ ਨਿਯਮ ਗਾਹਕਾਂ ਨੂੰ ਸਹੀ ਜਾਣਕਾਰੀ ਦੇਣ ਅਤੇ ਉਨ੍ਹਾਂ ਨੂੰ ਬਿਹਤਰ ਸੇਵਾ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਲਿਆਂਦਾ ਗਿਆ ਹੈ।
1 ਅਕਤੂਬਰ ਤੋਂ ਹੋਣਗੇ ਬਦਲਾਅ
1 ਅਕਤੂਬਰ ਤੋਂ, ਸੰਚਾਰ ਲਈ ਸੁਨੇਹਿਆਂ ਵਿੱਚ ਸਿਰਫ਼ ਸੁਰੱਖਿਅਤ URL ਜਾਂ OTP ਲਿੰਕ ਹੀ ਭੇਜੇ ਜਾਣਗੇ। ਇਸ ਤੋਂ ਇਲਾਵਾ, 30 ਸਤੰਬਰ ਤੱਕ, 140 ਸੀਰੀਜ਼ ਤੋਂ ਸ਼ੁਰੂ ਹੋਣ ਵਾਲੀਆਂ ਪਹਿਲੀ ਮਾਰਕੀਟਿੰਗ ਕਾਲਾਂ ਨੂੰ ਡਿਜੀਟਲ ਪਲੇਟਫਾਰਮ 'ਤੇ ਟਰਾਂਸਫਰ ਕਰ ਦਿੱਤਾ ਜਾਵੇਗਾ, ਤਾਂ ਜੋ ਨਿਗਰਾਨੀ ਨੂੰ ਸਰਲ ਬਣਾਇਆ ਜਾ ਸਕੇ।
ਇਹ ਨਿਯਮ ਗਾਹਕਾਂ ਲਈ ਮਹੱਤਵਪੂਰਨ ਹੈ ਕਿਉਂਕਿ ਇਹ ਉਹਨਾਂ ਨੂੰ ਆਸਾਨੀ ਨਾਲ ਜਾਣਕਾਰੀ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ ਕਿ ਉਹਨਾਂ ਲਈ ਕਿਹੜੀ ਸੇਵਾ ਉਪਲਬਧ ਹੈ। ਇਸ ਨਾਲ ਕੰਪਨੀ ਦੇ ਨਾਲ-ਨਾਲ ਗਾਹਕਾਂ ਨੂੰ ਵੀ ਸਹੀ ਜਾਣਕਾਰੀ ਮਿਲੇਗੀ ਅਤੇ ਟੈਲੀਕਾਮ ਕੰਪਨੀ ਲਈ ਆਪਣੇ ਨੈੱਟਵਰਕ ਨੂੰ ਬਿਹਤਰ ਬਣਾਉਣਾ ਅਤੇ ਗਾਹਕਾਂ ਦੇ ਸਵਾਲਾਂ ਦੇ ਜਵਾਬ ਦੇਣਾ ਆਸਾਨ ਹੋ ਜਾਵੇਗਾ।
ਔਨਲਾਈਨ ਸੇਵਾਵਾਂ ਵਿੱਚ ਸੁਧਾਰ
ਇਸ ਤੋਂ ਇਲਾਵਾ ਸਾਰੀਆਂ ਟੈਲੀਕਾਮ ਕੰਪਨੀਆਂ ਨੂੰ ਆਪਣੀਆਂ ਆਨਲਾਈਨ ਸੇਵਾਵਾਂ 'ਚ ਸੁਧਾਰ ਕਰਨ ਲਈ ਕਿਹਾ ਗਿਆ ਹੈ। ਇਸ ਨਿਰਦੇਸ਼ ਤਹਿਤ ਅਕਤੂਬਰ ਤੋਂ ਮੋਬਾਈਲ ਟੈਲੀਕਾਮ ਸਰਵਿਸ ਰੂਲਜ਼ 2009, ਵਾਇਰਲੈੱਸ ਡਾਟਾ ਕੁਆਲਿਟੀ ਰੂਲਜ਼ 2012 ਅਤੇ ਸਰਵਿਸ ਰੂਲਜ਼ 2006 ਲਾਗੂ ਹੋਣਗੇ।