Vivo Y28 5G Launched In India: ਵੀਵੋ ਦੀ ਵਾਈ ਸੀਰੀਜ਼ ਭਾਰਤ 'ਚ ਕਾਫੀ ਮਸ਼ਹੂਰ ਹੈ। ਇਸ ਲੜੀ ਵਿੱਚ ਕੰਪਨੀ ਜ਼ਿਆਦਾਤਰ ਬਜਟ ਸਮਾਰਟਫੋਨ ਲਾਂਚ ਕਰਦੀ ਹੈ, ਅਤੇ ਭਾਰਤ ਵਿੱਚ ਜ਼ਿਆਦਾਤਰ ਲੋਕ ਬਜਟ ਸਮਾਰਟਫੋਨ ਹੀ ਖਰੀਦਦੇ ਹਨ। ਇਸ ਕਾਰਨ ਵੀਵੋ ਦੀ ਵਾਈ ਸੀਰੀਜ਼ ਕਾਫੀ ਸਫਲ ਰਹੀ ਹੈ। ਹੁਣ ਕੰਪਨੀ ਨੇ ਇਸ ਸੀਰੀਜ਼ 'ਚ ਇੱਕ ਨਵਾਂ ਸਮਾਰਟਫੋਨ ਲਾਂਚ ਕੀਤਾ ਹੈ, ਜਿਸ ਦਾ ਨਾਂ Vivo Y28 5G ਹੈ।


ਵੀਵੋ ਦਾ ਇਹ ਫੋਨ ਜੁਲਾਈ 2023 'ਚ ਲਾਂਚ ਹੋਇਆ Vivo Y27 ਦਾ ਅਪਗ੍ਰੇਡਿਡ ਵਰਜ਼ਨ ਹੈ। ਇਸ ਨਵੇਂ ਫੋਨ 'ਚ ਯੂਜ਼ਰਸ ਨੂੰ 6.5 ਇੰਚ ਦੀ LCD ਡਿਸਪਲੇਅ ਮਿਲੇਗੀ, ਜਿਸ ਦੀ ਰਿਫਰੈਸ਼ ਰੇਟ 90Hz ਹੋਵੇਗੀ। ਇਸ ਫੋਨ ਦੀ ਸਕਰੀਨ ਵਾਟਰਡ੍ਰੌਪ ਨੌਚ ਦੇ ਨਾਲ ਆਵੇਗੀ, ਜੋ ਸ਼ਾਇਦ ਹੁਣ ਪੁਰਾਣਾ ਡਿਜ਼ਾਈਨ ਹੋ ਗਿਆ ਹੈ।


ਨਵੇਂ ਵੀਵੋ ਸਮਾਰਟਫੋਨ ਦੇ ਸਪੈਸੀਫਿਕੇਸ਼ਨਸ 


ਫੋਨ 'ਚ ਪ੍ਰੋਸੈਸਰ ਲਈ MediaTek Dimensity 6020 SoC ਚਿਪਸੈੱਟ ਉਪਲਬਧ ਹੋਵੇਗਾ। ਕੈਮਰਾ ਸੈੱਟਅਪ ਦੀ ਗੱਲ ਕਰੀਏ ਤਾਂ ਵੀਵੋ ਦੇ ਇਸ ਨਵੇਂ ਫੋਨ 'ਚ ਯੂਜ਼ਰਸ ਨੂੰ 2 ਬੈਕ ਕੈਮਰਿਆਂ ਦਾ ਸੈੱਟਅੱਪ ਮਿਲੇਗਾ, ਜਿਨ੍ਹਾਂ ਦਾ ਪ੍ਰਾਇਮਰੀ ਕੈਮਰਾ 50MP ਹੋਵੇਗਾ। ਇਸ ਦੇ ਨਾਲ ਹੀ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਕੰਪਨੀ ਨੇ ਇਸ ਫੋਨ 'ਚ 8MP ਕੈਮਰਾ ਸੈਂਸਰ ਦਿੱਤਾ ਹੈ।


Vivo Y28 5G 'ਚ ਕੰਪਨੀ ਨੇ 15W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ 5000mAh ਦੀ ਬੈਟਰੀ ਦਿੱਤੀ ਹੈ। ਫੋਨ ਦੇ ਸਾਈਡ 'ਤੇ ਫਿੰਗਰਪ੍ਰਿੰਟ ਸਕੈਨਰ ਦਿੱਤਾ ਗਿਆ ਹੈ, ਜੋ ਫੋਨ ਨੂੰ ਲਾਕ ਅਤੇ ਅਨਲਾਕ ਕਰਨ ਦਾ ਕੰਮ ਕਰੇਗਾ।


·        ਡਿਸਪਲੇ: 90Hz ਰਿਫਰੈਸ਼ ਰੇਟ ਦੇ ਨਾਲ 6.56 ਇੰਚ ਦੀ IPS LCD HD ਪਲੱਸ ਡਿਸਪਲੇ


·        ਬੈਕ ਕੈਮਰਾ: f/1.8 ਅਪਰਚਰ ਵਾਲਾ 50MP ਪ੍ਰਾਇਮਰੀ ਕੈਮਰਾ, ਅਤੇ f/2.4 ਅਪਰਚਰ ਵਾਲਾ 2MP ਸੈਕੰਡਰੀ ਕੈਮਰਾ


·        ਫਰੰਟ ਕੈਮਰਾ: f/2.0 ਅਪਰਚਰ ਵਾਲਾ 8MP ਸੈਲਫੀ ਕੈਮਰਾ


·        ਪ੍ਰੋਸੈਸਰ: Mali G57 GPU ਦੇ ਨਾਲ MediaTek Dimensity 6020 SoC ਚਿੱਪਸੈੱਟ


·        ਸਾਫਟਵੇਅਰ: ਐਂਡਰਾਇਡ 13 'ਤੇ ਆਧਾਰਿਤ Funtouch OS 13


·        ਬੈਟਰੀ: USB ਟਾਈਪ-ਸੀ ਪੋਰਟ ਦੇ ਨਾਲ 5000mAh ਬੈਟਰੀ, 15W ਫਾਸਟ ਚਾਰਜਿੰਗ


·        ਕਨੈਕਟੀਵਿਟੀ: ਡਿਊਲ-ਸਿਮ, 5ਜੀ, ਵਾਈਫਾਈ 5 (2.4GHz + 5GHz), ਬਲੂਟੁੱਥ 5.1, GPS, GLONASS, Galileo, Beidou, ਅਤੇ USB 2.0


·        ਰੰਗ ਦੇ ਵਿਕਲਪ: ਗਲਿਟਰ ਐਕਵਾ ਅਤੇ ਕ੍ਰਿਸਟਲ ਪਰਪਲ


ਫ਼ੋਨ ਦੇ ਵੇਰੀਐਂਟ, ਕੀਮਤ ਅਤੇ ਵਿਕਰੀ 


ਕੰਪਨੀ ਨੇ ਇਸ ਫੋਨ ਨੂੰ ਤਿੰਨ ਵੇਰੀਐਂਟ 'ਚ ਲਾਂਚ ਕੀਤਾ ਹੈ ਅਤੇ ਇਨ੍ਹਾਂ ਤਿੰਨਾਂ ਵੇਰੀਐਂਟਸ ਦੀ ਕੀਮਤ ਇਸ ਤਰ੍ਹਾਂ ਹੈ: 


·        4GB RAM + 128GB ਸਟੋਰੇਜ – 13,999 ਰੁਪਏ


·        6GB RAM + 128GB ਸਟੋਰੇਜ – 15,999 ਰੁਪਏ


·        8GB RAM + 128GB ਸਟੋਰੇਜ – 16,999 ਰੁਪਏ


ਇਹ ਵੀ ਪੜ੍ਹੋ: Punjab Politics: ਸਿੱਧੂ ਨੇ ਆਪਣੀ ਹੀ ਪਾਰਟੀ ਦੇ ਨੇਤਾਵਾਂ 'ਤੇ 'ਆਪ' ਨਾਲ ਮਿਲੇ ਹੋਣ ਦੇ ਲਾਏ ਦੋਸ਼, ਕਿਹਾ- 'ਕਾਂਗਰਸ ਉਦੋਂ ਹੀ ਉੱਠੇਗੀ ਜਦੋਂ...'


ਇਸ ਫੋਨ ਨੂੰ ਵਿਕਰੀ ਲਈ ਉਪਲੱਬਧ ਕਰਾਇਆ ਗਿਆ ਹੈ। ਯੂਜ਼ਰਸ ਇਸ ਫੋਨ ਨੂੰ ਅਮੇਜ਼ਨ, ਰਿਲਾਇੰਸ ਡਿਜੀਟਲ, ਕ੍ਰੋਮਾ ਅਤੇ ਜਿਓਮਾਰਟ ਅਤੇ ਦੇਸ਼ ਭਰ ਦੇ ਕਈ ਹੋਰ ਰਿਟੇਲ ਆਊਟਲੇਟਸ ਤੋਂ ਖਰੀਦ ਸਕਦੇ ਹਨ।


ਇਹ ਵੀ ਪੜ੍ਹੋ: WhatsApp Safety: ਜੇਕਰ ਵਟਸਐਪ ਅਕਾਊਂਟ ਹੈਕ ਹੋਣ ਤੋਂ ਬਚਾਉਣਾ ਚਾਹੁੰਦੇ ਹੋ ਤਾਂ ਇਨ੍ਹਾਂ 3 ਗੱਲਾਂ ਦਾ ਰੱਖੋ ਧਿਆਨ