UAE Online Lottery Trending News: ‘ਉੱਪਰ ਵਾਲਾ ਜਬ ਵੀ ਦੇਤਾ, ਦੇਤਾ ਛੱਪਰ ਫਾੜ ਕੇ’, ਅਸੀਂ ਸਾਰਿਆਂ ਨੇ ਇਹ ਕਹਾਵਤ ਜ਼ਰੂਰ ਸੁਣੀ ਹੋਵੇਗੀ। ਜਿਸ ਦਾ ਸਰਲ ਭਾਸ਼ਾ ਵਿੱਚ ਮਤਲਬ ਹੈ ਕਿ ਜੇਕਰ ਰੱਬ ਕਿਸੇ ਦੀ ਕਿਸਮਤ ਬਦਲਦਾ ਹੈ ਤਾਂ ਗਰੀਬ ਨੂੰ ਅਮੀਰ ਬਣਾਉਣ ਵਿੱਚ ਸਮਾਂ ਨਹੀਂ ਲਾਉਂਦਾ। ਹਾਲ ਹੀ 'ਚ ਭਾਰਤ ਦੇ ਬੈਂਗਲੁਰੂ 'ਚ ਰਹਿਣ ਵਾਲੇ ਇਕ ਵਿਅਕਤੀ ਨਾਲ ਅਜਿਹਾ ਹੀ ਹੋਇਆ। ਜਦੋਂ ਉਸ ਨੇ ਔਨਲਾਈਨ ਲਾਟਰੀ ਵਿੱਚ ਆਪਣੀ ਕਿਸਮਤ ਅਜ਼ਮਾਈ ਤਾਂ ਉਸ ਨੇ 44 ਕਰੋੜ ਰੁਪਏ ਦੀ ਲਾਟਰੀ ਜਿੱਤ ਕੇ ਪਹਿਲਾਂ ਇਨਾਮ ਆਪਣੇ ਨਾਂ ਕਰ ਲਿਆ।
ਜਿਵੇਂ ਹੀ ਇਹ ਖਬਰ ਸਾਹਮਣੇ ਆਈ, ਹਰੇਕ ਵਿਅਕਤੀ ਹੈਰਾਨ ਰਹਿ ਗਿਆ। ਜਾਣਕਾਰੀ ਮੁਤਾਬਕ ਦੱਸਿਆ ਜਾ ਰਿਹਾ ਹੈ ਕਿ ਬੈਂਗਲੁਰੂ ਦੇ ਅਰੁਣ ਕੁਮਾਰ ਵਾਟੱਕੇ ਕੋਰੋਥ ਨੇ ਇਹ ਲਾਟਰੀ ਜਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਰੁਣ ਨੇ ਆਬੂ ਧਾਬੀ (ਯੂਏਈ) ਦੀ ਬਿਗ ਟਿਕਟ ਲਾਟਰੀ ਲਈ ਟਿਕਟ ਖਰੀਦੀ ਸੀ। ਜਿਸ 'ਚ ਉਸ ਦੀ ਕਿਸਮਤ ਅਚਾਨਕ ਪਲਟ ਗਈ ਅਤੇ ਉਹ 44 ਕਰੋੜ ਰੁਪਏ ਜਿੱਤਣ 'ਚ ਕਾਮਯਾਬ ਰਿਹਾ। ਜਾਣਕਾਰੀ ਮੁਤਾਬਕ ਅਰੁਣ ਨੇ ਇਹ ਲਾਟਰੀ ਆਨਲਾਈਨ ਖਰੀਦੀ ਸੀ।
ਇਹ ਵੀ ਪੜ੍ਹੋ: Viral Video: ਟ੍ਰੇਨ ਦੇ ਇੰਜਣ 'ਤੇ ਚੜ੍ਹ ਕੇ ਨੌਜਵਾਨ ਨੇ ਹਾਈ ਟੈਂਸ਼ਨ ਦੀ ਤਾਰ ਨਾਲ ਲਿਆ ਪੰਗਾ, ਹੋ ਗਿਆ ਧਮਾਕਾ, ਹੁਣ ਹਾਲਤ ਨਾਜ਼ੁਕ
ਘਰ ਬੈਠਿਆਂ ਬਦਲੀ ਕਿਸਮਤ
ਦੱਸਿਆ ਜਾ ਰਿਹਾ ਹੈ ਕਿ ਅਰੁਣ ਨੇ 22 ਮਾਰਚ 2023 ਨੂੰ ਟਿਕਟ ਨੰਬਰ 261031 ਖਰੀਦੀ ਸੀ। ਜਿਸ ਤੋਂ ਬਾਅਦ ਉਸ ਦੀ ਕਿਸਮਤ ਚਮਕ ਗਈ ਅਤੇ ਘਰ ਬੈਠੇ ਹੀ ਉਸ ਨੇ ਅਬੂ ਧਾਬੀ (ਯੂਏਈ) ਦੀ ਬਿਗ ਟਿਕਟ ਲਾਟਰੀ ਰਾਹੀਂ ਕਰੋੜਾਂ ਰੁਪਏ ਜਿੱਤੇ। ਅਰੁਣ ਅਨੁਸਾਰ ਉਸ ਨੂੰ ਇਸ ਆਨਲਾਈਨ ਲਾਟਰੀ ਟਿਕਟ ਬਾਰੇ ਆਪਣੇ ਦੋਸਤ ਰਾਹੀਂ ਪਤਾ ਲੱਗਿਆ ਸੀ। ਇਸ ਤੋਂ ਬਾਅਦ ਉਸ ਨੇ ਇਸ ਵਿੱਚ ਆਪਣੀ ਕਿਸਮਤ ਅਜ਼ਮਾਈ। ਫਿਲਹਾਲ ਅਰੁਣ ਆਪਣੇ ਗੋਡੇ ਦੀ ਸਰਜਰੀ ਕਰਵਾ ਰਿਹਾ ਹੈ।
ਦੂਜਾ ਇਨਾਮ ਵੀ ਭਾਰਤੀ ਨੇ ਜਿੱਤਿਆ
ਆਬੂ ਧਾਬੀ ਵਿੱਚ ਹੋਈ ਇਸ ਲਾਟਰੀ ਦਾ ਦੂਜਾ ਇਨਾਮ ਵੀ ਇੱਕ ਭਾਰਤੀ ਨੇ ਜਿੱਤਿਆ ਹੈ, ਜੋ ਇਸ ਸਮੇਂ ਬਹਿਰੀਨ ਵਿੱਚ ਰਹਿ ਰਿਹਾ ਹੈ। ਆਬੂ ਧਾਬੀ ਦੀ ਬਿਗ ਟਿਕਟ ਲਾਟਰੀ ਦਾ ਦੂਜਾ ਇਨਾਮ ਜਿੱਤਣ ਵਾਲੇ ਸੁਰੇਸ਼ ਮਾਥਨ ਨੇ ਲਾਟਰੀ ਵਿੱਚ 22 ਲੱਖ ਰੁਪਏ ਜਿੱਤੇ ਹਨ। ਵਰਤਮਾਨ ਵਿੱਚ, ਪਹਿਲਾ ਇਨਾਮ ਜਿੱਤਣ ਵਾਲੇ ਅਰੁਣ ਦਾ ਕਹਿਣਾ ਹੈ ਕਿ ਉਹ ਲਾਟਰੀ ਤੋਂ ਮਿਲਣ ਵਾਲੇ ਪੈਸਿਆਂ ਨਾਲ ਵਪਾਰ ਵਿੱਚ ਆਪਣੀ ਕਿਸਮਤ ਅਜ਼ਮਾਉਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਯੂਏਈ ਦੀ ਲਾਟਰੀ ਵਿੱਚ ਹੱਥ ਅਜ਼ਮਾਉਣ ਵਾਲੇ ਭਾਰਤੀਆਂ ਦੀ ਕਿਸਮਤ ਬਦਲ ਚੁੱਕੀ ਹੈ।
ਇਹ ਵੀ ਪੜ੍ਹੋ: Speak English: ਪੈੱਗ ਅੰਦਰ ਜਾਂਦੇ ਹੀ ਪਿਆਕੜ ਕਿਉਂ ਬੋਲਣ ਲੱਗਦੇ ਪਟਰ-ਪਟਰ ਅੰਗਰੇਜ਼ੀ? ਆਖਰ ਵਿਗਿਆਨੀਆਂ ਨੇ ਲੱਭ ਹੀ ਲਿਆ ਰਾਜ