Viral Video: ਸੋਸ਼ਲ ਮੀਡੀਆ ਉੱਤੇ ਰੋਜ਼ਾਨਾ ਕਈ ਵੀਡੀਓਜ਼ ਵਾਇਰਲ ਹੁੰਦੀਆਂ ਹਨ। ਅਜਿਹੇ ਦੇ ਵਿੱਚ ਕਈ ਵੀਡੀਓਜ਼ ਤਾਂ ਹੈਰਾਨ ਅਤੇ ਪ੍ਰੇਸ਼ਾਨ ਕਰਕੇ ਰੱਖ ਦਿੰਦੀ ਹੈ। ਜੀ ਹਾਂ ਟਵਿੱਟਰ (ਹੁਣ ਐਕਸ) ਉੱਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਇੱਕ ਨਾਈ ਆਪਣੇ ਗਾਹਕ ਦੇ ਨਾਲ ਅਜਿਹੀ ਹਰਕਤ ਕੀਤੀ ਹੈ, ਜਿਸ ਨੇ ਸਭ ਨੂੰ ਹੈਰਾਨ ਕਰਕੇ ਰੱਖ ਦਿੱਤਾ ਹੈ। ਜੀ ਹਾਂ ਇਹ ਮਾਮਲਾ ਉੱਤਰ ਪ੍ਰਦੇਸ਼ ਦੇ ਕਨੌਜ ਵਿੱਚ ਇੱਕ ਸੈਲੂਨ ਵਿੱਚ ਇੱਕ ਨਾਈ ਇੱਕ ਗਾਹਕ ਦੇ ਚਿਹਰ ਦੀ ਮਾਲਿਸ਼ ਕਰਨ ਦੇ ਲਈ ਆਪਣੀ ਥੁੱਕ ਦਾ ਇਸਤੇਮਾਲ ਕਰਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਜੋ ਕਿ ਮੋਬਾਇਲ ਦੇ ਕੈਮਰੇ ਦੇ ਵਿੱਚ ਕੈਦ ਹੋ ਗਿਆ ਹੈ।
ਪੁਲਿਸ ਨੇ ਦੱਸਿਆ ਕਿ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਵੀਡੀਓ 'ਚ ਯੂਸਫ ਨਾਂ ਦਾ ਨਾਈ ਕ੍ਰੀਮ ਲਗਾਉਂਦਾ ਅਤੇ ਅੱਖਾਂ ਬੰਦ ਕਰਕੇ ਗਾਹਕ ਦੇ ਚਿਹਰੇ 'ਤੇ ਮਾਲਿਸ਼ ਕਰਦਾ ਨਜ਼ਰ ਆ ਰਿਹਾ ਹੈ। ਸਥਿਤੀ ਦਾ ਫਾਇਦਾ ਉਠਾਉਂਦੇ ਹੋਏ ਨਾਈ ਆਪਣੇ ਖੱਬੇ ਹੱਥ 'ਤੇ ਥੁੱਕਦਾ ਅਤੇ ਗਾਹਕ ਦੇ ਮੂੰਹ 'ਤੇ ਥੁੱਕ ਲਗਾਉਂਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਉਧਰ ਗਾਹਕ ਨਾਈ ਦੀ ਇਸ ਹਰਕਤ ਤੋਂ ਪੂਰੀ ਤਰ੍ਹਾਂ ਅਣਜਾਣ ਸੀ। ਹਰਕਤ ਕਰਨ ਤੋਂ ਬਾਅਦ ਵੀਡੀਓ 'ਚ ਨਾਈ ਨੂੰ ਅੰਗੂਠਾ ਦਿਖਾਉਂਦੇ ਹੋਏ ਦੇਖਿਆ ਜਾ ਰਿਹਾ ਹੈ, ਜਿਸ ਤੋਂ ਬਾਅਦ ਜਦੋਂ ਗਾਹਕ ਦੀਆਂ ਅੱਖਾਂ ਖੁੱਲ੍ਹਦੀਆਂ ਹਨ ਤਾਂ ਉਹ ਮੁਸਕਰਾਉਂਦੇ ਹੋਏ ਵੀ ਅੰਗੂਠਾ ਦਿਖਾਉਂਦੇ ਹਨ। ਪਰ ਇਸ ਭੋਲੇ ਮਾਨਸ ਨੂੰ ਪਤਾ ਹੀ ਨਹੀਂ ਹੈ ਕਿ ਉਸਦੇ ਨਾਲ ਹੋਇਆ ਕੀ ਹੈ?
ਮੁਲਜ਼ਮ ਯੂਸਫ਼ ਫਰਾਰ ਹੈ
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਵਰਕਰਾਂ ਨੇ ਨਾਈ ਯੂਸਫ਼ ਦੇ ਖਿਲਾਫ ਪ੍ਰਦਰਸ਼ਨ ਕੀਤਾ ਅਤੇ ਉਸਦੇ ਖਿਲਾਫ ਸਖਤ ਕਾਰਵਾਈ ਦੀ ਮੰਗ ਕੀਤੀ। ਘਟਨਾ ਦੇ ਬਾਅਦ ਤੋਂ ਯੂਸਫ ਫਰਾਰ ਹੈ। ਪੁਲਿਸ ਸੁਪਰਡੈਂਟ ਅਮਿਤ ਕੁਮਾਰ ਨੇ ਕਿਹਾ ਕਿ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਇਸ ਦਾ ਨੋਟਿਸ ਲੈਂਦਿਆਂ ਕਿਹਾ ਕਿ ਉਸ ਨੇ ਇਹ ਹਰਕਤ ਗਲਤ ਇਰਾਦੇ ਨਾਲ ਕੀਤੀ ਹੈ। ਮਾਮਲਾ ਤਾਲਗ੍ਰਾਮ ਸ਼ਹਿਰ ਇਲਾਕੇ ਦਾ ਦੱਸਿਆ ਜਾ ਰਿਹਾ ਹੈ।
ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ
ਐਸਪੀ ਨੇ ਅੱਗੇ ਕਿਹਾ, "ਸਾਡੇ ਧਿਆਨ ਵਿੱਚ ਇੱਕ ਵਾਇਰਲ ਵੀਡੀਓ ਆਇਆ ਹੈ ਜਿਸ ਵਿੱਚ ਇੱਕ ਨਾਈ ਇੱਕ ਵਿਅਕਤੀ ਨੂੰ ਚਿਹਰੇ ਦੀ ਮਸਾਜ ਦੇ ਰਿਹਾ ਹੈ। ਇਸ ਦੌਰਾਨ ਉਸਨੇ ਥੁੱਕ ਨਾਲ ਗਾਹਕ ਦੇ ਚਿਹਰੇ ਦੀ ਮਸਾਜ ਕੀਤੀ । ਥੁੱਕਦੇ ਸਮੇਂ ਗਾਹਕ ਦੀਆਂ ਅੱਖਾਂ ਬੰਦ ਸਨ। ਕੇਸ ਦਰਜ ਕਰ ਲਿਆ ਗਿਆ ਹੈ ਅਤੇ ਉਸ ਨੂੰ ਗ੍ਰਿਫਤਾਰ ਕਰਕੇ ਸਖਤ ਕਾਰਵਾਈ ਕੀਤੀ ਜਾਵੇਗੀ”