Bridal Transparent Wedding Dress : ਵਿਆਹ ਦਾ ਦਿਨ ਹਰ ਦੁਲਹਨ ਲਈ ਬਹੁਤ ਖ਼ਾਸ ਹੁੰਦਾ ਹੈ ਅਤੇ ਇਸ ਮੌਕੇ 'ਤੇ ਜ਼ਿਆਦਾਤਰ ਲੜਕੀਆਂ ਅਜਿਹੀ ਡਰੈੱਸ ਚੁਣਦੀਆਂ ਹਨ ਜੋ ਉਨ੍ਹਾਂ ਦੀ ਖੂਬਸੂਰਤੀ ਅਤੇ ਸ਼ਖਸੀਅਤ ਨੂੰ ਨਿਖਾਰੇ ਪਰ ਹਾਲ ਹੀ ਵਿੱਚ ਇੱਕ ਅਜਿਹੀ ਬ੍ਰਾਈਡਲ ਡਰੈੱਸ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ, ਜਿਸ ਨੂੰ ਕਈ ਲੋਕਾਂ ਨੇ ਹੁਣ ਤੱਕ ਦੀ ਸਭ ਤੋਂ ਵਿਵਾਦਿਤ ਵਿਆਹ ਦੀ ਡਰੈਸ ਕਰਾਰ ਦਿੱਤਾ।
ਦਰਅਸਲ, ਇੱਕ ਕਥਿਤ ਦੁਲਹਨ ਦੀ ਤਸਵੀਰ ਸੋਸ਼ਲ ਮੀਡੀਆ ਪਲੇਟਫਾਰਮ Reddit 'ਤੇ ਵਾਇਰਲ ਹੋਈ, ਜਿਸ ਵਿੱਚ ਉਹ ਬਹੁਤ ਹੀ ਟ੍ਰਾਂਸਪੇਰੈਂਟ ਵੈਡਿੰਗ ਡਰੈੱਸ ਪਹਿਨੀ ਨਜ਼ਰ ਆ ਰਹੀ ਸੀ। ਡਰੈੱਸ ਦਾ ਵੱਡਾ ਹਿੱਸਾ ਪਾਰਦਰਸ਼ੀ ਸੀ ਅਤੇ ਇਸ ਵਿੱਚ ਲੇਸ ਦਾ ਇਸਤੇਮਾਲ ਕੀਤਾ ਗਿਆ ਸੀ। ਇਸ ਦਾ ਡਿਜ਼ਾਈਨ ਵੀ ਕਾਫ਼ੀ ਵੱਖਰਾ ਸੀ, ਜਿਸ ਵਿੱਚ ਇੱਕ ਪਾਸੇ ਦਾ ਨੈਕਲਾਈਨ ਅਸਿਮੈਟ੍ਰਿਕ ਰੱਖਿਆ ਗਿਆ ਸੀ।
ਸੋਸ਼ਲ ਮੀਡੀਆ 'ਤੇ ਹੋਈ ਤਿੱਖੀ ਚਰਚਾ
ਤਸਵੀਰ ਸਾਹਮਣੇ ਆਉਣ ਤੋਂ ਬਾਅਦ ਹਜ਼ਾਰਾਂ ਲੋਕਾਂ ਨੇ ਇਸ 'ਤੇ ਆਪਣੀ ਰਾਏ ਦਿੱਤੀ। ਸਭ ਤੋਂ ਵੱਧ ਚਰਚਾ ਡਰੈੱਸ ਦੇ ਹੇਠਾਂ ਪਹਿਨੇ ਗਏ ਚਿੱਟੇ ਸ਼ਾਰਟਸ ਨੂੰ ਲੈ ਕੇ ਹੋਈ। ਕਈ ਯੂਜ਼ਰਾਂ ਨੇ ਕਿਹਾ ਕਿ ਇਸ ਦਾ ਡਿਜ਼ਾਈਨ ਡਾਇਪਰ ਵਰਗਾ ਲੱਗਦਾ ਹੈ। ਇੱਕ ਯੂਜ਼ਰ ਨੇ ਲਿਖਿਆ, "ਡਰੈੱਸ ਦਾ ਸਭ ਤੋਂ ਅਜੀਬ ਹਿੱਸਾ ਹੇਠਾਂ ਵਾਲਾ ਡਿਜ਼ਾਈਨ ਹੈ। ਦੂਜੇ ਨੇ ਟਿੱਪਣੀ ਕੀਤੀ, "ਇਹ ਤਾਂ ਹਸਪਤਾਲਾਂ ਵਿੱਚ ਵਰਤੇ ਜਾਣ ਵਾਲੇ ਡਿਸਪੋਜ਼ੇਬਲ ਅੰਡਰਗਾਰਮੈਂਟ ਵਰਗਾ ਦਿਸਦਾ ਹੈ।"
ਲੋਕਾਂ ਦੀ ਵੱਖ-ਵੱਖ ਰਾਏ
ਕਈ ਲੋਕਾਂ ਦਾ ਮੰਨਣਾ ਸੀ ਕਿ ਵਿਆਹ ਵਰਗੇ ਰਵਾਇਤੀ ਸਮਾਗਮ ਵਿੱਚ ਇੰਨੀ ਪਾਰਦਰਸ਼ੀ ਡਰੈੱਸ ਪਹਿਨਣਾ ਅਸਧਾਰਨ ਫ਼ੈਸਲਾ ਹੈ। ਇੱਕ ਯੂਜ਼ਰ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਲਿਖਿਆ, "ਘੱਟੋ-ਘੱਟ ਇਸ ਵਿਆਹ ਵਿੱਚ ਸਾਰੀਆਂ ਨਜ਼ਰਾਂ ਸਿਰਫ਼ ਦੁਲਹਨ 'ਤੇ ਹੀ ਰਹਿਣਗੀਆਂ। ਹਾਲਾਂਕਿ, ਹਰ ਕੋਈ ਇਸ ਡਰੈੱਸ ਦੇ ਖ਼ਿਲਾਫ਼ ਨਹੀਂ ਸੀ। ਕੁਝ ਲੋਕਾਂ ਨੇ ਦੁਲਹਨ ਦਾ ਸਮਰਥਨ ਕਰਦੇ ਹੋਏ ਕਿਹਾ ਕਿ ਇਹ ਉਸਦਾ ਆਪਣਾ ਵਿਆਹ ਹੈ ਅਤੇ ਉਹ ਕੀ ਪਹਿਨਣਾ ਚਾਹੁੰਦੀ ਹੈ, ਇਸ ਦਾ ਫ਼ੈਸਲਾ ਕਰਨ ਦਾ ਪੂਰਾ ਹੱਕ ਉਸਨੂੰ ਹੈ।
ਪਹਿਲਾਂ ਵੀ ਹੋ ਚੁੱਕੇ ਹਨ ਅਜਿਹੇ ਵਿਵਾਦ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕਿਸੇ ਬ੍ਰਾਈਡਲ ਡਰੈੱਸ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋਇਆ ਹੋਵੇ। ਇਸ ਤੋਂ ਪਹਿਲਾਂ ਵੀ ਕਈ ਵੈਡਿੰਗ ਡਰੈੱਸਾਂ ਆਪਣੇ ਬੋਲਡ ਡਿਜ਼ਾਈਨ, ਟ੍ਰਾਂਸਪੇਰੈਂਟ ਪੈਨਲਾਂ ਅਤੇ ਅਨੋਖੇ ਕਟਸ ਕਾਰਨ ਚਰਚਾ ਵਿੱਚ ਰਹਿ ਚੁੱਕੀਆਂ ਹਨ। ਫਿਲਹਾਲ ਇਹ ਟ੍ਰਾਂਸਪੇਰੈਂਟ ਬ੍ਰਾਈਡਲ ਡਰੈੱਸ ਇੰਟਰਨੈੱਟ 'ਤੇ ਚਰਚਾ ਦਾ ਕੇਂਦਰ ਬਣੀ ਹੋਈ ਹੈ।