Viral Video: ਸੋਸ਼ਲ ਮੀਡੀਆ ਦੇ ਇਸ ਯੁੱਗ 'ਚ ਤੁਹਾਨੂੰ ਹਰ ਰੋਜ਼ ਕੋਈ ਨਾ ਕੋਈ ਅਜਿਹੀ ਵੀਡੀਓ ਦੇਖਣ ਨੂੰ ਮਿਲੇਗੀ, ਜਿਸ ਨੂੰ ਦੇਖ ਕੇ ਤੁਸੀਂ ਜਾਂ ਤਾਂ ਆਪਣਾ ਸਿਰ ਫੜ ਲਓਗੇ ਜਾਂ ਫਿਰ ਹੱਸ-ਹੱਸ ਦੁਹਰੇ ਹੋ ਜਾਓਗੇ। ਅਜਿਹਾ ਹੀ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਕਾਫੀ ਵਿਊਜ਼ ਬਟੋਰ ਰਹੀ ਹੈ। ਇਹ ਵੀਡੀਓ ਇੱਕ ਸ਼ਰਾਬੀ ਦੀ ਹੈ, ਜਿਸ ਨੇ ਇੰਨੀ ਪੀ ਲਈ ਕਿ ਉਹ ਇਹ ਵੀ ਭੁੱਲ ਗਿਆ ਕਿ ਜਿਸ ਜਾਨਵਰ ਨਾਲ ਉਹ ਟੱਕਰ ਲੈ ਰਿਹਾ ਹੈ, ਉਹ ਉਸ ਦੀ ਹਾਲਤ ਵਿਗੜ ਸਕਦਾ ਹੈ।
ਦਰਅਸਲ ਇੱਕ ਸ਼ਰਾਬੀ ਬੰਦਾ ਸਾਨ੍ਹ ਨਾਲ ਹੀ ਮਸਤੀ ਕਰਨ ਲੱਗ ਪੈਂਦਾ ਹੈ। ਇਸ ਮਜ਼ੇਦਾਰ ਘਟਨਾ ਨੂੰ ਕਿਸੇ ਨੇ ਕੈਮਰੇ 'ਚ ਕੈਦ ਕਰ ਲਿਆ ਤੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਦਿੱਤਾ। ਵੀਡੀਓ ਵਿੱਚ ਇੱਕ ਸ਼ਰਾਬੀ ਸਾਨ੍ਹ ਨਾਲ ਛੇੜਛਾੜ ਕਰਦਾ ਦੇਖਿਆ ਜਾ ਸਕਦਾ ਹੈ। ਜਿਸ ਸੜਕ 'ਤੇ ਇਹ ਘਟਨਾ ਵਾਪਰੀ, ਉੱਥੇ ਲੋਕਾਂ ਨੂੰ ਲੰਘਦੇ ਵੀ ਦੇਖਿਆ ਜਾ ਸਕਦਾ ਹੈ ਪਰ ਸ਼ਰਾਬੀ ਨੂੰ ਅਜਿਹਾ ਕਰਨ ਤੋਂ ਕਿਸੇ ਨੇ ਨਹੀਂ ਰੋਕਿਆ।
ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਸ਼ਰਾਬੀ ਸਾਨ੍ਹ ਦੇ ਨੇੜੇ ਜਾਂਦਾ ਹੈ ਤੇ ਉਸ ਨੂੰ ਛੇੜਨਾ ਸ਼ੁਰੂ ਕਰ ਦਿੰਦਾ ਹੈ। ਕੁਝ ਦੇਰ ਬਾਅਦ, ਉਹ ਉਸ ਦੇ ਸਿੰਗਾਂ ਨੂੰ ਫੜ ਲੈਂਦਾ ਹੈ ਤੇ ਉਨ੍ਹਾਂ ਨੂੰ ਮਰੋੜਨਾ ਸ਼ੁਰੂ ਕਰ ਦਿੰਦਾ ਹੈ। ਪੀਤੀ-ਖਾਧੀ ਵਿੱਚ ਉਹ ਇਹ ਨਹੀਂ ਜਾਣਦਾ ਕਿ ਇਸ ਦੇ ਨਤੀਜੇ ਕਿੰਨੇ ਗੰਭੀਰ ਹੋ ਸਕਦੇ ਹਨ। ਸਾਨ੍ਹ ਵੀ ਇੱਕ ਦੋ ਵਾਰ ਉਸ ਨੂੰ ਪਿੱਛੇ ਧੱਕਣ ਦੀ ਕੋਸ਼ਿਸ਼ ਕਰਦਾ ਹੈ ਪਰ ਸ਼ਰਾਬ ਹਟਦਾ ਹੀ ਨਹੀਂ। ਉਹ ਫਿਰ ਬਲਦ ਦੇ ਨੇੜੇ ਜਾਂਦਾ ਹੈ ਤੇ ਸਿੰਗਾਂ ਨੂੰ ਮੋੜਨਾ ਸ਼ੁਰੂ ਕਰ ਦਿੰਦਾ ਹੈ।
ਕਈ ਵਾਰ ਬਲਦ ਸ਼ਰਾਬੀ ਵਿਅਕਤੀ ਨੂੰ ਆਪਣੇ ਸਿੰਗਾਂ ਨਾਲ ਮਾਰਨ ਦੀ ਕੋਸ਼ਿਸ਼ ਵੀ ਕਰਦਾ ਹੈ ਪਰ ਉਹ ਬਚ ਨਿਕਲਦਾ ਹੈ। ਫਿਰ ਅਚਾਨਕ ਬਲਦ ਉਸ ਵੱਲ ਵਧਦਾ ਹੈ ਤੇ ਫਿਰ ਉਸ ਨੂੰ ਆਪਣੇ ਸਿੰਗਾਂ ਨਾਲ ਚੁੱਕ ਕੇ ਹਵਾ ਵਿੱਚ ਪਟਕਾ ਦਿੰਦਾ ਹੈ। ਸ਼ਰਾਬੀ ਵਿਅਕਤੀ ਹਵਾ ਵਿੱਚ ਉਛਲਣ ਤੋਂ ਬਾਅਦ ਧਮਾਕੇ ਨਾਲ ਜ਼ਮੀਨ 'ਤੇ ਡਿੱਗਦਾ ਹੈ। ਥੋੜ੍ਹੀ ਦੇਰ ਬਾਅਦ ਇੰਝ ਲੱਗਦਾ ਹੈ ਜਿਵੇਂ ਉਸ ਦਾ ਸਾਰਾ ਨਸ਼ਾ ਇੱਕੋ ਝਟਕੇ ਵਿੱਚ ਹੀ ਦੂਰ ਹੋ ਗਿਆ ਹੋਵੇ। ਉਹ ਉੱਠਦਾ ਹੈ ਤੇ ਫਿਰ ਤੁਰੰਤ ਉਥੋਂ ਚਲਾ ਜਾਂਦਾ ਹੈ। ਵੀਡੀਓ ਨੂੰ ਦੇਖ ਕੇ ਲੱਗਦਾ ਹੈ ਕਿ ਸ਼ਰਾਬੀ ਨੂੰ ਜ਼ਿਆਦਾ ਸੱਟਾਂ ਨਹੀਂ ਲੱਗੀਆਂ।