Trending Video: ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫਿਲਮ ਪੁਸ਼ਪਾ-2 ਦੀ ਸਕਰੀਨਿੰਗ ਦੌਰਾਨ ਮਚੀ ਭਗਦੜ ਵਿੱਚ ਇੱਕ ਔਰਤ ਦੀ ਮੌਤ ਹੋ ਗਈ ਸੀ, ਹੁਣ ਇਸੇ ਮਾਮਲੇ ਵਿੱਚ ਸਾਊਥ ਐਕਟਰ ਅੱਲੂ ਅਰਜੁਨ ਖ਼ਿਲਾਫ਼ ਐਫਆਈਆਰ ਦਰਜ ਕਰਵਾਈ ਗਈ ਹੈ। ਇਸ ਕਾਰਨ ਹੈਦਰਾਬਾਦ ਪੁਲਿਸ ਨੇ ਅੱਜ ਅੱਲੂ ਅਰਜੁਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਜਿਵੇਂ ਹੀ ਪੁਲਸ ਅਭਿਨੇਤਾ ਦੇ ਘਰ ਉਸ ਨੂੰ ਗ੍ਰਿਫਤਾਰ ਕਰਨ ਪਹੁੰਚੀ ਤਾਂ ਉੱਥੇ ਉਸ ਦੇ ਪ੍ਰਸ਼ੰਸਕਾਂ ਦਾ ਇਕੱਠ ਹੋ ਗਿਆ ਜਿਸ ਤੋਂ ਬਾਅਦ ਗ੍ਰਿਫਤਾਰੀ ਦੇ ਕਈ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ, ਜਿਸ 'ਤੇ ਲੋਕ ਹੁਣ ਮੀਮਜ਼ ਸ਼ੇਅਰ ਕਰ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਇਸ ਸਮੇਂ ਕੁਝ ਅਜਿਹੇ ਮੀਮਜ਼ ਵਾਇਰਲ ਹੋ ਰਹੇ ਹਨ, ਜਿਨ੍ਹਾਂ 'ਤੇ ਯੂਜ਼ਰਸ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।
ਗ੍ਰਿਫਤਾਰੀ ਤੋਂ ਬਾਅਦ ਮੀਮਜ਼ ਦਾ ਹੜ੍ਹ
ਸਾਊਥ ਐਕਟਰ ਅੱਲੂ ਅਰਜੁਨ ਦੀ ਹਾਲ ਹੀ 'ਚ ਗ੍ਰਿਫਤਾਰੀ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਮੀਮਜ਼ ਦਾ ਹੜ੍ਹ ਆ ਗਿਆ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਮੀਮ ਨੂੰ ਅੱਲੂ ਅਰਜੁਨ ਤੇ ਪੁਲਿਸ ਵਿਚਾਲੇ ਹੋਈ ਲੜਾਈ ਨਾਲ ਜੋੜਿਆ ਜਾ ਰਿਹਾ ਹੈ।
ਫਿਲਮ 'ਚ ਪੁਸ਼ਪਾ ਦੇ ਕਿਰਦਾਰ ਨੂੰ ਪੁਲਿਸ ਅਫਸਰ ਨਾਲ ਟਕਰਾਅ ਤੇ ਬਹਿਸ ਕਰਦੇ ਦਿਖਾਇਆ ਗਿਆ ਹੈ, ਜਿਸ ਕਾਰਨ ਅਸਲ ਜ਼ਿੰਦਗੀ 'ਚ ਚਰਚਾ ਸ਼ੁਰੂ ਹੋ ਗਈਆਂ ਹਨ। ਜਿਵੇਂ ਹੀ ਅਦਾਕਾਰ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕੀਤਾ, ਉਹ ਸੋਸ਼ਲ ਮੀਡੀਆ 'ਤੇ ਮੀਮ ਬਣ ਗਿਆ। ਇੱਕ ਮੀਮ ਫਿਲਮ ਵਿੱਚ ਪੁਲਿਸ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਦੀ ਤਸਵੀਰ ਉੱਤੇ ਲਿਖਿਆ ਗਿਆ, ਤੁਸੀਂ ਜਿੰਨੀ ਮਰਜ਼ੀ ਗੁੰਡਾਗਰਦੀ ਕਰੋ, ਅੰਤ ਵਿੱਚ ਭਾਰਤੀ ਪੁਲਿਸ ਹੀ ਜਿੱਤੇਗੀ, ਪੁਸ਼ਪਾ
ਹੁਣ ਕਿਵੇਂ ਆਵੇਗੀ ਪੁਸ਼ਪਾ-3
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਮੀਮ 'ਚ ਦੱਸਿਆ ਗਿਆ ਹੈ ਕਿ ਪੁਸ਼ਪਾ ਦੀ ਪੁਲਿਸ ਨਾਲ ਤਕਰਾਰ ਫਿਲਮ 'ਚ ਉਸ ਨੂੰ ਜ਼ਿਆਦਾ ਮਹਿੰਗੀ ਨਹੀਂ ਪਈ ਪਰ ਉਹ ਅਸਲ ਜ਼ਿੰਦਗੀ 'ਚ ਗ੍ਰਿਫਤਾਰ ਹੋ ਗਿਆ। ਇੱਕ ਹੋਰ ਥਾਂ 'ਤੇ ਉਨ੍ਹਾਂ ਨੇ ਅੱਲੂ ਦਾ ਇਹ ਕਹਿ ਕੇ ਮਜ਼ਾਕ ਉਡਾਇਆ ਕਿ ਫਿਲਮ 'ਚ ਪੁਸ਼ਪਾ ਨੂੰ ਕੋਈ ਨਹੀਂ ਝੁਕ ਸਕਦਾ ਪਰ ਅਸਲ 'ਚ ਪੁਸ਼ਪਾ ਨੂੰ ਝੁਕਣਾ ਪਿਆ। ਇੱਕ ਹੋਰ ਨੇ ਲਿਖਿਆ, ਪੁਸ਼ਪਾ ਤਾਂ ਝੁਕ ਗਿਆ ਹੁਣ ਕਿਵੇਂ ਆਵੇਗੀ ਪੁਸ਼ਪਾ-3
ਸਾਊਥ ਦੇ ਸੁਪਰਸਟਾਰ ਅੱਲੂ ਅਰਜੁਨ ਦੀ ਫਿਲਮ ਪੁਸ਼ਪਾ 2, 5 ਦਸੰਬਰ ਨੂੰ ਦੇਸ਼ 'ਚ ਰਿਲੀਜ਼ ਹੋਈ ਸੀ ਜਿਸ ਨਾਲ ਹੁਣ ਤੱਕ 1000 ਕਰੋੜ ਰੁਪਏ ਤੋਂ ਵੱਧ ਦੀ ਵੱਡੀ ਕਮਾਈ ਹੋ ਚੁੱਕੀ ਹੈ।