ਹਰਿਆਣਾ ਤੋਂ ਪ੍ਰੇਮ ਤਿਕੋਣ ਦਾ ਇੱਕ ਦਿਲਚਸਪ ਮਾਮਲਾ ਸਾਹਮਣੇ ਆਇਆ ਹੈ। ਮਾਮਲਾ ਇਹ ਹੈ ਕਿ ਇੱਕ ਹੀ ਸਕੂਲ ਵਿੱਚ ਪੜ੍ਹਾਉਂਦੇ ਦੋ ਅਧਿਆਪਕਾਂ ਨੂੰ ਇੱਕ ਅਧਿਆਪਿਕਾ ਨਾਲ ਪਿਆਰ ਹੋ ਗਿਆ। ਦੋਵਾਂ ਅਧਿਆਪਕਾਂ ਨੇ ਪਹਿਲਾਂ ਇੱਕ ਦੂਜੇ ਨੂੰ ਅਤੇ ਫਿਰ ਉਨ੍ਹਾਂ ਦੇ ਸਾਥੀਆਂ ਨੇ ਉਨ੍ਹਾਂ ਨੂੰ ਬਹੁਤ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਵੀ ਅਧਿਆਪਕ ਕੁਝ ਸਮਝਣ ਨੂੰ ਤਿਆਰ ਨਹੀਂ ਸੀ। ਫਿਰ ਦੋਵੇਂ ਅਧਿਆਪਕ ਆਪਣਾ ਪਿਆਰ ਸਾਬਿਤ ਕਰਨ ਲਈ ਆਪਸ ਵਿੱਚ ਲੜ ਪਏ। ਇਸ ਲੜਾਈ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਮਾਮਲਾ ਹਰਿਆਣਾ ਦੇ ਰੇਵਾੜੀ (ਮਿਰਜ਼ਾਪੁਰ) ਜ਼ਿਲ੍ਹੇ ਦਾ ਦੱਸਿਆ ਜਾ ਰਿਹਾ ਹੈ।
ਸੂਰਜ ਅਤੇ ਅਨੁਜ ਦੀ ਚੰਗੀ ਦੋਸਤੀ ਸੀ
ਸੂਰਜ ਅਤੇ ਅਨੁਜ ਦੋਵੇਂ ਜ਼ਿਲ੍ਹੇ ਦੇ ਰੇਵਾੜੀ ਥਾਣਾ ਖੇਤਰ ਦੇ ਪਿੰਡ ਰਾਏਪੁਰੀ ਦੇ ਸਰਕਾਰੀ ਸੈਕੰਡਰੀ ਸਕੂਲ ਦੇ ਅਧਿਆਪਕ ਹਨ ਅਤੇ ਪਹਿਲਾਂ ਦੋਵਾਂ ਵਿਚਾਲੇ ਦੋਸਤੀ ਵੀ ਦੱਸੀ ਜਾ ਰਹੀ ਹੈ। ਸੂਰਜ ਬੱਚਿਆਂ ਨੂੰ ਹਿੰਦੀ ਅਤੇ ਅਨੁਜ ਗਣਿਤ ਵਿਸ਼ੇ ਪੜ੍ਹਾਉਂਦੇ ਹਨ। ਅਤੇ ਇਸੇ ਸਕੂਲ ਵਿਚ 3 ਸਾਲਾਂ ਤੋਂ ਪੜ੍ਹਾ ਰਹੇ ਹਨ। ਮਹਿਲਾ ਟੀਚਰ ਜੋਤੀ ਬਾਲਾ 6 ਮਹੀਨੇ ਪਹਿਲਾਂ ਹੀ ਇਸ ਸਕੂਲ ਵਿਚ ਬਦਲੀ ਹੋ ਕੇ ਆਈ ਸੀ ਅਤੇ ਅੰਗਰੇਜ਼ੀ ਦਾ ਵਿਸ਼ਾ ਪੜ੍ਹਾਉਂਦੀ ਹੈ। ਦੋਵੇਂ ਅਧਿਆਪਕਾਂ ਨੂੰ ਜੋਤੀ ਬਾਲਾ ਨਾਲ ਪਹਿਲਾਂ ਦੋਸਤੀ ਹੋਈ ਅਤੇ ਫੇਰ ਹੋਲੀ ਹੋਲੀ ਇਹ ਦੋਸਤੀ ਪਿਆਰ ਵਿਚ ਬਦਲ ਗਈ। ਸਹਿ-ਕਰਮੀ ਦੱਸਦੇ ਹਨ ਕਿ ਦੋਵਾਂ ਦਾ ਇਹ ਪਿਆਰ ਇਕ ਪਾਸੜ ਹੈ।
ਸ਼ਾਦੀਸ਼ੁਦਾ ਹੈ ਮਹਿਲਾ ਟੀਚਰ
ਅੰਗਰੇਜ਼ੀ ਵਾਲੀ ਮੈਡਮ ਜੋਤਿ ਬਾਲਾ ਪਹਿਲਾਂ ਤੋਂ ਹੀ ਸ਼ਾਦੀਸ਼ੁਦਾ ਹੈ ਅਤੇ ਇਕ ਬੱਚੇ ਦੀ ਮਾਂ ਵੀ ਹੈ। ਜੋਤੀ ਬਾਲਾ ਦਾ ਪਤੀ ਸੋਮ ਪ੍ਰਕਾਸ਼ FCI ਵਿਚ ਕੇਂਦਰੀ ਕਰਮਚਾਰੀ ਦੱਸਿਆ ਜਾ ਰਿਹਾ ਹੈ। ਸੋਮ ਪ੍ਰਕਾਸ਼ ਬੱਚੇ ਨਾਲ ਗੁਰੁਗਰਾਮ ਵਿਚ ਰਹਿੰਦਾ ਹੈ ਅਤੇ 6 ਮਹੀਨੇ ਪਹਿਲਾਂ ਭਰਤੀ ਹੋਕੇ ਰੇਵਾੜੀ ਆਈ ਜੋਤੀ ਬਾਲਾ ਕਿਰਾਏ ਦੇ ਮਾਕਨ ਵਿਚ ਇਕੱਲੀ ਰਹਿੰਦੀ ਹੈ।
<
ਕਿਵੇਂ ਹੋਈ ਲੜਾਈ
ਦੋਵਾਂ ਮਾਸਟਰਾਂ ਨੇ ਇੱਕ ਦੂਜੇ ਨੂੰ ਮਨਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਕੋਈ ਪਿੱਛੇ ਹਟਣ ਨੂੰ ਤਿਆਰ ਨਹੀਂ ਸੀ। ਸਥਿਤੀ ਲੜਾਈ ਤੱਕ ਪਹੁੰਚ ਗਈ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਜੰਗਲ ਦੀ ਅੱਗ ਵਾਂਗ ਫੈਲ ਗਈ। ਇਹ ਮਾਮਲਾ ਇਲਾਕੇ ਵਿੱਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਹਾਲਾਂਕਿ ABP ਸਾਂਝਾ ਇਸ ਵੀਡੀਓ ਦੀ ਪੁਸ਼ਟੀ ਨਹੀਂ ਕਰਦਾ। ਇਹ ਵੀਡੀਓ ਸੋਸ਼ਲ ਮੀਡਿਆ ਤੋਂ ਲਿਆ ਗਿਆ ਹੈ।