Viral Video: ਤੁਸੀਂ ਸੜਕਾਂ 'ਤੇ ਕੁੱਟਮਾਰ ਅਤੇ ਗਾਲ੍ਹਾਂ ਦੇ ਕਈ ਵੀਡੀਓ ਦੇਖੇ ਹੋਣਗੇ। ਪਰ ਇਹ ਇੱਕ ਵੱਖਰਾ ਹੈ। ਇੱਥੇ ਦੋ ਔਰਤਾਂ ਵਿਚਾਲੇ ਹੋਈ ਲੜਾਈ ਨੂੰ ਦੇਖਣ ਲਈ ਸੜਕ 'ਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਇਹ ਵੀਡੀਓ 14 ਸਤੰਬਰ ਦੀ ਦੱਸੀ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਲੜਾਈ ਟੋਲ ਪਲਾਜ਼ਾ (Toll Plaza) 'ਤੇ ਪੈਸਿਆਂ ਨੂੰ ਲੈ ਕੇ ਹੋਈ ਹੈ।
ਜਾਣਕਾਰੀ ਮੁਤਾਬਕ ਇਹ ਵੀਡੀਓ ਨਾਸਿਕ (Nashik) ਦੇ ਪਿੰਪਲਗਾਓਂ ਟੋਲ ਬੂਥ (Toll Plaza) ਦਾ ਹੈ। ਇਨ੍ਹਾਂ 'ਚੋਂ ਇੱਕ ਟੋਲ ਪਲਾਜ਼ਾ ਦੀ ਮੁਲਾਜ਼ਮ ਸੀ, ਜਦਕਿ ਦੂਜੀ ਯਾਤਰੀ ਹੈ। ਵੀਡੀਓ 'ਚ ਦੋਵੇਂ ਇੱਕ-ਦੂਜੇ ਦੇ ਵਾਲ ਖਿੱਚਦੇ ਅਤੇ ਇੱਕ-ਦੂਜੇ ਨੂੰ ਕਈ ਵਾਰ ਥੱਪੜ ਮਾਰਦੇ ਨਜ਼ਰ ਆ ਰਹੇ ਹਨ। ਝਗੜਾ ਸੁਲਝਾਉਣ ਲਈ ਕੁਝ ਲੋਕ ਜ਼ਰੂਰ ਆਏ ਸਨ। ਪਰ ਇਸ ਦੌਰਾਨ ਕਈ ਲੋਕ ਵੀਡੀਓ ਬਣਾਉਂਦੇ ਵੀ ਨਜ਼ਰ ਆਏ। ਲੜਾਈ ਦੌਰਾਨ ਇਹ ਦੋਵੇਂ ਔਰਤਾਂ ਇੱਕ-ਦੂਜੇ ਨੂੰ ਗਾਲ੍ਹਾਂ ਕੱਢਦੀਆਂ ਵੀ ਨਜ਼ਰ ਆ ਰਹੀਆਂ ਹਨ।
ਵੀਡੀਓ 'ਚ ਦੋਵੇਂ ਵਾਰ-ਵਾਰ ਇੱਕ ਦੂਜੇ 'ਤੇ ਮੁੱਕੇ ਮਾਰ ਰਹੀਆਂ ਹਨ, ਗਾਲ੍ਹਾਂ ਕੱਢ ਰਹੀਆਂ ਹਨ ਅਤੇ ਥੱਪੜ ਮਾਰ ਰਹੀਆਂ ਹਨ। ਦੋਵੇਂ ਮਰਾਠੀ ਵਿੱਚ ਬਹਿਸ ਕਰ ਰਹੀਆਂ ਸਨ। ਵੀਡੀਓ ਦੇ ਅੰਤ 'ਚ ਦਰਸ਼ਕਾਂ ਦੀ ਭੀੜ ਨੂੰ ਦਖਲ ਦਿੰਦੇ ਦੇਖਿਆ ਗਿਆ। ਪਰ ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ।
ਵੀਡੀਓ 'ਚ ਔਰਤ ਦੇ ਪਤੀ ਨੂੰ ਵੀ ਦੇਖਿਆ ਜਾ ਸਕਦਾ ਹੈ। ਉਹ ਮਹਿਲਾ ਟੋਲ ਬੂਥ ਮੁਲਾਜ਼ਮ ਨਾਲ ਬਹਿਸ ਕਰ ਰਿਹਾ ਹੈ। ਘਟਨਾ ਦੀ ਪੂਰੀ ਵੀਡੀਓ ਸ਼ੇਅਰ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ, 'ਇਹ ਹੈਰਾਨ ਕਰਨ ਵਾਲੀ ਘਟਨਾ ਹੈ। ਨਾਸਿਕ ਦੇ ਕੋਲ ਪਿੰਪਲਗਾਓਂ ਟੋਲ ਬੂਥ 'ਤੇ ਔਰਤਾਂ ਵਿਚਾਲੇ ਜ਼ਬਰਦਸਤ ਲੜਾਈ ਹੋਈ ਸੀ, ਫਿਲਹਾਲ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਤੇ ਡੇਲੀਹੰਟ 'ਤੇ ਵੀ ਫੌਲੋ ਕਰ ਸਕਦੇ ਹੋ।