Viral Video: ਜੇ ਤੁਹਾਨੂੰ ਡਾਂਸ ਕਰਨ ਦੇ ਬਦਲੇ ਮੁਫ਼ਤ ਵਿਚ ਆਈਸਕ੍ਰੀਮ ਖਾਣ ਨੂੰ ਮਿਲਦੀ ਹੈ, ਤਾਂ ਕੀ ਤੁਸੀਂ ਜਨਤਕ ਥਾਂ 'ਤੇ ਬਿਨਾਂ ਝਿਜਕ ਨੱਚੋਗੇ? ਕਈ ਅਜਿਹੇ ਲੋਕ ਹੋਣਗੇ ਜੋ ਲੋਕਾਂ ਦੀ ਪਰਵਾਹ ਕੀਤੇ ਬਿਨਾਂ ਡਾਂਸ ਕਰਨਗੇ, ਜਦਕਿ ਕੁਝ ਲੋਕ ਅਜਿਹਾ ਕਰਨ ਤੋਂ ਝਿਜਕਦੇ ਹੋਣਗੇ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਅੱਜਕਲ ਅਜਿਹਾ ਆਫਰ ਕੌਣ ਦਿੰਦਾ ਹੈ। ਦਰਅਸਲ ਬੈਂਗਲੁਰੂ 'ਚ ਇਕ ਆਈਸਕ੍ਰੀਮ ਦੀ ਦੁਕਾਨ ਹੈ, ਜੋ ਆਪਣੇ ਗਾਹਕਾਂ ਲਈ ਇਹ ਰੋਮਾਂਚਕ ਆਫਰ ਲੈ ਕੇ ਆਈ ਹੈ। ਤੁਹਾਨੂੰ ਬਸ ਦੁਕਾਨ 'ਤੇ ਜਾ ਕੇ ਨੱਚਣਾ ਪਵੇਗਾ। ਜੇਕਰ ਆਈਸਕ੍ਰੀਮ ਵੇਚਣ ਵਾਲੇ ਨੂੰ ਤੁਹਾਡਾ ਡਾਂਸ ਪਸੰਦ ਆਇਆ, ਤਾਂ ਉਹ ਤੁਹਾਨੂੰ ਮੁਫ਼ਤ ਵਿੱਚ ਆਈਸਕ੍ਰੀਮ ਦੇਵੇਗਾ।
ਦਰਅਸਲ ਇਨ੍ਹੀਂ ਦਿਨੀਂ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਆਈਸਕ੍ਰੀਮ ਵੇਚਣ ਵਾਲਾ ਆਪਣੇ ਗਾਹਕ ਨੂੰ ਫ੍ਰੀ ਆਈਸਕ੍ਰੀਮ ਦਿੰਦਾ ਦਿਖਾਈ ਦੇ ਰਿਹਾ ਹੈ, ਜੋ ਖੂਬ ਡਾਂਸ ਕਰਦਾ ਹੈ। ਇਸ ਆਈਸਕ੍ਰੀਮ ਦੀ ਦੁਕਾਨ ਦੇ ਬਾਹਰ ਇਕ ਪੈਂਫਲੈਟ ਚਿਪਕਾਇਆ ਗਿਆ ਹੈ, ਜਿਸ 'ਤੇ ਲਿਖਿਆ ਹੈ ਕਿ ਮੁਫਤ ਆਈਸਕ੍ਰੀਮ ਸਕੂਪ ਲਈ ਡਾਂਸ ਕਰੋ। ਇਹ ਪਰਚਾ ਪੜ੍ਹਦਿਆਂ ਹੀ ਗਾਹਕਾਂ ਦੀ ਭੀੜ ਲੱਗ ਗਈ। ਐਂਟਰੀ ਦੇ ਨਾਲ ਹੀ ਆਈਸਕ੍ਰੀਮ ਦੀ ਦੁਕਾਨ 'ਤੇ ਕਈ ਗਾਹਕ ਨੱਚਦੇ ਹੋਏ ਆ ਗਏ ਅਤੇ ਦੁਕਾਨਦਾਰ ਦੇ ਸਾਹਮਣੇ ਆਪਣੇ ਡਾਂਸ ਦੇ ਜੌਹਰ ਦਿਖਾਉਣ ਲੱਗੇ।
ਲੋਕਾਂ ਨੇ ਆਪਣੇ ਡਾਂਸ ਦੇ ਜੌਹਰ ਦਿਖਾਏ
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਸਾਰਿਆਂ ਨੇ ਆਪਣੇ ਡਾਂਸ ਦੇ ਜੌਹਰ ਦਿਖਾਏ। ਜਿਸ ਦੇ ਡਾਂਸ ਮੂਵਜ਼ ਸਭ ਤੋਂ ਵਧੀਆ ਸਨ, ਦੁਕਾਨਦਾਰ ਨੇ ਉਸ ਨੂੰ ਮੁਫਤ ਆਈਸਕ੍ਰੀਮ ਦਿੱਤੀ। ਲੋਕਾਂ ਨੇ ਖੁਸ਼ੀ ਨਾਲ ਇਸ ਪੇਸ਼ਕਸ਼ ਨੂੰ ਸਵੀਕਾਰ ਕੀਤਾ ਅਤੇ ਖੂਬ ਆਨੰਦ ਲਿਆ। ਆਈਸਕ੍ਰੀਮ ਵੇਚਣ ਵਾਲੇ ਨੇ ਵੀ ਵਧੀਆ ਡਾਂਸ ਕਰਨ ਵਾਲੇ ਗਾਹਕ ਲਈ ਤਾੜੀਆਂ ਵਜਾਈਆਂ। ਇਸ ਵੀਡੀਓ ਉੱਤੇ ਲੱਖਾਂ ਦੀ ਗਿਣਤੀ ਦੇ ਵਿੱਚ ਵਿਊਜ਼ ਆ ਚੁੱਕੇ ਹਨ। ਜਦਕਿ ਇਸ ਪੋਸਟ ਨੂੰ 7.5 ਲੱਖ ਤੋਂ ਵੱਧ ਲੋਕਾਂ ਨੇ ਲਾਈਕ ਕੀਤਾ ਹੈ।
ਯੂਜ਼ਰਸ ਨੇ ਮਜ਼ਾਕੀਆ ਟਿੱਪਣੀਆਂ ਕੀਤੀਆਂ
ਯੂਜ਼ਰਸ ਨੇ ਵੀਡੀਓ ਦੇ ਕਮੈਂਟ ਸੈਕਸ਼ਨ 'ਚ ਮਜ਼ਾਕੀਆ ਟਿੱਪਣੀਆਂ ਵੀ ਕੀਤੀਆਂ ਹਨ। ਇਕ ਯੂਜ਼ਰ ਨੇ ਕਿਹਾ, 'ਇੰਟਰੋਵਰਟ ਲੋਕ ਪੈਸਿਆਂ ਨਾਲ ਆਈਸਕ੍ਰੀਮ ਖਾਂਦੇ ਹੋਏ ਕੋਨੇ 'ਚ ਖੜ੍ਹੇ ਹੋ ਕੇ ਰੋ ਰਹੇ ਹਨ।' ਜਦਕਿ ਇਕ ਹੋਰ ਯੂਜ਼ਰ ਨੇ ਕਿਹਾ, 'ਸਮਾਰਟ ਮਾਰਕੀਟਿੰਗ'। ਇਕ ਹੋਰ ਯੂਜ਼ਰ ਨੇ ਕਿਹਾ, 'ਭਾਰਤ 'ਚ ਲੋਕਾਂ ਦੇ ਚਿਹਰਿਆਂ 'ਤੇ ਮੁਸਕਰਾਹਟ ਲਿਆਉਣ ਲਈ ਇਸ ਤਰ੍ਹਾਂ ਦੀ ਕੋਸ਼ਿਸ਼ ਦੇਖਣਾ ਬਹੁਤ ਵਧੀਆ ਹੈ।'