Rakhi Sawant Viral Video: ਆਪਣੇ ਅਜੀਬ ਅੰਦਾਜ਼ ਕਾਰਨ ਹਮੇਸ਼ਾ ਸੁਰਖੀਆਂ 'ਚ ਰਹਿਣ ਵਾਲੀ ਰਾਖੀ ਸਾਵੰਤ ਨੇ ਅਜਿਹਾ ਕੰਮ ਕਰ ਦਿੱਤਾ ਹੈ ਕਿ ਓਸ਼ੀਵਾਰਾ ਟ੍ਰੈਫਿਕ ਪੁਲਸ ਨੂੰ ਉਸ ਖਿਲਾਫ ਕਾਰਵਾਈ ਕਰਨੀ ਪਈ ਹੈ। ਦਰਅਸਲ, ਪਿਛਲੇ ਸਾਲ ਟ੍ਰੈਫਿਕ ਪੁਲਿਸ ਨੇ ਵਿਅਸਤ ਸੜਕ 'ਤੇ ਟ੍ਰੈਫਿਕ ਜਾਮ ਕਰਨ ਲਈ ਰਾਖੀ ਸਾਵੰਤ ਦਾ ਈ-ਚਲਾਨ ਜਾਰੀ ਕੀਤਾ ਸੀ।
ਰਾਖੀ ਕਾਰਨ ਟ੍ਰੈਫਿਕ ਜਾਮ
ਦੱਸ ਦੇਈਏ ਕਿ ਅਦਾਕਾਰਾ ਰਾਖੀ ਸਾਵਨ ਨੂੰ ਮੁੰਬਈ ਵਿੱਚ ਸਪਾਟ ਕੀਤਾ ਗਿਆ ਸੀ। ਇਸ ਦੌਰਾਨ ਉਸ ਨੇ ਆਪਣੀ ਕਾਰ ਕਾਫੀ ਭੀੜ-ਭੜੱਕੇ ਵਾਲੀ ਸੜਕ ਦੇ ਵਿਚਕਾਰ ਖੜ੍ਹੀ ਕਰ ਦਿੱਤੀ ਸੀ। ਇਸ ਕਾਰਨ ਟਰੈਫਿਕ ਜਾਮ ਹੋ ਗਿਆ। ਰਾਖੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਰਾਖੀ ਜਾਮ 'ਚ ਫਸੇ ਲੋਕਾਂ ਨੂੰ ਕਹਿੰਦੀ ਹੋਈ ਨਜ਼ਰ ਆ ਰਹੀ ਹੈ, 'ਜਿੱਥੇ ਅਸੀਂ ਖੜ੍ਹੇ ਹਾਂ, ਉਥੋਂ ਲਾਈਨ ਸ਼ੁਰੂ ਹੁੰਦੀ ਹੈ।' ਇਹ ਕਹਿ ਕੇ ਰਾਖੀ ਆਪਣੀ ਕਾਰ ਵਿੱਚ ਬੈਠ ਗਈ।
ਦੂਜੇ ਪਾਸੇ ਰਾਖੀ ਦਾ ਇਹ ਅੰਦਾਜ਼ ਨੈਟੀਜ਼ਨਜ਼ ਨੂੰ ਚੰਗਾ ਨਹੀਂ ਲੱਗਾ ਅਤੇ ਸੋਸ਼ਲ ਮੀਡੀਆ 'ਤੇ ਵੀ ਉਸ ਨੂੰ ਕਾਫੀ ਟ੍ਰੋਲ ਕੀਤਾ ਗਿਆ। ਰਾਖੀ ਸਾਵੰਤ ਨੂੰ 'ਨੌਟੰਕੀ' ਦੱਸਦੇ ਹੋਏ ਕਈ ਯੂਜ਼ਰਸ ਨੇ ਮੁੰਬਈ ਪੁਲਸ ਨੂੰ ਟੈਗ ਕੀਤਾ ਅਤੇ ਲਿਖਿਆ ਕਿ ਰਾਖੀ ਖਿਲਾਫ ਕਾਰਵਾਈ ਹੋਣੀ ਚਾਹੀਦੀ ਹੈ। ਉਥੇ ਹੀ ਇਕ ਯੂਜ਼ਰ ਨੇ ਲਿਖਿਆ, ''ਇਸ ਡਰਾਮੇਬਾਜ਼ ਔਰਤ 'ਤੇ ਕੇਸ', ਦੂਜੇ ਨੇ ਲਿਖਿਆ, 'ਮੁੰਬਈ ਪੁਲਿਸ ਨੂੰ ਕਾਰਵਾਈ ਕਰਨੀ ਪਵੇਗੀ ਅਤੇ ਮਿਸਾਲ ਕਾਇਮ ਕਰਨੀ ਪਵੇਗੀ।
ਇਸ ਕਲਿੱਪ ਨੂੰ ਅੰਧੇਰੀ-ਲੋਖੰਡਵਾਲਾ ਓਸ਼ੀਵਾੜਾ ਸਿਟੀਜ਼ਨਜ਼ ਐਸੋਸੀਏਸ਼ਨ ਨੇ ਟਵਿੱਟਰ 'ਤੇ ਪੋਸਟ ਕੀਤਾ ਸੀ। ਜਿਸ ਤੋਂ ਬਾਅਦ ਮੁੰਬਈ ਪੁਲਿਸ ਨੇ ਜਵਾਬ ਦਿੱਤਾ ਕਿ ਉਹ ਮਾਮਲੇ ਦੀ ਜਾਂਚ ਕਰੇਗੀ। ਓਸ਼ੀਵਾਰਾ ਟ੍ਰੈਫਿਕ ਡਿਵੀਜ਼ਨ ਦੇ ਸੀਨੀਅਰ ਇੰਸਪੈਕਟਰ ਦਲੀਪ ਭਾ-ਓਸਲੇ ਨੇ ਕਿਹਾ, "ਅਸੀਂ ਆਵਾਜਾਈ ਵਿੱਚ ਰੁਕਾਵਟ ਪਾਉਣ ਵਾਲੇ ਵਾਹਨ ਦੇ ਖਿਲਾਫ ਚਲਾਨ ਜਾਰੀ ਕੀਤਾ ਹੈ।"