Aishwarya Rai: ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਇਨ੍ਹੀਂ ਦਿਨੀਂ ਨਿੱਜੀ ਜ਼ਿੰਦਗੀ ਨੂੰ ਲੈ ਲਗਾਤਾਰ ਸੁਰਖੀਆਂ ਬਟੋਰ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਜਲਦ ਹੀ ਉਹ ਅਭਿਸ਼ੇਕ ਬੱਚਨ ਨੂੰ ਤਲਾਕ ਦੇਣ ਵਾਲੀ ਹੈ।

ਦੋਵੇਂ ਕਰੀਬ ਇੱਕ ਸਾਲ ਤੋਂ ਇਕੱਠੇ ਨਜ਼ਰ ਨਹੀਂ ਆਏ। ਐਸ਼ਵਰਿਆ ਹਰ ਜਗ੍ਹਾ ਬੇਟੀ ਅਰਾਧਿਆ ਨਾਲ ਨਜ਼ਰ ਆਉਂਦੀ ਹੈ। ਉਹ ਆਪਣੀ ਬੇਟੀ ਨਾਲ ਅਨੰਤ-ਰਾਧਿਕਾ ਦੇ ਵਿਆਹ 'ਚ ਵੀ ਸ਼ਾਮਲ ਹੋਈ ਸੀ।

ਇਸ ਨੂੰ ਦੇਖ ਕੇ ਲੋਕਾਂ ਦਾ ਸ਼ੱਕ ਯਕੀਨ 'ਚ ਬਦਲ ਗਿਆ ਕਿ ਉਨ੍ਹਾਂ ਦੇ ਰਿਸ਼ਤੇ ਵਿਚਾਲੇ ਤਕਰਾਰ ਚੱਲ ਰਹੀ ਹੈ। ਹਾਲਾਂਕਿ ਅਜੇ ਤੱਕ ਇਸ ਬਾਰੇ ਐਸ਼ਵਰਿਆ ਰਾਏ ਜਾਂ ਅਭਿਸ਼ੇਕ ਬੱਚਨ ਵੱਲੋਂ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।

ਇਸ ਦੌਰਾਨ ਅਦਾਕਾਰਾ ਬਾਰੇ ਇਕ ਖਬਰ ਨੂੰ ਲੈ ਲਗਾਤਾਰ ਚਰਚਾ ਜਾਰੀ ਹੈ। ਜਿਸ ਨੇ ਇੰਟਰਨੈੱਟ ਉੱਪਰ ਤਰਥੱਲੀ ਮਚਾਈ ਹੋਈ ਹੈ। ਜੇਕਰ ਤੁਹਾਨੂੰ ਕੋਈ ਇਹ ਕਹੇ ਕਿ ਐਸ਼ਵਰਿਆ ਰਾਏ 29 ਸਾਲ ਦੇ ਲੜਕੇ ਦੀ ਮਾਂ ਹੈ, ਤਾਂ ਕੀ ਤੁਸੀਂ ਇਸ 'ਤੇ ਵਿਸ਼ਵਾਸ ਕਰੋਗੇ?

ਪਰ ਆਂਧਰਾ ਪ੍ਰਦੇਸ਼ ਦੇ ਇੱਕ ਵਿਅਕਤੀ ਸੰਗੀਤ ਕੁਮਾਰ ਦਾ ਕਹਿਣਾ ਹੈ ਕਿ ਐਸ਼ਵਰਿਆ ਉਸਦੀ ਮਾਂ ਹੈ ਅਤੇ ਉਸਨੇ ਉਸਨੂੰ ਸਾਲ 1988 ਵਿੱਚ ਜਨਮ ਦਿੱਤਾ ਸੀ।

ਉਹ ਆਪਣੀ ਮਾਂ ਦੇ ਨਾਂਅ ਉੱਪਰ ਹੀ ਸੰਗੀਤ ਕੁਮਾਰ ਆਪਣੇ ਨਾਂਅ ਦੇ ਅਖੀਰ ਵਿੱਚ ਰਾਏ ਸਰਨੇਮ ਜੋੜਦਾ ਹੈ। ਇੱਕ ਅਖਬਾਰ ਨੂੰ ਦਿੱਤੇ ਬਿਆਨ ਵਿੱਚ ਸੰਗੀਤ ਕੁਮਾਰ ਨੇ ਐਸ਼ਵਰਿਆ ਅਤੇ ਉਸਦੇ ਪਰਿਵਾਰ ਨਾਲ ਆਪਣੇ ਸਬੰਧਾਂ ਦੀ ਗੱਲ ਕਹੀ ਹੈ।

ਇਸ ਖਬਰ ਨੇ ਸੋਸ਼ਲ ਮੀਡੀਆ 'ਤੇ ਹਲਚਲ ਮਚਾ ਦਿੱਤੀ ਹੈ। ਸੰਗੀਤ ਕੁਮਾਰ ਦਾ ਕਹਿਣਾ ਹੈ ਕਿ ਐਸ਼ਵਰਿਆ ਰਾਏ ਨੇ ਸਾਲ 1988 ਵਿੱਚ ਲੰਡਨ ਵਿੱਚ ਆਈਵੀਐਫ ਯਾਨੀ ਟੈਸਟ ਟਿਊਬ ਦੀ ਮਦਦ ਨਾਲ ਉਨ੍ਹਾਂ ਨੂੰ ਜਨਮ ਦਿੱਤਾ ਸੀ।

ਇਸ ਤੋਂ ਬਾਅਦ, ਪਹਿਲੇ ਦੋ ਸਾਲ ਉਹ ਮੁੰਬਈ ਵਿੱਚ ਆਪਣੇ ਨਾਨਾ-ਨਾਨੀ ਯਾਨੀ ਐਸ਼ਵਰਿਆ ਦੇ ਮਾਤਾ-ਪਿਤਾ ਨਾਲ ਰਹੇ। ਪਰ ਉਸ ਤੋਂ ਬਾਅਦ ਉਨ੍ਹਾਂ ਦਾ ਪਾਲਣ ਪੋਸ਼ਣ ਵਿਸ਼ਾਖਾਪਟਨਮ ਵਿੱਚ ਹੋਇਆ।

ਐਸ਼ਵਰਿਆ ਨੂੰ ਆਪਣੀ ਮਾਂ ਦੱਸਣ ਵਾਲੇ ਲੜਕੇ ਨੇ ਇਹ ਵੀ ਕਿਹਾ ਕਿ ਉਸ ਦੀ ਮਾਂ ਨੇ ਸਾਲ 2007 'ਚ ਅਭਿਸ਼ੇਕ ਬੱਚਨ ਨਾਲ ਵਿਆਹ ਕੀਤਾ ਸੀ, ਪਰ ਹੁਣ ਦੋਵੇਂ ਵੱਖ ਹੋ ਗਏ ਹਨ।

ਸੰਗੀਤ ਦਾ ਕਹਿਣਾ ਹੈ ਕਿ ਉਸ ਦੀ ਮਾਂ ਇਕੱਲੀ ਰਹਿੰਦੀ ਹੈ ਇਸ ਲਈ ਉਹ ਚਾਹੁੰਦੀ ਹੈ ਕਿ ਐਸ਼ਵਰਿਆ ਉਸ ਦੇ ਨਾਲ ਮੰਗਲੌਰ ਆ ਕੇ ਰਹਿਣ।ਸੰਗੀਤ ਕੁਮਾਰ ਦਾ ਕਹਿਣਾ ਹੈ ਕਿ ਉਸ ਦੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਨੇ ਉਸ ਨੂੰ ਬਚਪਨ ਤੋਂ ਹੀ ਹਨੇਰੇ ਵਿੱਚ ਰੱਖਿਆ।

ਉਸ ਦੇ ਜਨਮ ਦੇ ਦਸਤਾਵੇਜ਼ ਉਸ ਦੇ ਰਿਸ਼ਤੇਦਾਰਾਂ ਨੇ ਨਸ਼ਟ ਕਰ ਦਿੱਤੇ ਹਨ। ਹਾਲਾਂਕਿ ਐਸ਼ਵਰਿਆ ਰਾਏ 'ਤੇ ਇਹ ਦੋਸ਼ ਕਾਫੀ ਅਜੀਬ ਅਤੇ ਮਾਮੂਲੀ ਹੈ ਕਿਉਂਕਿ ਇਹ ਮਾਮਲਾ 1988 ਦਾ ਹੈ। ਉਸ ਸਮੇਂ ਐਸ਼ ਸਿਰਫ 15 ਸਾਲ ਦੀ ਸੀ।