Dharmendra: ਦਿੱਗਜ ਬਾਲੀਵੁੱਡ ਅਭਿਨੇਤਾ ਧਰਮਿੰਦਰ ਆਪਣੇ ਸਮੇਂ ਦੌਰਾਨ ਫਿਲਮ ਇੰਡਸਟਰੀ 'ਤੇ ਰਾਜ ਕਰਦੇ ਸੀ। ਧਰਮਿੰਦਰ ਫਿਲਮਾਂ ਤੋਂ ਇਲਾਵਾ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਕਾਫੀ ਸੁਰਖੀਆਂ 'ਚ ਰਹੇ ਹਨ।

ਚਾਹੇ ਉਹ ਬਾਲੀਵੁੱਡ ਡੈਬਿਊ ਤੋਂ ਪਹਿਲਾਂ 19 ਸਾਲ ਦੀ ਉਮਰ ਵਿੱਚ ਵਿਆਹ ਕਰਵਾਉਣਾ ਹੋਵੇ ਜਾਂ ਹੇਮਾ ਮਾਲਿਨੀ ਨੂੰ ਆਪਣੇ ਪਹਿਲੇ ਵਿਆਹ ਦੇ 26 ਸਾਲ ਬਾਅਦ ਦੁਲਹਨ ਬਣਾਉਣਾ ਹੋਵੇ।

ਧਰਮਿੰਦਰ ਵੀ ਬਹੁਤ ਰੰਗੀਨ ਸੁਭਾਅ ਦੇ ਰਹੇ ਹਨ। ਇੰਨਾ ਹੀ ਨਹੀਂ, ਦੋ ਵਾਰ ਵਿਆਹ ਕਰਨ ਦੇ ਬਾਵਜੂਦ, ਧਰਮਿੰਦਰ ਨੂੰ ਇੱਕ ਬਾਲੀਵੁੱਡ ਅਤੇ ਟੀਵੀ ਅਦਾਕਾਰਾ ਨਾਲ ਵੀ ਪਿਆਰ ਹੋ ਗਿਆ ਸੀ।

ਬਾਲੀਵੁੱਡ 'ਚ ਆਉਣ ਤੋਂ ਪਹਿਲਾਂ ਹੀ ਧਰਮਿੰਦਰ ਦਾ ਵਿਆਹ ਹੋ ਗਿਆ ਸੀ। ਉਸਦਾ ਪਹਿਲਾ ਵਿਆਹ 19 ਸਾਲ ਦੀ ਉਮਰ ਵਿੱਚ 1954 ਵਿੱਚ ਪ੍ਰਕਾਸ਼ ਕੌਰ ਨਾਲ ਹੋਇਆ ਸੀ।

ਵਿਆਹ ਤੋਂ ਬਾਅਦ ਦੋਵੇਂ ਚਾਰ ਬੱਚਿਆਂ ਦੇ ਮਾਤਾ-ਪਿਤਾ ਬਣ ਗਏ। ਪ੍ਰਕਾਸ਼ ਅਤੇ ਧਰਮਿੰਦਰ ਦੀਆਂ ਦੋ ਬੇਟੀਆਂ ਅਜੀਤਾ ਦਿਓਲ ਅਤੇ ਵਿਜੇਤਾ ਦਿਓਲ ਹਨ ਜਦਕਿ ਦੋ ਬੇਟੇ ਸੰਨੀ ਦਿਓਲ ਅਤੇ ਬੌਬੀ ਦਿਓਲ ਹਨ।

ਧਰਮਿੰਦਰ ਨੇ ਕਈ ਫਿਲਮਾਂ 'ਚ ਕੰਮ ਕੀਤਾ ਹੈ। ਹੇਮਾ ਮਾਲਿਨੀ ਨਾਲ ਉਨ੍ਹਾਂ ਦੀ ਜੋੜੀ ਨੂੰ ਵੱਡੇ ਪਰਦੇ 'ਤੇ ਵੀ ਕਾਫੀ ਪਸੰਦ ਕੀਤਾ ਗਿਆ ਸੀ।

ਇਕੱਠੇ ਕੰਮ ਕਰਦੇ ਸਮੇਂ ਦੋਵਾਂ ਨੂੰ ਇੱਕ-ਦੂਜੇ ਨਾਲ ਪਿਆਰ ਹੋ ਗਿਆ ਅਤੇ ਧਰਮਿੰਦਰ ਨੇ ਹੇਮਾ ਮਾਲਿਨੀ ਨਾਲ ਦੂਜੀ ਵਾਰ ਵਿਆਹ ਕਰਨ ਦਾ ਫੈਸਲਾ ਕੀਤਾ।

ਪਤਨੀ ਅਤੇ ਚਾਰ ਬੱਚੇ ਹੋਣ ਦੇ ਬਾਵਜੂਦ, ਧਰਮਿੰਦਰ ਨੇ 1980 ਵਿੱਚ ਹੇਮਾ ਨਾਲ ਦੂਜਾ ਵਿਆਹ ਕੀਤਾ। ਦੋਵਾਂ ਦੀਆਂ ਦੋ ਬੇਟੀਆਂ ਈਸ਼ਾ ਦਿਓਲ ਅਤੇ ਅਹਾਨਾ ਦਿਓਲ ਹਨ।

ਦੋ ਵਾਰ ਵਿਆਹ ਕਰਨ ਦੇ ਬਾਵਜੂਦ ਧਰਮਿੰਦਰ ਆਪਣਾ ਰਾਹ ਭਟਕ ਗਏ ਸੀ। ਉਹ 27 ਸਾਲ ਛੋਟੀ ਅਭਿਨੇਤਰੀ ਅਨੀਤਾ ਰਾਜ 'ਤੇ ਆਪਣਾ ਦਿਲ ਹਾਰ ਬੈਠੇ ਸੀ।

ਅਨੀਤਾ ਨੇ ਕਈ ਬਾਲੀਵੁੱਡ ਫਿਲਮਾਂ ਵਿੱਚ ਕੰਮ ਕੀਤਾ ਹੈ ਜਦੋਂ ਕਿ ਹੁਣ ਉਹ ਟੀਵੀ ਸੀਰੀਅਲਾਂ ਵਿੱਚ ਕੰਮ ਕਰ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਅਨੀਤਾ ਅਤੇ ਧਰਮਿੰਦਰ ਬਾਲੀਵੁੱਡ 'ਚ ਸਕ੍ਰੀਨ ਸ਼ੇਅਰ ਕਰ ਚੁੱਕੇ ਹਨ।

ਅੱਜ ਧਰਮਿੰਦਰ 88 ਸਾਲ ਦੇ ਹਨ ਜਦਕਿ ਅਨੀਤਾ 61 ਸਾਲ ਦੀ ਹੈ। ਦੋਵਾਂ ਦੀ ਉਮਰ ਵਿਚ 27 ਸਾਲ ਦਾ ਅੰਤਰ ਹੈ।

ਹੇਮਾ ਨੂੰ ਵੀ ਧਰਮਿੰਦਰ ਅਤੇ ਅਨੀਤਾ ਦੇ ਅਫੇਅਰ ਦਾ ਪਤਾ ਲੱਗ ਗਿਆ ਸੀ। ਅਜਿਹੇ 'ਚ ਹੇਮਾ ਧਰਮਿੰਦਰ ਨਾਲ ਆਪਣਾ ਵਿਆਹ ਤੋੜ ਸਕਦੀ ਸੀ,

ਪਰ ਉਨ੍ਹਾਂ ਨੇ ਅਨੀਤਾ ਨੂੰ ਧਰਮਿੰਦਰ ਤੋਂ ਦੂਰ ਰਹਿਣ ਦੀ ਸਖਤ ਹਦਾਇਤ ਦਿੱਤੀ ਸੀ। ਇਸ ਤੋਂ ਬਾਅਦ ਅਨੀਤਾ ਅਤੇ ਧਰਮਿੰਦਰ ਨੇ ਕਿਸੇ ਫਿਲਮ 'ਚ ਇਕੱਠੇ ਕੰਮ ਨਹੀਂ ਕੀਤਾ।