Famous Singer Health: ਸੰਗੀਤ ਜਗਤ ਤੋਂ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ, ਜਿਸ ਨੇ ਪ੍ਰਸ਼ੰਸਕਾਂ ਦੀ ਚਿੰਤਾ ਵੀ ਵਧਾ ਦਿੱਤੀ ਹੈ। ਦਰਅਸਲ, ਮਸ਼ਹੂਰ ਗਾਇਕ ਜਿਸਨੇ ਇੰਡਸਟਰੀ ਨੂੰ ਇੱਕ ਤੋਂ ਬਾਅਦ ਇੱਕ ਹਿੱਟ ਗਾਣੇ ਦਿੱਤੇ, ਉਹ ਗੰਭੀਰ ਬਿਮਾਰੀ ਨਾਲ ਜੂਝ ਰਹੇ ਹਨ।

ਅਸਲ ਵਿੱਚ ਗਾਇਕ ਸੋਨੂੰ ਨਿਗਮ ਇੱਕ ਹਫ਼ਤੇ ਤੋਂ ਦਰਦਨਾਕ ਬਿਮਾਰੀ ਨਾਲ ਜੂਝਣ ਅਤੇ ਮੈਡੀਕਲ ਟ੍ਰੀਟਮੈਂਟ ਦੇ ਚਲਦਿਆਂ ਪਰੇਸ਼ਾਨੀ ਦਾ ਸਾਹਮਣਾ ਕਰ ਰਹੇ ਹਨ। ਇਸ ਸਭ ਦੇ ਬਾਵਜੂਦ ਵੀ ਗਾਇਕ ਨੇ ਪ੍ਰਸ਼ੰਸਕਾਂ ਲਈ ਮੁੰਬਈ ਵਿੱਚ ਲਾਈਵ ਪਰਫਾਰਮੈਂਸ ਕਰਨ ਦਾ ਫੈਸਲਾ ਲਿਆ ਹੈ।

ਸੋਨੂੰ ਨਿਗਮ ਨੇ ਹਾਲ ਹੀ ਵਿੱਚ ਆਪਣੇ ਪ੍ਰਸ਼ੰਸਕਾਂ ਨਾਲ ਖ਼ੁਦ ਇਹ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਉਹ ਇੱਕ ਦਰਦਨਾਕ ਬਿਮਾਰੀ ਹੈ, ਜਿਸ ਨਾਲ ਉਹ ਕਾਫ਼ੀ ਪਰੇਸ਼ਾਨ ਚੱਲ ਰਹੇ ਹਨ।

ਸੋਨੂੰ ਨਿਗਮ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ’ਤੇ ਇੱਕ ਵੀਡੀਓ ਪੋਸਟ ਕੀਤੀ, ਜਿਸ ਨੂੰ ਸਾਂਝਾ ਕਰਦਿਆਂ ਉਨ੍ਹਾਂ ਨੇ ਦੱਸਿਆ ਕਿ ਉਹ ਨਸਾਂ ਵਿੱਚ ਦਬਾਅ ਦੀ ਸਮੱਸਿਆ ਨਾਲ ਜੂਝ ਰਹੇ ਹਨ, ਜਿੱਥੇ ਉਨ੍ਹਾਂ ਨੂੰ ਕਈ ਮੈਡੀਕਲ ਟੈਸਟਾਂ ਵਿੱਚੋਂ ਗੁਜ਼ਰਨਾ ਪੈ ਰਿਹਾ ਹੈ,

ਤਾਂ ਜੋ ਉਹ ਅਸਲ ਸਮੱਸਿਆ ਦੀ ਜੜ੍ਹ ਦਾ ਪਤਾ ਲਗਾ ਸਕਣ। ਵੀਡੀਓ ਵਿੱਚ ਉਨ੍ਹਾਂ ਨੇ ਕਿਹਾ, ਮੇਰੀਆਂ ਨਸਾਂ ’ਤੇ ਦਬਾਅ ਪੈ ਰਿਹਾ ਹੈ। ਮੈਂ ਇੱਕ ਹਫ਼ਤੇ ਤੋਂ ਐਮਆਰਆਈ (MRI) ਅਤੇ ਸੀਟੀ ਸਕੈਨ ਕਰਵਾ ਰਿਹਾ ਹਾਂ, ਇੱਥੋਂ ਤੱਕ ਕਿ ਮੈਂ ਕਈ ਦਵਾਈਆਂ ਵੀ ਲੈ ਰਿਹਾਂ ਹਾਂ।

ਇਸ ਵੀਡੀਓ ਵਿੱਚ ਸਿੰਗਰ ਨੇ ਇਹ ਵੀ ਦੱਸਿਆ ਕਿ ਜਿਸ ਤਰ੍ਹਾਂ ਦੀ ਸਿਹਤ ਸਮੱਸਿਆ ਵਿੱਚੋਂ ਉਹ ਗੁਜ਼ਰ ਰਹੇ ਹਨ, ਉਸ ਲਈ ਉਨ੍ਹਾਂ ਨੂੰ ਲਗਾਤਾਰ ਡਾਕਟਰੀ ਦੇਖਭਾਲ ਦੀ ਲੋੜ ਹੈ।

ਸੋਨੂੰ ਨਿਗਮ ਨੇ ਇਹ ਵੀ ਦੱਸਿਆ ਕਿ ਉਹ ਇਸ ਕੰਡੀਸ਼ਨ ਲਈ ਫਿਜ਼ੀਓਥੈਰੇਪੀ ਵੀ ਲੈ ਰਹੇ ਹਨ, ਜੋ ਕਿ ਬਹੁਤ ਹੀ ਚੈਲੇਂਜਿੰਗ ਹੈ। ਉਨ੍ਹਾਂ ਨੇ ਕਿਹਾ: ਫਿਜ਼ੀਓਥੈਰੇਪੀ ਬਹੁਤ ਹੀ ਦਰਦਨਾਕ ਹੈ।

ਅਜੇ ਮੈਂ ਲਗਾਤਾਰ ਪੇਨ ਕਿੱਲਰ ਖਾ ਰਿਹਾ ਹਾਂ, ਜਿਸ ਦੀ ਵਜ੍ਹਾ ਕਰਕੇ ਮੇਰਾ ਗਲਾ ਥੋੜ੍ਹਾ ਭਾਰੀ ਹੋ ਗਿਆ ਹੈ।

ਹਾਲਾਂਕਿ, ਮੈਡੀਕਲ ਕੰਡੀਸ਼ਨ ਦੇ ਬਾਵਜੂਦ ਸਿੰਗਰ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਯਕੀਨੀ ਬਣਾਇਆ ਕਿ ਉਨ੍ਹਾਂ ਦਾ ਆਪਣਾ ਕੰਸਰਟ ਕੈਂਸਲ ਕਰਨ ਦਾ ਕੋਈ ਵੀ ਇਰਾਦਾ ਨਹੀਂ ਹੈ।

ਉਨ੍ਹਾਂ ਨੇ ਦੱਸਿਆ ਕਿ ਉਹ ਇੱਕ ਲੰਬੇ ਗੈਪ ਮਗਰੋਂ ਗਾਉਣ ਲਈ ਬਹੁਤ ਹੀ ਐਕਸਾਈਟਡ ਹਨ ਅਤੇ ਪ੍ਰਸ਼ੰਸਕਾਂ ਨਾਲ ਕੀਤਾ ਹੋਇਆ ਕਮਿਟਮੈਂਟ ਨਹੀਂ ਤੋੜਨਾ ਚਾਹੁੰਦੇ।