Gold Silver Price Today: ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਦੱਸ ਦੇਈਏ ਕਿ ਉਤਰਾਅ-ਚੜ੍ਹਾਅ ਤੋਂ ਬਾਅਦ ਹੁਣ ਕੀਮਤਾਂ ਵਧਣੀਆਂ ਸ਼ੁਰੂ ਹੋ ਗਈਆਂ ਹਨ।

ਦਰਅਸਲ, ਅੱਜ 12 ਮਈ, 2026 ਨੂੰ ਸ਼ੁਰੂਆਤੀ ਕਾਰੋਬਾਰ ਦੌਰਾਨ ਮਲਟੀ ਕਮੋਡਿਟੀ ਐਕਸਚੇਂਜ (MCX) 'ਤੇ ਚਾਂਦੀ ਦੀ ਕੀਮਤ ਵਿੱਚ 4,400 ਰੁਪਏ ਤੋਂ ਵੱਧ ਦਾ ਉਛਾਲ ਆਇਆ, ਜਦੋਂ ਕਿ ਸੋਨਾ ਵੀ ਲਗਭਗ 580 ਰੁਪਏ ਮਹਿੰਗਾ ਹੋ ਗਿਆ।

ਸ਼ੁਰੂਆਤੀ ਕਾਰੋਬਾਰ ਵਿੱਚ ਚਾਂਦੀ 4,444 ਰੁਪਏ ਦੀ ਤੇਜ਼ੀ ਨਾਲ 2,82,755 ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਗਈ। ਇਸੇ ਤਰ੍ਹਾਂ, 10 ਗ੍ਰਾਮ ਸੋਨਾ 580 ਰੁਪਏ ਦੀ ਵਾਧੇ ਨਾਲ 1,54,243 ਰੁਪਏ ਤੱਕ ਉਛਲਿਆ।

ਕਾਰੋਬਾਰ ਦੇ ਕੁਝ ਸਮੇਂ ਬਾਅਦ ਕੀਮਤਾਂ ਵਿੱਚ ਮਾਮੂਲੀ ਸਥਿਰਤਾ ਵੀ ਦੇਖੀ ਗਈ। 24 ਕੈਰੇਟ ਸੋਨਾ: 1,53,980 ਰੁਪਏ (540 ਰੁਪਏ ਦੀ ਤੇਜ਼ੀ) 22 ਕੈਰੇਟ ਸੋਨਾ: 1,41,150 ਰੁਪਏ (500 ਰੁਪਏ ਦੀ ਤੇਜ਼ੀ), 18 ਕੈਰੇਟ ਸੋਨਾ: 1,15,490 ਰੁਪਏ (410 ਰੁਪਏ ਦੀ ਤੇਜ਼ੀ)...

ਚਾਂਦੀ (ਪ੍ਰਤੀ ਕਿਲੋ): ਚਾਂਦੀ ਦੀਆਂ ਕੀਮਤਾਂ ਵਿੱਚ 15,000 ਰੁਪਏ ਦਾ ਭਾਰੀ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਦਿੱਲੀ: 1,54,130 ਰੁਪਏ। ਮੁੰਬਈ: 1,53,980 ਰੁਪਏ। ਕੋਲਕਾਤਾ: 1,53,980 ਰੁਪਏ। ਚੇਨਈ: 1,56,330 ਰੁਪਏ। ਲਖਨਊ: 1,54,130 ਰੁਪਏ।

ਮਾਹਰਾਂ ਅਨੁਸਾਰ, ਅੰਤਰਰਾਸ਼ਟਰੀ ਪੱਧਰ 'ਤੇ ਅਮਰੀਕਾ ਅਤੇ ਈਰਾਨ ਵਿਚਾਲੇ ਵਧਿਆ ਤਣਾਅ ਇਸ ਤੇਜ਼ੀ ਦਾ ਮੁੱਖ ਕਾਰਨ ਹੈ।

ਅਮਰੀਕਾ ਵੱਲੋਂ ਈਰਾਨ ਦੇ ਸ਼ਾਂਤੀ ਪ੍ਰਸਤਾਵ ਨੂੰ ਠੁਕਰਾਉਣ ਤੋਂ ਬਾਅਦ ਪੱਛਮੀ ਏਸ਼ੀਆ ਵਿੱਚ ਸੰਘਰਸ਼ ਵਧਣ ਦਾ ਡਰ ਹੈ, ਜਿਸ ਕਾਰਨ ਕੱਚੇ ਤੇਲ ਦੀਆਂ ਕੀਮਤਾਂ ਵੀ ਉੱਪਰ ਗਈਆਂ ਹਨ।

ਇਸ ਤੋਂ ਇਲਾਵਾ, ਭਾਰਤ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਦੀ ਵਿਦੇਸ਼ੀ ਮੁਦਰਾ ਬਚਾਉਣ ਲਈ ਲੋਕਾਂ ਨੂੰ ਇੱਕ ਸਾਲ ਲਈ ਗੈਰ-ਜ਼ਰੂਰੀ ਸੋਨੇ ਦੀ ਖਰੀਦ ਟਾਲਣ ਦੀ ਅਪੀਲ ਕੀਤੀ ਹੈ, ਜਿਸਦਾ ਅਸਰ ਵੀ ਬਾਜ਼ਾਰ 'ਤੇ ਦੇਖਿਆ ਜਾ ਰਿਹਾ ਹੈ।