ਘਰੇਲੂ ਸ਼ੇਅਰ ਬਾਜ਼ਾਰ ਦੀ ਅੱਜ ਦੀ ਸ਼ੁਰੂਆਤ ਸਪਾਟ ਰਹੀ ਅਤੇ ਸੈਂਸੈਕਸ-ਨਿਫਟੀ ਹਰੇ ਰੰਗ 'ਚ ਖੁੱਲ੍ਹਣ 'ਚ ਕਾਮਯਾਬ ਰਹੇ। ਹਾਲਾਂਕਿ ਬਾਜ਼ਾਰ 'ਚ ਸਪਾਟ ਹੋਣ ਦੀ ਸ਼ੁਰੂਆਤ ਹੋਈ ਪਰ ਬਾਜ਼ਾਰ ਖੁੱਲ੍ਹਦੇ ਹੀ ਤੇਜ਼ੀ ਦੇਖਣ ਨੂੰ ਮਿਲੀ।

ਕੱਲ੍ਹ ਦੀ ਤਰ੍ਹਾਂ ਅੱਜ ਵੀ ਐਫਐਮਸੀਜੀ ਸ਼ੇਅਰਾਂ ਵਿੱਚ ਗਿਰਾਵਟ ਹੈ ਅਤੇ ਇਸਦੇ ਨਾਲ ਹੀ ਮੀਡੀਆ, ਮੈਟਲ, ਫਾਰਮਾ ਸੈਕਟਰ ਵਿੱਚ ਵੀ ਗਿਰਾਵਟ ਦੇਖੀ ਜਾ ਰਹੀ ਹੈ।

BSE ਦਾ ਸੈਂਸੈਕਸ 24.81 ਅੰਕਾਂ ਦੇ ਵਾਧੇ ਨਾਲ 72,036 ਦੇ ਪੱਧਰ 'ਤੇ ਖੁੱਲ੍ਹਿਆ ਹੈ ਅਤੇ NSE ਦਾ ਨਿਫਟੀ 26.45 (0.12 ਫੀਸਦੀ) ਦੇ ਮਾਮੂਲੀ ਵਾਧੇ ਨਾਲ 21,843 ਦੇ ਪੱਧਰ 'ਤੇ ਖੁੱਲ੍ਹਿਆ ਹੈ।

ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 19 ਉੱਪਰ ਅਤੇ 11 ਸਟਾਕ ਹੇਠਾਂ ਕਾਰੋਬਾਰ ਕਰ ਰਹੇ ਹਨ।

ਸੈਂਸੈਕਸ ਦੇ ਸਭ ਤੋਂ ਵੱਧ ਵਧਣ ਵਾਲੇ ਸਟਾਕਾਂ ਵਿੱਚੋਂ, ਮਾਰੂਤੀ ਸੁਜ਼ੂਕੀ 2.57 ਪ੍ਰਤੀਸ਼ਤ ਅਤੇ ਇੰਡਸਇੰਡ ਬੈਂਕ 1.54 ਪ੍ਰਤੀਸ਼ਤ ਉੱਪਰ ਹੈ। ਬਜਾਜ ਫਾਈਨਾਂਸ 1.20 ਫੀਸਦੀ ਅਤੇ ਪਾਵਰ ਗਰਿੱਡ 1.14 ਫੀਸਦੀ ਵਧਿਆ ਹੈ।

ਭਾਰਤੀ ਏਅਰਟੈੱਲ 0.83 ਫੀਸਦੀ ਅਤੇ ਨੇਸਲੇ 0.79 ਫੀਸਦੀ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਹੈ।

ਨਿਫਟੀ ਦੇ 50 ਸਟਾਕਾਂ 'ਚੋਂ 26 ਸ਼ੇਅਰਾਂ 'ਚ ਤੇਜ਼ੀ ਅਤੇ 22 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਹਨ। 2 ਸ਼ੇਅਰਾਂ 'ਚ ਬਿਨਾਂ ਕਿਸੇ ਬਦਲਾਅ ਦੇ ਕਾਰੋਬਾਰ ਵੇਖਣ ਨੂੰ ਮਿਲ ਰਿਹਾ ਹੈ।

ਨਿਫਟੀ ਦੇ 2268 ਸ਼ੇਅਰਾਂ ਦਾ ਕਾਰੋਬਾਰ ਹੋ ਰਿਹਾ ਹੈ, ਜਿਨ੍ਹਾਂ 'ਚੋਂ 1256 ਸ਼ੇਅਰਾਂ ਦਾ ਕਾਰੋਬਾਰ ਵਧ ਰਿਹਾ ਹੈ ਅਤੇ 899 ਸ਼ੇਅਰ ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਹਨ। 113 ਸ਼ੇਅਰ ਬਿਨਾਂ ਕਿਸੇ ਬਦਲਾਅ ਦੇ ਕਾਰੋਬਾਰ ਕਰਦੇ ਦਿਖਾਈ ਦੇ ਰਹੇ ਹਨ।