ਜੇਕਰ ਤੁਸੀਂ ਵੀ ਹਾਲੇ ਤੱਕ ਆਪਣੇ LPG ਕਨੈਕਸ਼ਨ ਦੀ E-KYC ਨਹੀਂ ਕਰਵਾਈ ਤਾਂ 30 ਜੂਨ ਤੋਂ ਪਹਿਲਾਂ ਇਹ ਕੰਮ ਜ਼ਰੂਰ ਕਰਵਾ ਲਓ।

ਤੁਸੀਂ ਵੀ ਚਾਹੁੰਦੇ ਹੋਵੋਗੇ ਕਿ ਤੁਹਾਡੇ ਘਰ ਗੈਸ ਸਿਲੰਡਰ ਦੀ ਡਿਲੀਵਰੀ ਸਮੇਂ ਸਿਰ ਹੋਵੇ ਅਤੇ LPG ਸਬਸਿਡੀ ਦਾ ਲਾਭ ਮਿਲਦਾ ਰਹੇ।

ਆਓ ਜਾਣਦੇ ਹਾਂ ਕਿ ਤੁਸੀਂ ਇਹ ਪ੍ਰਕਿਰਿਆ ਕਿਵੇਂ ਪੂਰੀ ਕਰ ਸਕਦੇ ਹੋ।

ਸਰਕਾਰੀ ਨਿਯਮਾਂ ਅਨੁਸਾਰ 1 ਜੁਲਾਈ ਤੋਂ ਬਿਨਾਂ E-KYC ਵਾਲੇ ਉਪਭੋਗਤਾਵਾਂ ਨੂੰ LPG ਸਿਲੰਡਰ ‘ਤੇ ਮਿਲਣ ਵਾਲੀ ਸਬਸਿਡੀ ਦਾ ਲਾਭ ਨਹੀਂ ਮਿਲੇਗਾ।

PM ਉੱਜਵਲਾ ਯੋਜਨਾ ਅਤੇ DBTL ਯੋਜਨਾ ਅਧੀਨ ਆਉਣ ਵਾਲੇ ਉਪਭੋਗਤਾਵਾਂ ਲਈ 30 ਜੂਨ ਤੱਕ ਬਾਇਓਮੈਟ੍ਰਿਕ ਆਧਾਰ ਵੈਰੀਫਿਕੇਸ਼ਨ ਕਰਵਾਉਣਾ ਲਾਜ਼ਮੀ ਹੈ।

ਨਿਰਧਾਰਤ ਸਮੇਂ ਤੱਕ E-KYC ਨਾ ਕਰਵਾਉਣ ਦੀ ਸੂਰਤ ਵਿੱਚ ਤੁਹਾਡੀ LPG ਸਬਸਿਡੀ ਰੋਕੀ ਜਾ ਸਕਦੀ ਹੈ ਜਾਂ ਫਿਰ ਸਥਾਈ ਤੌਰ ‘ਤੇ ਬੰਦ ਵੀ ਹੋ ਸਕਦੀ ਹੈ।

ਹਾਲਾਂਕਿ, ਜੇਕਰ ਕੋਈ ਵਿਅਕਤੀ 30 ਜੂਨ ਤੋਂ ਬਾਅਦ E-KYC ਕਰਵਾਉਂਦਾ ਹੈ ਤਾਂ ਉਸਨੂੰ ਗੈਸ ਬੁਕਿੰਗ ‘ਤੇ ਸਬਸਿਡੀ ਦਾ ਲਾਭ ਮੁੜ ਮਿਲ ਸਕਦਾ ਹੈ।

ਪਰ ਧਿਆਨ ਰਹੇ ਜਿੰਨੇ ਸਮੇਂ ਤੱਕ E-KYC ਨਹੀਂ ਹੋਈ ਹੋਵੇਗੀ, ਉਸ ਮਿਆਦ ਦੀ ਬਕਾਇਆ ਸਬਸਿਡੀ ਨਹੀਂ ਮਿਲੇਗੀ।

ਜਾਣਕਾਰੀ ਲਈ ਦੱਸ ਦਈਏ ਕਿ ਇੰਡੇਨ ਗੈਸ ਦੇ ਉਪਭੋਗਤਾ ਆਪਣੇ ਮੋਬਾਈਲ ਫੋਨ ਰਾਹੀਂ ਘਰ ਬੈਠੇ ਹੀ E-KYC ਦੀ ਪ੍ਰਕਿਰਿਆ ਪੂਰੀ ਕਰ ਸਕਦੇ ਹਨ।

ਜੇਕਰ ਤੁਸੀਂ ਆਨਲਾਈਨ ਨਹੀਂ ਕਰਨਾ ਚਾਹੁੰਦੇ ਤਾਂ ਆਪਣੇ ਨਜ਼ਦੀਕੀ LPG ਡਿਸਟ੍ਰੀਬਿਊਟਰ ਕੋਲ ਜਾ ਕੇ ਵੀ E-KYC ਕਰਵਾ ਸਕਦੇ ਹੋ।